تاخر الدورة.. تعبت نفسيا 😢

السلام عليكم ورحمة الله وبركاته
انا دورتي كانت منتظمة لها سنة تجيني بنفس اليوم تقريبا
لكن تاخرت عليه شهرين حللت منزلي ودم مافي حمل
اعطتني الدكتورة دوفستون ٥ ايام وبعد ما خلصته انتظرت
ونزلت بعد اسبوع وكانت غزييييرة جدا وتعبت مره
قالت الدكتورة يمكن حمل ضعيف ونزل..
اذا طهرتي سوي اشعة الصبغة
وفي اليوم التاسع سويت اشعة الصبغه
والحمد لله كل شيء سليم
ورحت عمرة ودعيت كثير وشربت زمزم
(وحلمت بعدها اني ارضع طفل اسمه محمد)
وامي نفس الوقت حلمت اني ارضع ولد.. استغربت وتفاءلت مره
بعدها بشهر بالضبط ونفس اليوم نزلت الدورة الثانيه تمام بوقتها
وكانت دورة عاديه واهتميت بنفسي مره من ناحية الاعشاب والاكل..
اخذت كلوميد من اليوم الثاني للدورة حبه باليوم


والحين مر شهررررين بالضبط على اخر دورة
واحلل منزلي كلها سلبي لي شهر على اعصابي
ولا اقدر اروح المستشفى بسبب الحظر
تعبت من التفكير والبحث بقوقل
ماني عارفه هو حمل والا تكيس والا خربطه بالهرمونات
💔💔😢