تاخر النطق عند ولدي

السلام عليكم ورحمة الله وبركاته
طبعا يابنات انا نزلت اكثر من موضوع عن انتباه ولدي وتاخر النطق عنده
وربي دلني ع ام سعود ودانه هنا ف المنتدى واعطتني رقم اخصائية تخاطب
ودقيت عليها واتفق معها ع موعد ورحت لها وقلبي فيه زي النار انها تقولي ولدك فيه
توحد
اول جلسه كان تشخيص حالته وقالت ولدك مااااااافيه توحد بس عنده مشكله ف الادراك
وجلست اخذ دروس عندها مدة 3 ايام والله علمتني كثثثثثثثثير واحسها شالتني من الظالم الي كنت عايشه فيه
للأسف ماقدرت اكمل معاها عشان زوجي جته البعثه ولازم نسافر وقلت لها وانا قلبي يتقطع
على ولدي بس مع كذا ماتركتني وعلمتني بطريقه الله يجزاك خير ويجزاك الجنه





وقررت اني انزل موضوع اعلمكم بحالةولدي عشان الي ولدها مثل ولدي تطمن ان مافيه توحد
وعنده تاخر ف الادراك وتاخر نطق

اول شي ولدي ماكان يرد علي لما انده عليه وماكان يفهمني لما اوجه له اوامر مثل جبلي وودي اي شي اطلبه منه
يحاول يصرفني ويبعد عني ويهرب كنت اقول اكيدولدي متوحد
الاطفال يضربونه مايعرف يرد ويدافع عن نفسه يفكرهم يلعبون معاه
ماكان يحب الاختلاط بلاطفال ويجلس يلعب معهم بدون فهم بس يركض ويضحك
احسه مايفهمني ولايخاف من شي مثل سياره يشارع عادي يقطع الشارع ولافكر انه بيتعور او يصير شي فيه
طبعا الحين راح ابداء اتعامل معاه كطفل عمره سنه ونص مع ان ولدي عمره 2 و10شهور
يابنات نصيحه الي ولدها زي ولدي توديه عند هلاخصائيه وربي مافي زيها
يعلم الله مالي اي مصلحه بهشي بس هي وقفت معاي وريحتني مرررره
استفدت منها وتعلمت منها طولت البال والصبر
اي وحده تبي رقمها ترسلي ع الخاص وبرسلها لها

والحين انا ببداء مع ولدي وراح اوقف معاه ولااتركه ابدا

ادعولي يابنات وان شاء الله اذا تطورت حالة ولدي راح اكتب لكم القصه وايش صار معاي وكيف عدية مراحل علاجه اهم شي اني ارتحت انه مافيه توحد وان ولدي سليم
تكفووون يابنات ادعووولي ولولدي ان ربي يفقه قوله ويفصح لسانه يارب