تاخر حمل

انا مرة مسويه انابيب و حللت وعطاني سلبي وفكيت المثبتات ، سبحان الله مابين ، وجاني شوي دم حسبته الدوره وكنت وقتها تعبانه شوي واقول ولله ان كني حامل الاعراض فيني حمل ومجهدة وسبحان الله واحسبها دوره ، ومرت الايام وشافتني وحدة وقالت لي يانوره انك حامل ، قلت لا ولله اني مو حامل وانا متاكدة ومحلله ، قالت روحي حللي ، واروح احلل مرة ثانية ويعطيني سلبي ،،، واقول بنفسي وش ذالخبلة … وتمر الايام وانا على حالي مجهدة وكبدي لايعه واحسبه من اثر بعد العملية وكذا ، الا عقب شهر يمكن اكتشف اني حامل ، والاكتشاف متأخر ، ما اخذت مثبتات ولا فيتامينات تساعد الجنين انه يعلق ويثبت ، واروح للمستشفى ويقولون فيه حمل عمره على عمر الارجاع ، المهم نزل الحمل الله يعوضني .
.
طبعا قليل ان التحليل الرقمي يغلط لكن قد يحصل ان الهرمون ماينزل بدري بالدم فيكون بتأخر وتصير النتيجة سلبية لانه الهرمون ماطلع بدري …
انا كتبت السالفه حقتي يومها هنا ، عاد مدري كاني خبصت بالحكي بس الزبدة اني كنت حامل .. وهي المرة الوحيدة اللي يغلط التحليل معي ، ماعمر صار معي غلط بالتحاليل

الله يرزقك ويرزقني