تاخر نزول المشيمه تجربتي

السلام عليكم ورحمة الله وبركاته
بذكر لكم تجربتي قبل 3سنوات يمكن لعلها تنفع اخواتنا الحوامل واذكروني بدعوه
في ولادتي بنتي الله يحفظها بعد نزولها جلست شوي المشيمه كانت اللي تولدني ممرضه اجنبيه فكان فيه ممرضه سعوديه وكانت تكلمها انقلش وانا مادري وش السالفه المهم ردت عليها السعوديه انقلش كمان فجات الممرضه وجابت بنتي وبطحتها على بطني سبحان الله ومن فضل الله يمكن ماجلست دقيقه المشيمه نزلت وكانت الممرضه الاجنبيه تتكلم مع السعوديه وهي فرحانه ومستغربه المهم رجعت الممرضه واخذت بنتي ودتها على سريرها طبعا سبحان الله اتوقع ان تأخر نزول المشيمه يكون من خوف الام وتوترها لان لما حطت بنتي وجسمها لامس بطني حسيت بشعور جميل وراحه النهايه انا تذكرت هذا الموقف لان وحده من الاخوات كاتبه اكشن ولادتها وكاتبه ان المشيمه ارتفعت وعيت لاتنزل وسوولها عمليه تنظيف فاللي على وشك ولاده تطلب طفلها بعد الولاده وتحطه على بطنها وتحظنه وبس طولت عليكم الله يسرها لي ولكم ويرزقنا جنته بغير حساب ولا سابقة عذاب