~تارت البيتزا ~ بيتزا التارت ~اللي تحبون... لكن هالمره مو من يدي

السلام عليكم

الفكره بسيطه جدا ... وهي عباره عن بيتزا بقوالب التارت ...
شكل جديد .. وتغيير عن البيتزا المعتاده ... وفكره رائعه للضيافه ...

طبعا وللأمانه اللي مسوينها اختي وثنتين من بنات خالاتي ...
قلت بدل السهر ع الفاضي ... نسوي فيها حصة تدبير :cook:
انا المعلمه وهم الطالبات <<< اف يا شين سيرة الدراسه ...:mad:

ماعلينا ..
ندخل بالمقادير << الابلا عصبيه وما تمزح يعني انتبهوا كويس وترا مافي اعاده

العجينه :
2 كاس دقيق منخول
1 ملعقه صغيره بيكنج باودر
رشة ملح
1ملعقه صغيره من الاوريغانو
نصف كاس زبده طريه (نصف اصبع 100 غرام )
نصف كاس حليب سائل
1 بيضه

الصلصه :
صلصة البيتزا المعتاده
الصلصه المستخدمه في الوصفه( على طريقة الوالده الله يحفظها )
وبقولها باختصار
تجمع حبات الطماطم اللينه في قدر وتغرقها بالمويه اوتخليها ع النار لين تطرى مره ...
بعدين تصفيها من المويه وتقشرها وتحطها بالخلاط (بدون القشر )
وتصبها في قدر ثاني مع بصل مفروم لين تتسبك ..
بعدين توزعها في علب صغيره (مثل علب الحمص اللي بالمطاعم )
وتفرزنها ,,,
ونستخدمها لكل شي يحتاج لصلصه ..
مثل للبيتزا ,.. اطلعها واخليها ع النار لين تذوب واحط عليها ثوم مفروم ومعجون طماطم وملح وفلفل وبهارات ايطاليه (موجوده بالسوق ) واذا ماعندي احط بهارات عاديه مع اوريغانو او حبق ناشف ..

الحشو :
فطر شرايح
زيتون اسود واخضر شرايح - فلفل رومي اخضر مقطع مكعبات صغيره
وماننسى اهم شي طبعا
جبن موزريلا مبشور


الرجاء عدم الرد حتى اكتمال الموضوع