ازيكم يا احلى بنات
يارب تكونوا جميعا بالف خير
النهاردة عملت تارت المربى بشكل جديد ويارب يعجبكم
المقادير
3كوب دقيق
2م ص بيكنج بودر
2بيضة
فانيليا
5م ك زبدة لينة
1كوب سكر ناعم
مربى (النوع والكمية حسب الرغبة)انا استعملت 2م ك مربى مشمش
الطريقة
نضرب الزبدة مع السكر كويس للحصول على خليط كريمى
ثم نضيف البيض والفانيليا ونستمر فى الضرب
ثم نضيف الدقيق والبودر المنخول ونلم الخليط بالايد
ناخد جزء من العجين نفرده فى الصينية وباقى العجين يوضع فى التلاجة
وبعدين نفرد المربى على وش الصينية
وناخد جزء من العجين اللى فى التلاجة نفرده ونقطعه بالقطاعة انا هنا استخدمت قطاعة على شكل قلب ورصيت القلوب على المربى
وده شكلها قبل ماتدخل الفر ن
وباقى العجين فردته وقطعته بقطاعة على شكل وردة وخبزته وكان بسكوت طعمه رائع وعجبنا كلنا
