هذا حلى صرااحة حلو ولذيذ و م ف ي د جدا سويته وبعد ماحطيته في الفرن تذكرت اني ماصورت الخطوات قلت مو مشكلة الخطوات سهلة جدا بس الأهم النتيجة النهائية والاهم من هذا كلة اني افيد حبيبات ألبي اللي ياما وياما وياما استفدت منهم
وكمان اذا كان عندك جزر كثير وبحلتي به ممكن انك تسوين هذا الحلى لان طعم الجزر ماتبان فيه
( كني طلعت عن الموضوع شوي )
المهم تفضلوا صورة الحلى
اول شيئ هذا المقدار اللي بكتبة يكون مناسب لهذي الصينيتين اللي قدامكم بس عشان يكون اضبط وممكن أنت تحطينه بصينية واحدة كبيرة او على رغبتك
المقادير والطريقة للقاعدة :
في العجانة / 2 علبة بسكوت اولكر مطحون مع زبدة 200 جرام مذوبة + نص فنجال قهوة سكر+ثلاث ارباع كاس الجبن الصغير حليب سايل+ فانيلا
تقسم قسمين وترص في القالبين وترفع قليلا الى الاعلى
مقادير الحشوة :
المجموعة الاولى
4 حبات جزر كبيرة او 5 وسط مبشورة
كاس حليب سايل
نص كاس سكر
المجموعة الثانية
علبة حليب محلى مركز
علبة قشطة
كاس لوز مطحون
فانيلا
قليل من ماء الورد عند الرغبة
الطريقة
1 - توضع المجموعة الاولى في قدرعلى النار وتترك لتغلى حتى يتبخر الحليب ثم تترك قليلا لتبرد
2 – توضع المجموعة الثانية في الخلاط وتخلط جيدا وبعد ان تبرد المجموعة الأولى تضاف الى الخلاط وتخلط مرة ثانية
3 – يصب الخليط بالتساوي بين الصينيتين
4 –انا اضفت في الصينية الدائرية قطع شوكولاته
5 – تدخل الفرن وتترك حتى تنظج وتحمر قليلا جدا من الاعلى
وتقدم بالعافية والتزيين حسب الرغبة انا اضفت هيرشي على الصينية الدائرية
وهذي صورة جماعية بعد مااكلنا من الصينية الاولى
وهذي من قريب
ومرة ثانية
والف صحة وعاااااافية
صراحة مأنبني ضميري :icon33::icon33: من5 نواحي
1 – لاني ماصورت لكم الخطوات
2 – لان شرحي كثير وهي ماتستاهل الا سطر او سطرين
3 – كلامي غير مترابط ولا تفوتكم اللغة العربية في بعض الكلمات
4 – كل هذا بسبب لاني فيني النوووم وقلت والله ماانام لين انزلها
5- إذن فالعذر والسموحة من طبائع الكرااام :26::26:
باجربها
يعطيك العافية اخت عجايب