أولا وقبل البدء أنا ولد منيب بنت داري يمكن شوي غريبة بس العزوبية من مدارس الحياة .
الوصفة الثانية هي لتارت بودنج الشكولاته هذي الوصفة جداااا رائعة وسههههههههله ومافيها فلسفة زي التشيز كيك .
بسم الله :
أولا صورة ليست من تصويري :
****** Chocolate Truffle Tart ******
المكونات :
للقاعدة :
٢٨ حبة أوريو
٣/٤ أصبع زبدة
للحشوة :
٢٥٠ ج شكولاته غامقة ( ٦٠٪ على الأقل نسبة الكاكاو ) من نوع ممتااااااز ، أهم مكون هنا هو الشكولاته يعني أشتروا النوع الغالي موب جلكسي ، طبعا مهم جدا شكولاته غامقة عشان لازم تحسين بطعم الشكولاته يعني شكولاته بالحليب بيسير الحلى طعمه سواليف. شخصيا أنصح بنوع lindt السويسري فيه واحد ينكتب عليه ٧٠٪ هاذا المطلوب . إذا ما لقيتيه روحي سوبرماركت ثاني بس لا تستخديمن نوع شين .
٣/٤ أصبع زبدة
بيضتين مخلوطة شوي بس
١/٣ كوب كريمة ( قشطة خفق ) يفضل من النوع اللي موب طويل الأجل .
١/٤ كوب سكر
ملعقة شاهي ملح
ملعقة كبيرة فانيلا سائلة
.........................................
الطريقة :
١ـ أستخدمي نفس صينية التشيزكيك ولكن الحجم الصغير ، لو أستخدمتي الحجم الكبير بيجيك الحلى زي الصورة اللي أنا حاطها بس إذا تبغين أحسن و أطعم أستخدمي صينية صغيرة .
٢ـ سخني الفرن إلى ٣٥٠ فهرنهايت أو ١٧٦ مئوي .
٣ـ أطحني الأوريو مع الزبدة السايحة و غطي القاعدة بطبقة خفيفة جدا من البسكوت و غطي حوالي ٢ سم من الأطراف . وبعدين حطيها في الفرن حوالي ١٠ دقايق . وبعدين خليها تبرد برا الفرن عبال ما تسوين الحشوة .
٤ـ في قدر صغير حطي شوي موية يعني حوالي ٣ سم وخليها تغلي غلية جدااااا خفيفة وبعدين حطي فوق القدر صحن قزاز أو حديد بشرط إن المويه ما تلمس الصحن من تحت . وحطي في الصحن اللي فوق الشكولاته و الزبدة عشان تذوبينهم .وحركي بإستمرار إلين تذوب . بعدين شيلي الصحن اللي فوق اللي ذووبتي عليه الشكولاته وخليه يبرد برا الثلاجة ٥ دقايق .
ملاحظة : هذي هي الطريقة الصحيحة لتذويب الشكولاته ولكن تأكدي إنك ما تستخدمين بلاستك .... وتأكدي إن المويه ما تلمس الصحن عشان ما تحرق الشكولاته .
٥ـ أخلطي باقي المقادير باليد موب بالخلاط يعني وبعدين أضيفي الشكولاته عليها . وأخلطي زييين .
٦ـ صبي الخلطه في صينية التشيزكيك و بعدين أضربي الصينية على الطاولة ضربات خفيفة عشان تطلعين الهوا . بعدين حطيها في الفرن حوالي ٢٠ إلى ٢٥ دقيقة إلين ما تبدأ الأطراف شوي تنتفخ . طلعيها من الفرن وخليها تبرد برا الثلاجة حوالي ساعتين . وبعدين حطيها في الثلاجة بدون ما تغطينها حوالي ٤ ساعات .
٧ـ عند التقديم رشيها بشوي بودرة كاكاو .
ممنوع مشاركه الرجال فى هذه الاقسام