تاصل للعن اعوذ بالله

السلام عليكم
طبعا الموضوع سخيف وبايخ وابي احط له حد 
الموضوع هو زوجي 
مايبيني اعدل ولا شي من شعر بناتي ولا اقصصه او اللمسه
وانا هاالشي مادخل مزاجي وماتقبلته ابد ومايعجبني الاب اللي يتحكم في شعر او تسريحه اطفاله لانه المفروض يترفع عن هاالاشياء ويخلي هاالشغل للام لانه هي تسوي الانسب الاطفالها خصوصا بموضوع سخيف مثل قص اطراف شعر او تعديل غره اشياء خفيفه وبعدين هي تضل امهم مو خدامتهم وهذول عيالها ويحق لها تسوي فيهم 
غير كذا بنتي عمرها سنتين صغيره ماتحب البكل ولا الشبصات وغرتها على عيونها وشوشتها طايره ولا يبي اوديها حلاق ولا اعدل غرتها ويتنرفز ويعصب ويعاملني بأسلوب اذا جبت طاري القص مثال يقول اكسر يدينك تلمسين المقص وتقصينه 
واشياء يحسسني انه مالي حق البناتي ولا بأبسط الاشياء
طبعا مارديت عليه وقصيت مره ومرتين وثلاث وماحصلت الا الهواش وتهديد منه مع انه قص بسيط وقص اطراف ويمه منه يلاحظ 
ويبداء يهاوش 
هاالفتره بنتي تنفخت عيونها دايم غرتها على عيونها وطفشت منه رافض يوديها الحلاق 
واجيك وامسك المقص واعدل قصتها والله طلعت تجنن تهبل رووووعه 
وارسل له الصوره بالواتس بالدوام وقلتله وش رايك مو كذا احلا
الا يرد علي 
الله يلعنك مااقول الا الله يلعنك
ودق علي ورديت قلت ترى عيب ماتستاهل اللعن والله منت صاحي قال واقولها ثانيه وثالثه الله يلعنك انتي قليل فيك اللعن اتفاهم معاك اذا رجعت للبيت ياالكلبه وسكر 
انا يا اخواتي ماراح استسلم وبستمر اقص لهن الحد مايمل اكيد ماراح يطلق بسبب غره ههههه 
وادري كثير منكم بيقولون ريحي راسك ياشيخه وسمعي كلامه 
ماراح اسمع كلامه هذول بناتي ماني خدامتهم اسوي فيهم مايحلو لي بما انه لاهو تشويه ولاهو حرام
يوم كنت صغيره امي تكسر يديني اذا لمست غرت خواتي الصغار والحين بس تزوجت وصارلي بنات جاء زوجي وفرض السيطره مكان امي مالي حق اصير مثل باقي الامهات لي الحريه الكامله مليت 
وماراح استسلم
ابي رايكم كيف اقنعه من غير معاند وعصبيه لاني ماراح خليه على كيفه قاهرني يتدخل في موضوع جدا بايخ وماله دخل فيه
وغير كذا موضوع اللعن والسب هذي مشكله ثانيه والله يعين