تاصل ممكن انه يدق على اهلي بسبب هذا الموضوع وسواها قبل ودق

السلام عليكم
عشر اواخر مباركة
انا من اخذت زوجي وهو مايطيق ينقص شعر بناتي مايحب وقبل كنت اذا رحت المشغل ماكنت اعرفه اول ماجبت بنتي البكر كنت اقصص شعرها ثم اذا رجع وشافها صارت مشكله ممكن اسبوع مايكلمتي وتصير هوشه بالاول كنت أعاند واقول بغيره غصبن عنه بيرضى بالأمر الواقع وبيسكت ويمل وكل مره اقصه ويهاوش وتصير هوشه لأن وجهة نظري انه هذا شي ماله دخل فيه هذا الأم هي المسؤله عنه لكن كل محاولاتي بأت بالفشل صرت اخلي اهلي يقصونه ابيه يتفشل واوضح له ان انا مالي دخل امي اخذتها المشغل وقصته عشان يستحي والله ولاهمه دق على امي قالها شعر بناتي ماتلمسونه انتي جدتها على عيني وراسي لكن الشعر خط احمر وامي من بعدها قالت خلاص خليه طبعا
من بعدها خلاص انا تأدبت وعرفت انه مستحيل اغير تفكيره
شعرهن يطول مررره ومايبي يفكونه يخليهن يربطن جديله ممنوع التسريحات او يفكونه ابد مشدود وجديله اشكالهن ياعيوني تحوم الكبد حتى اللبس يطلع يحوم الكبد من شكل الشعر صارن اذا طلع فكن شعورهن وتدلعن واذا رجع ربطنه
كبرت البنات وحده صف ٦ و الثانيه٥ وتعرفون عمر المراهقه تبي تدلع تقص شعرها تحط اها غره كله ممنوع ولو شك بس مجرد شك انه مقصوص تصير حرب وهواش انا طبعا شلت يدي وقلت مالي دخل فيكم ابوكم عندكم اذا وافق قصيته مالي خلق مشاكل
وكل مره بناتي تكفى يا بابا نبي نقص ويواعدهن انه بالاجازه واذا جت الاجازه قال بالدواسه وهكذا شغل تصريف طبعا بنتي اللي بصف٦ شخصيتها قويه ومرره قالت انت يابابا وش دخلك في امور البنات امي هي المسؤله ليش انت تدخل طبعا عصب عليها وانجن وقال اذا فتحتي موضوع الشعر بظربك هي عصبت وقبل تقريبا ٣ شهور خلت صديقتها بالمدرسة تقص غرتها الفوق الحاجب بأصبعين طلع شكلها يضحك هههههه انا انجنين قلت مجنونه لو بدري بابا وش بيسوي قالت عادي انا اربطها في البكل المغاط الصغار وتمسكها في بنسه وفعلا لنا تقريبا ٣ شهور ماشين كذا وزوجي مايدري انه قاصه الغره مره انتبهت ام زوجي قبل شهر وشافت غرتها قالت تجنن ليش رافعتها طبعا بعد ماطالت ووصلت الحد الحواجب قالت بابا يهاوش قالت ماعليك منه فكيها واذا قال شي ابد انا اسكته طبعا فكتها وهي متوتره وخايفه شافها زوجي وماقال شي لان امه كلمته واسكت يوم راحت امه مسك بنتي وقال ارفعي غرتك لا تشوفين شي ماشفتيه رفعتها وهي مبسوطه قالت ماما فاتك بابا ماقالي شي شاف غرتي وماهاوشني ولا عصب ولا شي عادي بس قال ارفعي غرتك خلاص ماما بصير افك الغره بابا ماعاد يهاوش ولايقول شي قلت ياماما عشان جدتك موجوده ماقال شي ارفعيها لا يتفلت عليك طبعا هي صارت ترفعها عاد لها يومين تنزلها وتستشوراها اذا طلع واذا جا رفعتها قبل الفطور شاف الغره زوجي وعصب وزاعق وشو هذاااااا بصوت قوي وزعاق وقام يشتمني وقال انتي قاصتها قلت هذي قديم تتذكر امك يوم توريك قبل شهر قديمه شفها طالت قال انتي قاصتهاااااااا وهوااش وزعاااق وبنتي جلست تبكي وقالي زوجي والله بكلم اهلك واقولهم انك قصيني غرتها انتي ماتبتي ما استوعبتي لك ١٣ سنه عايشه معاي متى بتستوعبيييييين الشعر مااااحب ينقص انتي تعاندين قلت اذكر الله لها الغره ٣ شهور توك تنتبه هي كانت ترفعها امت توك تنتبه
عطاني زعقه وهواش ودووووووب بالباب صفقه بقوى ماعنده ونزل تحت عند اهله يفطر زعلان واسمعه يتمتم والله ما اخليها تمر على خير والله
النوعيه المريضه اللي تدخل في امور الحريم هذي كيف تعالج أخواتي كيف اخليه يشيل توافه الأمور من باله ومايتدخل في امور البنات والله العظيم
حتى ممنوع يفكون شعورهم ابد يا ذيل حصان ولا جديله تقل في مدرسه باقي بس الشرايط اشكالهن ياعيوني مررره تتغير اذا قصيت الشعر للأكتاف يترتب اشكالهم مساكين ملو