تالا والحين لميس !!! طيب عيالي وعيالكم لازم ننتبة للنقطة هذي ...

السلام عليكم ورحمة الله وبركاتة 


من بعد قصة تالا وانتشارها في الاعلام 
والحين لميس الله يرحمهم ويصبر أهلهم 
ولايورينا مكروة بعيالنا ويأخذ حقهم 
من المجرمات والوحوش البشرية ...

حبيت انبهكم لشغلة كانت تحصل معانا
وحنا صغار وتأثر حيل بنفسيتنا
ونفكر فيها بينا وبين انفسنا من غير ماحد
يحس وأحيان نقعد نشغل أهالينا اسئلة 

هي ( تخويف الاطفال بالقصص هذي ) 
مثال : الأهل يتكلمون بالقصص المرعبة 
قدام الأطفال من غير مايراعون مشاعرهم ... 
( قتل الشغالات للأطفال - الحرامية - الخطف - ..... وغيرة ) 
اتذكر وانا صغيرة طلعت قصة عن اب 
حرق ولدة «« والله أتازم نفسيا كل ماذكر 
السالفة ذي مع اني كنت صغيرة حيل 
كل العالم كانوا يتكلمون فيها حتى حنا 
يالصغارنتكلم فيها اولاد وبنات خالاتي 
وعماتي ويقعدون يألفون ويبالغون 
بالتخويف «« تعرفون الاطفال ياحليلهم 
ولمن اجي انام شغالة تفكير وابكي 
بيني وبين نفسي لدرجة اخاف من 
ابوي بعد عمري ....

هذا غير الكوابيس وغير بعض الاطفال 
يجية نفسية وخوف وهو صغير 
ويعملها تحتة كلة بسبب الخوف 
مساكين قلوبهم رهيفة مو زي الكبار 
عارفين الدنيا وفاهمينها ...

والحمدالله أن امي كانت تقدر تعالج 
المواقف وتقولي شوفيني قدامك 
كنت صغيرة زيك وكبرت وتزوجت 
وجبتكم والحين معاكم العبكم 
واحبكم واأكلكم و..... الخ 
وأنتي اكيد بتصيرين زيي وماراح 
احد يقدر يذبحك أو يخطفك وراح 
تكبرين مثلي وتصيرين حلوة ....
والخ ، لما تنسيني السالفة
وارتاح واقعد افكر اني خلاص 
زي امي أكبر ومايصير فيني شي ...

وبس حبيت انبهكم والله حيل 
اتضايق على الاطفال مسااكين 
يقطعون قلبي يارب احفظهم ....


ادعوا لي براحة البال ...