صباح الخير على الجمييييع
بنات انا احب التاووووه حب
عاد من زمان احبها امي كانت تسويها مره بالسنه ولا بوقت الشتاء
مدري ليه بالشتاء :confused: لاتسالوني خخخخخ
المهم اني ماعرف للتاوة تزوجت وزوجي طلبها مني
عاد انا قعدت ادور بالنت ايام وكتب بالدفتر كل طريقة تطلعلي
بعض الطرق اتصعب المقادير او طريقة العمل ابي شيء سريع وسهل
ولا اشتهيتها كثير بحملي ببنتي
وجربت طريقة من اللي جمعتهم اول طريقة جربتها انجنييييت عليها الطعم والشكل والريحه شيءءء
هالكلام من ثلاث سنين
وسويت التاوة اول ماصحيت من النوم جوعانه وحامل وبرد ولحالي سويتها اول حبه ذقتها نقزت من الفرحه تااااووووة امممممي حتى زوجي انهبل على طعمها وحبها كثير
لذا هذي الطريقه سهله وبسيطه وسريعه
بنات انا كتبت على الصور الطريقة والمقادير ومره ثانيه كتبتهم عادي بالموضوع عشان اللي تبي تنسخ الكلام بس بدون صور
.: المقادير :.
1 كأس دقيق بر
1 كأس دقيق أبيض
نص كأس حليب بودرة
1 فنجال شاهي سكر بودرة
1 ملعقه كبيرة بيكنج بودر
رشة ملح
ثلاث ارباع الكأس ماء... ويمكن يزيد على حسب العجينه
فيه ناس يحبون يحطون ( حبة البركة ) بالعجينه بس كل اللي حولي مايحبونها فيه حتى انا
.: الطريقة :.
جميع المقادير مع بعض
اعجينيهم بالماء بس انتبهي صبي الماء على دفعات الين تكون العجينه
زي عجينة الفطاير لكن ذي تتلزق باليد
ليش على دفعات عشان تشوفين المويه تكفي ولا تكون زياده ولا تحتاج برضو ماء انا الصراحه مااقوس الماء
قطعيهم كور اقل حجم من البيضه بشوي ...
ادهني ادينك بشوي زيت شووووي بس وكوريهم كلهم زين
بعدين افرديهم كلهم يا بيديك على الطاولة او بآلة المطازيز مو الكهرب طبعاً
اقليهم بزيت غزير وحار
لكن على وحده وحده ...يعني حطيتي وحده اقعدي غطسيها بالزيت اغرقيها عشان تنتفخ وتصير كروشه :biggrin2:
يعني تطبطبين عليها تغطيس سريع كانك تهزينها فهمتوا قصدي اخاف تفهمون اني اقصد ترصينها بالزيت تحت لا انتبهو
( شوفوا بنات صحيح كلهم مفرودين اللي ملامسه الطاوله يكون رطب واللي فوق اللي متعرض للهواء نشف اذا رمتي بالزيت خلي الرطب فوق والناشف تحت بالزيت ليش لان الرطب هو ينتفخ بسرعه)
وكل مانتفخت وحده حطي ثانيه وسوي لها كذا وهاكذا للجميع بس انتبهي لكل وحده اقلبي للوجهه الثاني اذا حمرت ..... وانتبهي تراهم يستوون بسرررررعه
وهذي النتيجه
احب احط عليها عسل واكلها مع كوب حليب
احب التاوة حلوة
وزوجي يحبها بدون عسل وبدون سكر
وابوي يحبها مع الشوربه وخاصه كويكر
^
بنات هذا امس مفطره عليه خخخخخخ مع المطر شيييء رحت فيها جوووو رومنسي لحالي :biggrin2:
هني على قلووووبكم
بنات هو ممكن تحطين دقيق بر بدون الدقيق الابيض
انا احطه هالسنه ذي بس الابيض لانه البر بدا يخلص من عندي واما الابيض فكثير عندي
وكثير قالولي تحطين فيها دقيق ابيض قلتلهم لا
فقلت اجرب احط كاس من ذا وكاس من ذا طلع نفسسسسسس النتيجه والطعم والريحه
والاحسن فيها ماتحتاج تخمير والكل منصدم انها منفوخه بدون خميرة وتخمير
وريحة الخميرة بعد ماتقعد نص اليوم تصير مرررره شينه
هذي تجلس يومين وريحتها حلوه احميها وتصير طازجه
بنات مرات احط ثلاث اكواب دقيق بر بدون الابيض والمقادير الباقيه هم هم بدون زياده ونفس النتيجه
ووووبس
وصلى الله وبارك
اللهم صل وسلم على نبينا محمد
صل الله عليه وسلم