بسم الله الرحمن الرحيم
و الصلاة و السلام على خير الانبياء و المرسلين
صبايا و مشرفات كيفكم يارب بخير
بنات قبل لا ابدا موضوعي الله يخليكم خلونا نتناقش بموضوع يهمنا بدون زعل من راي معين
شي طبيعي الاراء بتختلف بس ما نبي ردود مو طيبه ولا تزعل الواحد
ما نبي هواش ولا تمطع شعور ( شد) ولا بوكسات ولا رفسات خخخ
خل نعطي صوره حلوه على اتيكيت البنت السعودية انها تعرف تناقش اوكي
كل بنت لها اسبابها و رايها و قناعاتها لا احد يزعل ولا يبي كل الاراء مثل رايه
على بركة الله
اولا ببدا بطرح الموضوع على نقاط للي حابه تسوي اقتباس
انا من المؤيدين بشده لشوفة الحريم للبنت قبل شوفة الولد للاسباب التالية
1- عشان البنت لا تصير فرجة للشباب كل ساع واحد شايفها و يروح للاستراحه و يقول شفت البنت الفلانية بنت فلان ال فلان و يصف كل شي فيها
اختصارا للطريق يشوفونها الاهل ( الاهل الطبيعين الي يتقون الله ) اذا الشروط متوفره فيها يشوفها الولد
ما هي متوفره خلاص الله يوفق الطرفين
2- ومثل ما قلت بموضوع سابق بعض البنات عندهم عيوب خلقية ولا وراثية
مثلا واحده فيها تاتاة ماراح يبين العيب قدام الولد لان كثير بنات اذا سالهم الولد كيف حالك وش تخصصك تسكت عود من الحيا فهو اذا شافها ساكته ماراح يظن فيها تاتاة
ولا كل العوايل تتقي الله و تقول عيوب بناتها ولا اولادها
بعض البنات عندهم عيوب خلقية و هذي صارت لنا و خلتني اصمم على شوفة الحريم قبل اكثر و اكثر
مره رحنا خطبنا بنت وماشاء الله قمر و طول الجلسه ساكته و بيتهم بعيد عن بيتنا و يا الله وصلنا له
الناس اعجبونا قلنا خل يشوفها الولد بعد مرة واحده و اهذا خطا جدا
المهم رحنا لصالة ثانية و البنت اخيرا تكلمت طلع فكها متحرك يعني لما تتكلم يميل لليمين اللهم لا شماته
و ندمنا اننا طلبنا الشوفه الشرعية و فعلا دخل اخوي و شافها بس للاسف بعدين سالنا و قالو يمكن العيب هذا وراثي
و حتى اخوها لما قعد معاه اخوي عنده نفس العيب و احنا سالنا اخوي قال لا خلاص ما ابيها بس الصراحه تعلق فيها
بس خاف على عياله بالمستقبل و ماشاء الله ما طولت جا نصيبها و تزوجت
3- بعض البنات تكون سمرا ولا حنطية و تغش الخاطب
كيف و هذي و الله شفتها بعيني بنت حنطية على سمرا لما صارت الشوفة الشرعية حطت افتح درجة كريم اساس
و افتح درجة بودره و خلت مكياج خفيف على عيونها و الله صارت تلق من البياض لق مو طبيعي
فالرجال غالبا بالشوفة الشرعية ما يتعرفون لخبايا المكياج و اسراره و التغييرات الي يسويها
فالحريم ادرا بالحريم
4- من باب بر الوالدين، لو انا ام و تعبت على ولدي جبته و رضعته ووكلته و كبرته و سهرت عليه و اجي اخطب له
و يقولون لي مثلا و الله الخطبة عندنا خطبة رجال يشوفها بعدين انتي شوفيها و الله معصي
اجل اروح بعد ماشافها و خطبها روحتي ما تعتبر خطبة تعتبر تحصيل حاصل
5- احتراما للعادات و التقاليد لان هذا العرف متعودين عليه من مئات السنين ان لم يكن من الالاف
هذي اسبابي و بالنسبة للي يرفضون شوفة الحريم برد عليهم و اقول
1- كون جتكم عايله ودها بس تطمش و تتفرج هذي حالة استثنائية مو كل الحريم كذا ولا كل العوايل كذا
ولا كل الحريم عيابات و عيارات و يحطون بلاوي ببنات خلق الله
2- الي تزعل و تقول انا مو للفرجه يشوفني الولد و بس
اقول لها طيب خلينا عمليين انتي بالحفلات و الاستقبالات مو تكشخين على سنقة عشره
و الكل اذا مريتي ياكلك بعيونه و يفصلونك تفصيل اجل ليه تزعلين اذا دققو فيك الحريم بالخطبة
يعني هذا زواج اذا ما تم التدقيق بالزواج اجل بايش بيكون
و هذا عرف الناس ماشية عليه من زمان
بقول لكم قصة ملك من ملوك العرب عنده خطابة دزها تشوف بنت شيخ من شيوخ العرب موصوفه بالجمال الباهر
راحت الخطابه للام فقالت الام للبنت البسي لبس شفاف خليها تشوف لون جلدك و خليها تاخذ راحتها
راحت الخطابة و شافت هالوين بالملي و راحت للملك و اوصفت له كل شي من مناطق جسدها حتى الي ما يجي ببالكم كل شي اعجب الملك و تزوجها
معناه الخز امر طبيعي بالخطبه و هذا شرع الله لا هو حرام ولا عيب ان الناس يجون للبنت يخطبونها
بقى شي ثالث مو شرط اذا الاهل شافو البنت و ماصار نصيب العيب من الحريم حطو بالبنت و عابوها
ممكن البنت مو على الشروط يعني طالب سمرا ولا بيضا ولا قصيره ولا طويله ممكن العايلة مو قبيلية و هذي صارت معانا
ممكن مو موظفه لان بعض الشباب يطلب موظفه و حتى اذا البنت فيها كل الشروط و اكثر و شافها الولد ما يصير نصيب
لانه ما ارتاح حقها فشفتو ان الحريم مو شرط يطلع البلا منهم و الله دخلنا كذا بيت و صار الرفض مو مننا لان البنت مافيها الشروط الي يبيها اخواني طبعا شروطهم مو تعجيزية بس النصيب للحين ما حان
و احنا متفقين اعتقد ان نظرة الرجال احيانا غير نظرة الحريم
و لكم المجال حبيباتي
حنونه5 @hnonh5
محررة
يلزم عليك تسجيل الدخول أولًا لكتابة تعليق.
الشوفة للولد مو للاهل لانه نظرة الرجل غير كما انه ممكن يكون فيه راحة نفسية ويؤلف بينهما حتى لو ما كانت حلوة وفيها من المواصفات اللي امه تبيها بس ما يمنع الام تيجي تخطب وتشوف العائلة اذا ما كانو من الاقارب
وطالما هو شيء شرعي فليش الانسان يستغني عنه اذا ممكن يكون فيه مصلحة وعموما كله نصيب
وطالما هو شيء شرعي فليش الانسان يستغني عنه اذا ممكن يكون فيه مصلحة وعموما كله نصيب
shoog :
أنا عن نفسي غير مؤيده إن الأم تجي تشوف الولد هواللي يبي يتزوج يجي هو يشوفأنا عن نفسي غير مؤيده إن الأم تجي تشوف الولد هواللي يبي يتزوج يجي هو يشوف
الصفحة الأخيرة
بس اجمالا الآن أقول لك في موضوعك خلط كثير والشوفة للولد مو للأم ,, الأهل إذا يبون يشوفونها يشوفونها في مكان عام من غير ما تعرف !
وطريقة القز والتفحص مو من الدين في شيء الدين محدد شنو اللي ينشاف واللي ما ينشاف !