تايع للموضوع السابق

النصايح لها مو لك الله يهديها يارب

يااختي خلي امك تفهمها ان كل انسان له صبر اخاف يطفش منه ويطلقها خليها تنظف بالي تقدر عليه افضل لها

قوليلها مافي رجال يصبر على دي الحركات لو انها ملكة جمال وفنانة في السرير درجة اولى لو ما ارتاح ما راح يتزوج عليها

لااااا
حيقول اش حادني افتح بيتين وعدل وصرف ومبيت وانا مو مرتاح معاها اصلا اطلقها وارتاح


وحكيها دي الحكاية


طليقة اخويا بنت كان عمرها ١٩سنة ملكة جمال ماشاء الله تبارك الرحمن العيون المرسومة والشفايف حمرا و مليانة وبشرتها زي البيبي بدون قطرة ميك اب لا اله الا الله ودلوووعة وبنت عيلة محترمة
اخويا مهندس بشركة معروفة ومو ناقصو شي شقتها لحالها كانت وكل اللي طلبتو من اجهزة او ديكور جابو من قبل ما تحط رجلها بالبيت
وكانت نفففففس حركات اختك البيت بالشهور ما يتنضف لين يتعبى تراب الملابس جبال ما تنغسل ولا تنكوي الطبخ بالمضاربة
واللسان اللهم صلي على النبي انا مو خدامة عندك.... انقلع... كيفي... مو عاجبك قوم نضف بنفسك... حتى اتكلمت بشرفنا انا واختي الله يسامحها

المهم
كانت معتمدة على جمالها ودلعها لكن بعد سنتين طلقها وارسلها بيت اهلها فجاة مع البنت
اول اسبوع كانت ماسكة نفسها بعد كدا انهارت وصارت تبكي وتتصل عليه وترسلو رسايل اعطاها بلوك صارت تتصل من ارقام غريبة جاب رقم تاني وقفل الاول
صرنا لما نروح ناخد البنت تقعد تبكي وتقول كلموه وتقطططع قلبنا نرجع احنا عندو نبكي كمان
المهم صار ماعاد يخلينا نروح ناخد البنت عشان لا تغسل دماغنا على قولته صارت تتصل على زوجات اصحابه وتسوي نفففس الشي وتقولهم خلي ازواجكم يكلموه مافاد معاه
خطب زوجته الحاليه عصبت ورمت البنت اخدها واتزوج راحت اشتكتو قالت اخد بنتي مني رجع لها البنت صارت ما تعطيه بنته رفع عليها قضية واخد حكم
بالبداية كان يروح بيت اهلها ياخد بنتو بعدين صارت ترسل لزوجته الجديدة رسايل سب ودعاوي عليها وعلى حملها وقذف وانها خطافة رجال ودعاوي على ابوها الميت
طبعا ما قدر يتحمل راح رفع عليها دعوى كتبوها تعهد ومنعوها تتواصل معاه وتواصلهم صار عن طريق مركز مودة وسامحتها زوجته الجديدة في القذف ولا كانت حتنجلد
لا تحسب الساكت اهبل ولا ضعيف الساكت خافي منو لانو قاعد يجهز للضربة القاضية اخويا عمره ما اتكلم غير مرة في جلسة صلح بسسسسس والباقي بينه وبينها ماندري ايش يصير وفجاة طلقها


الوحدة تحافظ على بيتها وزوجها عشان لا تندم بعدين واللي ماتبغى تسوي شي من البدااااية توضح من يوم الخطوبة
انها تبغى تقعد رجل على رجل وهوا يحق له يقبل او يرفض اما ما تغش وتخدع عيال الناس
لانو دا ظلم تخليه يسوي ويتزوجك ويخسر ويدفع وتقعد يومين وتعمل مشاكل عشان تتطلق

عطوها نصائح اذا هي صغيرة تتعلم وخليها تقرا قصة اخو دكتورة رانيا.
تشتغل ساعتين الصباح ونصف ساعة قبل ماانام او العصر اذا البيت شقة وبدون أطفال بيصير نظيف ولامع وشوي شوي تتعود على الشغل
اللسان الطويل هي لازم تقرر تتأدب قبل ماتخسر زوجها

الله يهديها ويحببها في النظام والنظافه