سعوديهـ ذوق :

^ ^ لا تحكمين على دولة بهذا الاجحاف وانتي م زرتيها .. واتقي الله في المسلمين اللي هناك .. بردك وكأنك كفرتيهم .. ترى الاسلام مو مقتصر على السعودية .. بالنسسبة لك ي صاحبة الموضوع .. انا رحت تايلند مرتين وآخر مره كانت قبل شهر جلست فيها 3 شهور .. الديرة زينة وفيها جزر مصنفه على انها من اجمل جزر العالم .. بس شخصياً م رحت الا جزيرة بوكت .. بالنسسبة للصرف تعتبر الدولة نوعاً ما رخيصة .. انا وزوجي شوي بذخين بالصرف يعني الثلاث شهور اللي جلسناها السكن في خمس نجوم و4 نجوم .. لذلك صرفنا مبلغ جداً جداً كبير .. بس تايلند ميزتها تقدرين تعيشين بالمبلغ اللي تحددينه .. انا كنت احيان اتعشى انا وزوجي ب 1000 ريال واحيان نتعشى ب 50 ريال .. يعني سهل تسافرين بميزانية معينة انتي تحددينها .. لان الديرة تساعد على هالشئ .. اما من ناحية الامان .. الديرة آمنة آمنة م مريت بأي موقف هناك حسيت فيه بعدم الامان .. بالعكس صارت لنا مواقف معهم اثبتت مدى امانتهم واحترامهم للسائح .. كنت اخرج لوحدي بدون زوجي واروح واجي وربي ولا شخص لمس شعره مني او ضايقني .. بالعكس م تناظرين في احد الا يطق لك هذيك الابتسامة وم تدخلين مكان الا تلاقين الذوق والاحترام .. يحترمون دينك اهم الاسواق عندهم حاطين فيها مساجد نظيفة مخصصة للنساء والرجال اطلق وانظف من مساجدنا ي المسلمين .. مساجدنا بالمولات اشبه م تكون مكان للدردشة واكل السناك وريحة عفن الجزم .. ترى فيهم نسبة للمسلمين م هي بسيطة .. بالنسسبة للتسوق صراحة رخص م اتوقع اوصفه بالكلام اشبعت رغبتي بالتسوق لدرجة التخمة :icon20: اما الدعارة وقلة الحياء بكل مكان .. صح زايد معيارها بتايلند بس لها اماكنها .. اذا بتسكنين بمكان محترم وتبعدين عن اماكن الدعارة وبترجعين بدري م بتشوفين شئ .. بالرغم انه بعض الاحيان كنا نرجع وحده فجر والامور عادية جداً .. زي اي دولة بالليل تبدأ تشتغل البارات وبنات الليل .. بالنسسبة للسفارة فيها ممثليه للسعودية .. عنوانهم [ مبنى سنغ ثونغ ثاني - الدور 23 - 24 - ساترون سيلوم ( بانكوك ) ] [ 006626392999 - فاكس 006626392950 ] هاتف مخصص بشؤون السعوديين [ 0066885005353 ] والقائم بالاعمال الاستاذ ( عبدالاله الشعيبي ) واي سؤال حبيتي تسأليني عنه واقدر افيدك فيه ان شاء الله م راح اقصر .. ورحلة سعيدة مقدماً ..

^ ^ لا تحكمين على دولة بهذا الاجحاف وانتي م زرتيها .. واتقي الله في المسلمين اللي هناك .. بردك...