السلام عليكم
انا قضيت شهر عسلي في تايلند بصراحه زوجي خيرني ايام الملكه قال لي تبين(ماليزيا او اندونيسيا او تايلند) بعدتقيق وتمحيص وتفكير عميق قررنا تايلند....
طلعنا عبر خطوطالاتحاد والي بصرااحه رائعه جدا ومريحه وشاشات عند كل مقعد وافلا عربي اجنبي قران برامج ساعتين ووقفنا ترانزيت في ابوظبي لمدة ساعتين ووصلنا بانكوك الساعه 10 الصباح وارتحنا وقمنا الساعه خمس العصر ورحنا لفينا بالمول الي مقابل الفندق ...كان اكثر من مول قدام الفنق ومحسوبتكم في الله :42: فرحااانه
وتقهوينا في ستار بكس واحنا مارين من جنب مول لقينا ورود جوري:26:كثييره وقلت لزوجي ابي وحده قالي بشتريلك قلت لا هذولي حاطينهم شكلهم يوزعونهم مجانا خخخخخخخخخخخ قالي امشي يابنت الحلال والله بشتريلك باقه كبيره :30: وانا مصره اخذ وحده وصار زوجي :angry2: واستلمت ومشينا ولا فيه زي الجدار كبير وقاعد عليه فيـــــــــل خخخخخخخخ طلع معبد والاخت ناويه تاخذ الورد الي يحطونه للفيل عشان يرضى عليهم (الحمدلله على نعمة الاسلام) زوجي قال بغيتي تورطينا ......خخخ ويحطون له رز شكله تالي غداهم ووسجاير والله من جد ماامزح سجاير مشغلينا وحاطينها :22: وكل مايخطر ع بالك حاطينه عند هالفيل الجماد لا ومسويينه متربع بعد والشموع وهم يجون يسجدون له استغفر الله بس:eek:
وثاني يوم طلعنا على سفاري وورلد وهي مدينه للحيوانا ت روووعه فيها كل الحيوانات الي تخطر عبالك مسويين للدب القطبي جبل ثلج... وحديقه للتماسيح وعرض غنائي للقرود...وبعدين اخذونا بسياره ومشونا وكانت الحيوانات على الطبيعه تمشي جنبك طبعا وانتي في السياره اسود...نمور ..زرافات ..واشياء كثيره مااعرف اسمها..وبالليل رحنا تعشينا بشارع العرب النانا...وكانت اغلب المطاعم مصريه وتشوفون عرب كثير هناك خليجيين بعد كثير المهم الله لايعيده من عشاء غالي ومغص بطوننا:o وتمشينا ولقيت وحده تايلنديه مسلمه اسمها فاطمه تبيع مكياج وبكلات تجنن زي الي بسيتي بلازا ورخيصه مره ومكياج ماك انا خفت الصراحه اشتريه وشفت بنات عمانيات يشترون قالو لي احنا كل سنه نجي ونشتري من عندها وتراه ماك الاصلي يبيعوه عندنا غاااالي وهنا رخص التراب...
ورحنا حجزنا على جزيرة بوكيت ومن جد كأنها جنة الله على الارض تجنن ورحنا نحوس ندور عالفندق الي حاجزين فيه فكرناه عالشاطئ وطلع فوق جبل وصغير دعينا عالمكتب السياحي لما قلنا بس المهم مااعجبتنا الغرفه واخذنا غرفه vipوطلعت مرره حلوه وواسعه واحمد ربي انه ماسكنا عالشاطئ لانه بالفندق الي انا فيه اشوف الجبال الخضراء والبحر كان اروع منظر وننزل بالليل على الباتونج بيتش مشهوور مره وكله محلات بس اغلى من بانكوك لانها منطقه سياحيه وكان فيه مسرح مفتوح وبرغر كينغ ودايم ناكل من عنده لان المطاعم العربيه غاليه واكلها مو حلوو تخيلو الزبادي عليه سكر البهارات عندهم عليها سكر ابد اكلهم ماله طعم... وستار بكس هاقن داز اخذت علبه ايس كريم صغيرونه ب25 ريال
وطلعنا رحلة على جزيرة جيمس بوند وكانت من جد تأخذ العقل كأنها جنه والله ماابالغ بوصفي لها صحيح انها بعيده بس تستاهل الروحه لها ووقفنا بجزيره اسلاميه يرثى لها الناس عايشه في بيوت زي الهناجر والبيارات من تحتها والكلا ب والدجاج تحت البيت وانتي ماشيه تشوفين المستنقعات وصلينا بمسجد الجزيره صعب علي اشوف مسلمين وبهالحاله ورجعنا على الجزيره ولعبنا جت سكي انا دوره وزوجي دوره خخخخخخخ تجنن وهو لعب باراشوت لوحده:( قالو انا لا... قلت ياجماعه بطير بالجو مو كل سنه بجي بوكيت قالو لا :eek:المهم الفندق احلىشي فيه الخصوصيه يعني مافيه احد ولا عرب الا واحد اجنبي هو وزوجته وكنا لما نرجع نحجز المسبح ببلاش طبعا وكان يطل على فوكيت بالليل تشوفين انوارها روووعه المنظر..
وانا رحت متنقبه والله ماشفت نظرات استغراب ولااحتقار بالعكس يقابلونك بالبسمه مو زي البلدان العربيه فيها استهزاء فظيع بحجابك مع العلم انها دوله مسلمه وتايلند مافيها اي خوف اماان فوق ماتصورون انا وزوجي اخذنا دبا ب ولفينا فيه الجزيره كلها اماان وتشوفين سعوديين وحريمهم وبحرينيين وكويتيين ومن كل الجنسيات..
واحلى شي فيها ان مافيها زود خليجيين زي ماليزيا لاني بصراحه مااتوقع باخذ راحتي لورحت ماليزيا على قولة اخوي يقول كأني بالرياض مع ان زوجة اخوي تقول لما انزل الشارع بكوالا لمبور اماان والعرب حوالينك قلت لها حتى تايلند مرره امان والاسواااق رخيصه مره وتجنن الجزم والشنط والساعات روووعه ورخيصه واللله مايتعدى سعرها 25 ريال وعندنا تليناه ب90 و100 واكثر....
الفكره العامه الي كونتها انها امان وفيها احترام للمسلمين والسائحين ماصادفتني مواقف محرجه طيب بقولكم مواقف صارت لي ...
في مصــــــر وانا قاعده اكل ايسكريم من تحت الغطوه ايسكريم بسكوت الا ويمر من جنبي واحد مصري ويتريق علي ويقول ايه العباطه دي ويسوي نفس حركتي ماتتصورن قد ايش تنكدت هاذا وانا بدوله مسلمه وياكثر المنقبات فيها
الموقف الثاني في عمان الاردن انا واخواتي مارين مره يقولون اكياس زباله ومره يقولون خيمه.. واناواخواتي طناش ومره وانا بمول بعمان وانا طالعه من دورة المياه ولد صغير هو وامه تدرون وش قالي اووه بات مان ههههههههههه قالت امه وشكلهم اجانب نو ذيس ايز حجاب ههههههههههه ضحكت ضحن فعلا شر البلية مايضحك
ولاتأثر فينا لاني عارفه اني عند الله احسن منهم....
وامنى مااكون ثقيله عليكم...
صبا الروح @sba_alroh
عضوة فعالة
يلزم عليك تسجيل الدخول أولًا لكتابة تعليق.
هلا هنوده والله اغلب تصويري كان فيديو من جد ندمت مااخذ معي كاميرا عاديه
بس عندي صور للسفاري وورلد بحاول انزلها ...ان شاءاللخ
بس عندي صور للسفاري وورلد بحاول انزلها ...ان شاءاللخ
الصفحة الأخيرة
اصلا الدول العربية انسي تروحين لها سياحة
ماعندهم ذوق ولا احترام للسايح
للاسف الدول الغير مسلمة احترامهم اكثر ..