حياكم الله حوائياتي
كيف حالكم ومبارك عليكم الشهر بعد الزحمة
اليوم جايبه لكم تايور من تصميمي لبسته بعيد الفطر الماضي
كان نعوم وبنفس الوقت فخم
ينفع بالنهار والليل وانا اخذت له قماش ينفع ليل ونهار
اترككم مع القماش والموديل وشرح مبسط للموديل
واللي حابه تاخذ الموديل حلال عليها
اول حاجه هذا القماش شيفون مشجر اسود وابيض
وهذا هو الموديل
والبلوزه بوف من فوق الصدر الى الخصر ومن فوق الصدر شريط مخمل عريض يلف ينزل على جنب وثبتته ببروش كريستال فضي ونازل من تحت الشريط المخمل جهة الصدر كسرات بحيث تكون البوزه من تحت بوف ومن فوق كسرات والاكمام طالعه من الشريط المخمل كل كم مزمزم
من قدام ومن ورى وينزل عى اليد يعني زي المروحه يغطي نص العضد يعني ساتر مو عاري ومن تحت عن الابط قلت لهم يركبون قطعة قماش بحيث مايكون عاري ان شاء الله فهمتو
واحرصوا اخواتي على الستر
اللهم استرنا فوق الارض وتحت الارض ويوم العرض
والتنورة بما ان الموديل في البلوزة
خليت التنورة ربع كلوش من نفس القماش الشيفون بدون اي موديلات بس اسفلها حطيت شريط مخمل داير عليها
طبعا زي ماقلت لكم هذا موديل السنه الماضيه
اما السنه هذي
صممت تايور من التفتا والدانتيل
انزل لكم صورته بعد مايخلص العيد ان شاء الله
واذكركم اخواتي بالستر بارك الله فيكم
أختكم
(الرزان)