ترآتيل آلغلا :

اكشني👇🏻 طبعا امس قلتلكم اني كانت تنزل علي المويه شوي شوي المهم اخر شي قلت بروح الطواري رحت بعد العشا وفحصتني قالت مفتوح بس 3 ورح تنامي عندنا عشان مايصير التهاب او شي لاسمح الله واذا مرت 24 ساعه ماجاك طلق بنحط طلق صناعي المهم طلعوني التنويم وعيو عالمرافق .. كان عندي مغص بس خفيف ومو منتظم وكانو كل شوي يتطمنون ويسوون تخطيط.. وكانت تمر الساعات مافي اي بوادر طلق 😩وانا طول الوقت ادعي يجيني طلق ربي المهم جاتني الدكتوره الساعه 10 قالت خلاص الساعه 3 نوديك الكشك ونعطيك طلق صناعي طبعا خلاص استسلمت ومرت الساعات ولمن جات الساعه12 ونص لظهر بدأ معي الم الطلق فجأه وكان مره قوي ومنتظم عرفته نفس طلقي بولدي اسفل بطني وظهري كان مره قوي لدرجة مقدر اتحرك وكل شويه يزيد بسرعه شكيت انهم حطو طلق سألت الممرضه قالت لا ماحطيت وطبعا كنت اصيح واقولها ابغا مسكن وتجي تشوف التخطيط قالت مافي اي طلق🤔قلت ماتشوفين كيف مقدر اتحرك المهم قالت تحسين كأنك بتتبرزين قلت ايوه وراحت ع طول نادت الدكتوره وجات فحصت قالت ولاده 5 سانتي عالساعه 3 الظهر المهم يادوب تجهزت ولبست اللبس وعبايتي ورايحه والالم يتزايد ويادوب دخلت الكشك الساعه 4 وانا اصيح وتجي تقيس قالت😨10 خلاص ولاده لاتدفي اصبري وهي تتجهز سريع وادفع وادفع يمكن 4 مرات عجز يطلع 😑بالغصب مع الدفه الرابعه حمدلله شرف وحطوه علي ع طول ونفظوه وقصو سره😅وشالوه...الساعه 4 وربع نجي للجزء المرعب 😨عيو يلاقون المشيمه ويحاولون ويبغون وتدق ع دكتوره وتجي وتحاول قالو مرررره بعيده وانا تعبت وهم يحاولون ويدقون ع دكتور ويجي قال خلاص عملية تنظيف وانا خفت من توترهم وعلى طول ظبطوني وجابو دكتور التخدير وسألني كم سؤال وودوني العمليات وبنجوني كامل وماصحيت الا 7 المغرب وحمدلله يارب والحين لسا القسطره مركبه وتوهم يسمحون بالاكل وسلامتكم وربي مايوريكم اللي شفته بس يارب تكون ولادتكم سهله وسريعه زيي😊في ثلاث ساعات جاني الطلق وولدت

اكشني👇🏻 طبعا امس قلتلكم اني كانت تنزل علي المويه شوي شوي المهم اخر شي قلت بروح الطواري رحت بعد...