هلا بك اخوات وانتم لكم وحشه والله هاه باقي ماولدتي ؟؟؟
الله يسهل لكم يااااارب اللي باقي ماولدتووو بولاده طبيعيه ميسره ياالله اتذكر اول الايام بعد العمليه كنت ابكي مااقدر اتحرك ولاامشي

اخوات انا ضـد ابرة الظهر لين الحين عندي الآام في ظهري منها وكمان غير الصداع اللي جاني بغيت انجن منها انا اخذتها لما سويت عملية الربط وانتي استخيري كمان ..

والله يا ام جسار على حطت يديك بكرا موعدي قلت تجاربكم وبستخير
وين الباقبن سكره ونهال واللي ولدوا اللي جربوها

هذا اكشن ولادتي 😭😭😖😖😖
بدأ اكشني يوم الاحد 5 / 5 طبعا ماكان موعد ولادتي كنت بالاسبوع 35 نهاية الثامن كنت مره تعبانه خلاص طوال الوقت بطني متحجر والم وانتو بكرامه الحمام كل شوي حشرانه واروح ومافي الا نقاط عرفت انه من ضغط الاجنه ولما جاء الليل بدأت احس حاجه في ظهري زي البرق تجي وتروح وماقدرت انام من الالم يمكن ع الفجر غفيت وكل ساعتين اصحى واروح الحمام وارجع احاول انام الساعه 11 الصباح حسيت في شي ينزل مني وبسرعه جري ع الحمام كأني حشرانه وجاء في بالي انه خلاص ماعاد اقدر امسك ورجعت بحاول انام بس ماني قادره الم وشوي الا رجعت احس شي ينزل الا امسح وطلع ف المنديل مويه ودم خفييييف مرره خفت مره وقمت بروح انادي امي الا تكب المويه على رجلي وخلاص عرفت انه ولاده لبست فوطه وناديت امي وبسرعه رحنا المستشفى دخلت وقلت لهم ع المويه وسوو لي كشف وطلع الرحم مفتوح واحد سانتي بس خلاص من كبت المويه بدأ معاي الطلق حار يوجع ماني قادره اجلس ولاانسدح ولاشي اخذو مني تحاليل دم بسرعه ولبسوني لبس المستشفى واعطوني اوقع على اوراق حطو لي التخطيط ضيق صدري بزياده مع الالم احس ماني قادره انسدح
وشويه خلاص جلست ابكي تعبت اتقلب من الالم جات الدكتوره قالت خلاص حنطلعك قيصري قلت طيب طلعوني القسم فوق ويرجعون يبغون يحطون لي التخطيط ورفضت مره قلت خلاص ماعاد ابغاه لاعاد تحطون لي شي دخلوني ولدوني طفشو مني وبدأو يحطون لي الاسوره حقت الاسم وشافو تحاليلي طلع الدم عندي 8 اتصلو على بنك الدم عشان يوفر لي دم وخلاص اخذوني على قسم القيصريات وانا ارجف من البرد والالم وكل شي وكان وقتها الساعه 6 المغرب جاني دكتور التخدير سألني كم سؤال وجاء الدكتور الاستشاري اللي حيسوي لي العمليه وقال حندخلك فوراً بس ننتظر بنك الدم يطلعو لنا الدم وفعلا ماتأخرو دخلت وبدأو يعقموني وجهزو اسرة النونوات وحطو لي الاكسجين والتخدير ومن بعدها ماحسيت الا وانا بغرفة الافاقه بقسم القيصريات اطالع في بطني الا المكان فاضي واحس بشوية الم جاتني السيستر سألتها قلت كم الساعه قالت تسعه
قلت انا ولدت قالت ايوا مدام جبتي بنت وولد قلت لها طيب عطشانه قالت طيب وراحت جابت لي انبوب صغير فيه مويه شربتني ورجعت نمت وبعدها جاني الدكتور الاستشاري تطمن علي وخلوني تحت الملاحظه اربع وعشرين ساعه بعدين نزلوني التنويم وجات امي وزوجي راح زوجي يشوف البيبيات قالو الولد في الحضانه الحمدلله صحته كويسه والبنت في العنايه المركزه لان كان عندها التنفس سريع يوم ولدت جابو لي ولدي اشوفه ياعمري احلى لحظه كانت ❤️❤️اليوم الثاني الحمدلله بنتي طلعوها من العنايه المركزه للعنايه المتوسطه اليوم الثالث طلعت الحضانه العاديه وجابوها لي 😍
وقالو الحمدلله صحتها كويسه وتقدر تطلع معايه طلعت اليوم الرابع انا واطفالي الحمدلله ..
طبعاً انا ولدت في الاسبوع 35
قيصري تخدير كامل
هذا اكشن ولادتي واي استفسار انا حاضره وعقبالكم كلكم بالولاده السهله الميسره 💋

صح الجلسه و الحركة الكثيره بالنفاس تسبب هبووط الرحم ..

نصيحة لا تغامررين ..
مستقبل الاحم احم اهم 😂