بسم لله نبدأ اكشن ....
الساعه 7 دخلوني غرفة الولاده وشبكولي التخطيط كان في طلق بس مو قوي ولا منتظم فخلوني انتظر للساعه 9ونص على ماتجي الدكتورة ويتأكدوا مافي طلق طبيعي
جات الدكتورة وعملولي جل من المهبل عشان يفتح الرحم ويطري عنق الرحم
كان مفتوح واحد سانتي بس
وخلوني لين الساعه 12 ونص وخلوني امشي خلال هذي الفتره
وبعدها كشفت لقيت الرحم يادوب فاتح 2 سم
فقالت افقع مويه الراس ولمن فقعتها لقيت البيبي بدا يبرز وكمان نقص عليها الاكسجين وحطولي كمامة اكسجين وعلى طول شبكولي طلق صناعي عن طريق الوريد ومنوعوني اي اكل او اشرب مويه قالوا احتمال تدخلي عمليات الله يحفظكم جميعا
ولمن شبكوا الطلق الصناعي عيونكم ماتشوف الا النور الالم كل ماله يشتد ويقوى وانا خلاص تعبت اعطوني ابر مخدره في العضل وبعدها بنج الكمامه واعطوني ابرة باسكوبان تبع المغص ولاكن لاحياة لمن تنادي يزيد الالم لمن الساعه 4 ونص بدى الدفع وهنا خلاص عيوني بغت تنزل والحمد لله ولدت
بس مابكيت على طول لمن جلسوا ينظفوها بكيت اطراف ايديها نزلت مزررررقه على موف طمنا الدكتور وقال طول ما ان وجهها مو مزرق كويس
المهم استخرت قبل لا انزل من البيت على ابرة الظهر
ولمن طلبتها من الدكاترة
اربعه دكاترة رفضوا يعطوني اياها ونصحوني اني ما اخذها حتى القابله كانت معاهم قالت انا ما أيدك تاخذيها لانها اولا تأخر الولاده شوي ونحن مو محتاجين تأخير مبغى البيبي يولد بسرعه
وكمان بعض الناس تسببلهم صداااع قوي فماراح تقدري تدفعي بعدين حتشتت الوعي
وغيرها وغيرها من الاسباب واذا كان راس البيبي فوق ماننصح تاخذيها فبطلت وقلت الخيره فيما يختارها الله
تعبت بس لأجل عين تكرم مدينه
اول مانظفوا اعطوني ايا بالمنشفه وه وه يابنات احساس رائع الله لايحرم الامومه من احد ويرزق كل من تتمنى يارب
وهاذي اكشني بإختصار ترى ما اعرف اعبر مزبوط واكتبلكم وانا عندي مغص ادعولي انا وكتكوتي نخرج بسلامه
بسم لله نبدأ اكشن ....
الساعه 7 دخلوني غرفة الولاده وشبكولي التخطيط كان في طلق بس مو قوي ولا...
الحمدلله على سلامتك انتي والبنوته
أجر وعافيه ان شاء الله
ويارب تطلعون بالسلامه وماتشوفون شر