Abo0orh :

الحمدلله على سلامة كل الي ربو بالسلامة ومبارك ماجاكم يتربى بعزكم ان شاءالله.. قصتي مع الولادة .. نزلت السدادة ع العصر تقريبا وع المغرب بداء الالم بس ماهو شديد وسرت المستشفى بسرعة لاني بروحي وخفت يزيد وانا عند عيالي وعيالي صغار ..يوم وصلت عالمستشفى بداء يزيد ودخلت الطواري وطلعوني ع الكشف وكان فاتح 4 قلت الحمدلله .. وعقب خبرتهم اريد ابرة ظهر وبعد ساعة جاتني دكتورة التخدير وتمت تضحك وتسولف معي حليلها طيوبة بس انا من الرعب والخوف من الابرة ماقدرت... اقولها انتبهي وبس..وعقب ماركبو الابرة شوي ورجولي تنمل وركبني خوف قلت خلاص بنشل وماعدت احس بالطلق ابد احرك رجولي بس احسها منمله قلت انشليت والدكتورة تقولي لاتخافي لازم تنمل الرجل عشان مفعول المسكن وانا خااايفة وتميت ارجف ساعتين وتجي تقيس الرحم محله ماتحرك وتقول سميك ماطرى وانا مرعوبة خفت من الابرة .. وعقب حطولي طلق بالعضل عشان يحمى الطلق ويوم حطوه بديت احس بالالم بس موب ذاك الزود وشوي تجي وتقول بفقش الماي وجلست تحوس فيني وتالمني وانا اقولها تالميني تقول معليش وشوي وتقيس ماشي الرحم فتح شوي بس 6 وانا ماحس برجولي اخذت هم الشلل اكثر من الولادة وعقب خففت الجرعة عشان احس وماحسيت قالو ساعدينا لازم تربي لان البيبي تبرز خلاص وانا هنا جاني رعب فضيييع وجلست ارجف وهم يقولو دفي واقولهم ماحس قالو دفي اذا خبرناج وانا ادف وادف ونفسي ينكتم وهم يقولو طلقة دفي وانا اعصر واعصر لين نزل حبيبي الساعة 12 ونص وحططوه ع صدري وصاح الله يحفظه ويبارك فيه وخيطوني بس ثلاث غرز عشان عورني .. والحمدلله يارب العالمين .. اكيد بتسالو عن ابرة الظهر هي نعمة الحمدلله تخفف الالم بنسبة 90% بس عيبها ماتحسي بالدف وتنمل الرجول يضايق تحسي ماتتحكمي برجولج وتحسي عقب شوي تخدر بالظهر وانا كنت ارجف ماعرف من الخوف والوسواس او منها بس بالعموم كانت تجربة حلوة والحمدلله ماسببت لي صداع او اي شي والدكتورة ايمان كانت احلى شي روحها وصبرها علي ازعجتها بالتهويل والرعب هههه الله يجزاها خير والي ولدتني الدكتورة كاملة سودانية قمممة في الصبر والتعامل الطيب الله يجزاهم خير جميعا والممرضات حبوبات طبعا انا ربيت في مستشفى الموسى بالاحساء الحمدلله من قبل ومن بعد والله يحفظلي عيالي ويبارك فيهم يارب ..

الحمدلله على سلامة كل الي ربو بالسلامة ومبارك ماجاكم يتربى بعزكم ان شاءالله.. قصتي مع الولادة...