بنات ماتلاحظون مادخلو هالفتره
اخت امينه واخت اشتقت لحضن امي
كلهم عندهم عمليات
ماادري وش صار عليهم شلت همهم الله يسهل عليهم ويفرحون بولادتهم يارب

باي منطقه انتي

الله يسلمك
لا تخافي من السكر بس اهم شي تنتضمي على الحميه وبإذن الله بعد الولاده يروح

الف الحمد لله ع سلامة اللي ولدوا والله يبارك لهم ويجعلهم قرة عين لهم

ماشالله انا ملاحظة كل اللي معاي موعدهم 23 مارس ولدوا الف مبروك يارب هنووو وام الونه وانين حزين الف الحمد لله ع سلامتكم
منووو مبروك ماجاك يتربى بعزك سبحان الله ولادتك ذكرتني بولادتي
انا يابنات لي اسبوع وانا كل يوم طلق عبالي طلق ولادة ثم يروح الالم وهكذا لين اخر مرك الاربعا اللي راح رحت العيادة قالت لي الدكتورة فاتح 4 سم يلا روحي المستشفى واطلع من عندها ع اساس بنتظر لين يزيد الطلق ومازاد الا اختفى مرة وحدة 😢
وارجع البيت ومر يوم الخميس بسلام ماعدا طلوق متفرقة وعقبه يوم الجمعة يرجع الطلق حتى كنت بطلع السوق قلت اهون اخاف ولادة ويمسكني ست ساعات بس مو منتظم وكلها طلوق قوية بس اقدر اتحملها ويطفي واطلع واتسوق واجي وانام واصحى الجمعة والظهر اسوي الغدا ونتغدى وقبله كان فيه جماع سبحان الله وبعد الغدا يجي طلق واحسبه نفس كل يوم انه مافيه ولادة واجلس لين المغرب وسبحان الله جا زوجي قال فيه عشا عند اخوي قلت امر المستشفى اشيك قبل اروح العشا واجهز بناتي ويحطني زوجي ويروح العشا مع البنات ع اساس بيرجع ياخذني اذا مافيه ولادة وادخل ويسوون لي تخطيط وطبعا طلق زي كل مرة بس مو حامي زي حملي الاول والثاني فما حسبته ولادة لانه مو ورا بعض وتجي الدكتورة تكشف وتضحك قالت 6 سم شاطرة انا طبعا استغربت وفرحت بس مو مصدقه قلت يادكتورة انا هذاك اليوم قالت لي الدكتورة 4 سم ولادة ورجعت البيت ماولدت يمكن يسكر وتضحك قالت مااعرف شقولك لكن لاتخافين راح تولدين اليوم واروح غرفة الولادة واقول ابي امشي ماابي اجلس وامشي لين جت تكشف الدكتورة قالت فاتح 6 لحد الان وتفتح المويا 😨 انا يوم فتحت المويا جاااني رعب تذكرت ولادتي ببنتي الاولى فتحت الدكتورة المويا وحمى الطلق صار ورى بعضه والله يابنات من الخوف قلت ابي ابرة الابيدورال قالت لازم تحاليل وتاخذ ساعة ونص طبعا الساعة كانت 7 ونص بالليل وانا دخلت الساعة 6 جلست ساعة بالتخطيط قلت ماابي انتظر ساعة ونص انا مسوية التحاليل قبل بولادتي الثانية قالت متى قبل 6 شهور!!! لازم قبل 6 شهور وقتها تحسفت اني حيت المستشفى واستعجلت قليت ليتني رحت العشا ابي اطلع ابي انحاش بصراحة كان خوف من الالم اكثر من الالم نفسه والا الالم الحمد لله كان متباعد عقبه عطتني الكمام يوم حطيتها ع فمي شميت ريحتها تذكرت اول ولادة والمها واشوتها واقول ماابيها ويوم جت 8 واجلس اصارخ صار الالم حار جت الدكتورة تكشف مستعجلة قالت 8 سم خليني اغير ملابسي راحت تغير وتجي وانا اصارخ وتجي تكشف واشوت يدها برجلي والف ع جنب من الالم وتصرخ لاااااا ويربطون رجولي وتقول لاتدفعين الا اذا قلت ادفعي وادفع غصب الا كشفت قالت 9 سم وتجلس تقول ادفعي وادفع كم دفعة وتسوي توسيع ويطلع ولدي الحمد لله الساعة 8 ونص وتخيطني وانا اتفرج عليه واقول هاه خلصتي يادكتورة من التعب ماابي اي شي ثاني لاني وقت الطلق كنت افكر انام ههههه وتخلص الحمد لله طبعا فيه حركة علمتيناها احد الاخوات عايشة في المانيا انه وقت الطلق ترفعين ركبتك وتباعدين بين رجولك وترفعين نفسك بانحناءوكانك بتجلسين وتدفعين بس بدون دفع هالحركة تساعد بدفع الطفل للخارج تقول علمتها اياها دكتورة هناك وفعلا ساعدتني كثير مع اني مااخفيكم اني بولادتي الثانية مارست التنفس وشفطت من الكمام كويس وساعدني هالشي وقت الدفع بس هالمرة جاني خوف يعني التنفس بعد مافتحت كيس المويا كان اي كلام ماتنفست زين بالعكس جلست اصارخ لكن الحمد لله ربي يسرها اللهم لك الحمد