لا روحي وتطمني افضل

ااااه بس مدري وش اقول وش افضفض


امس بالليل نمت بدري وولدي كل ساعه يقوم من النوم وارجع انومه وعلى ذالحال لين الفجر


لا تهنيت بالنوم...ورجعت ابي انام بعد الصلاه ماقدرت..طلعت برا اشم هوا مع ريحه المطر...فجاه الاقي صرصور بالحوش وجاي عندي..


قمت من الفزعه وانحشت وحاولت انام...ابد ارهاق والام بجنبي ...رحت اشوف ولدي واغطيه وفجاه الاقي حرارته عاليه مرره...فزيت ومن الخرعه مدري قمت اخبص


صحيت امي كانت نايمه وقلت لها فزت هي كمان وماقدرت تمشي ضغطها عالي 180 ومع الخرعه تجمدت بمكانها


رحت لاختي صحيتها بالقوه وطلعت بالتاكسي لاقرب مستشفى اشوف هالولد...وفعلا دخلت وطلع عنده فيروسات لازم ياخذ عليها ابر لمده ثلاث ايام


اخذت الابره و طلعت بالتاكسي للبيت وقبل مانوصل البيت صدمتنا شاحنه من ورا...ووقف التكسي وراعي الشاحنه يتهاوشون




انا هنا حسيت بطني بتنفجر...بس كنت متحمله
خلصو هوشتهم ومشى التاكسي وكان معصب ويلفلف فينا بقوه...لين وصلنا البيت بالسلامه


الكل نامو الا انا مدري وش فيني ...راسي ...بطني...رجلي..كل شي يوجعني


اخ بس وش ذا اليوم الغريب 😩

اولا مشكورين يالغاليات كلكم بدون ذكر اسامي عشان محد يزعل
اكشني
يوم الخميس رحت زواره اهلي ك العاده لقيتهم بيروحون السوق قلت اروح معهم عشان امشي
رجعنا والوضع عادي جدا قعدت يوم الجمعه ع الساعه 10 كنت جوعانه طلبت فطوري ع السرير
كنت كسلانه اتحرك تريقت وقعدت اتقلب بفراشي شوي و الساعه 11 سمعت شي في بطني قال دووووو جد والله صوت انفجار في بطني انا حسبالي غازات والوضع عادي يمكن نص دقيقه ولا احس بشي حااااار نزل ع فخوذي وفراشي ابي اقوم وكل ماله يزيد والله ما ادري شقول احساس غريب وكل ما مسيت خطوه يكب وبشكل غزير وطبعا بدون الم نهائيا المهم واقعد انادي امي واصيح من الخوف وامي اول ماشافت الماي على طول قعدت اخوي وهو مسكين من فراشه ل السياره مو مستوعب اللي شافه ودخلت المستشفى وعلى طول تخطيط وكشف تخيلوو بس فاتح 1 سانتي ومافي ولا طلقه انا خفت وقعدت انتظر الطلق المهم قالو ننتظر عليك 24 ساعه اذا ماجاك طلق نعطيك طلق صناعي وقعدت عندهم والتخطيط علي طول الوقت وكنت خايفه لان الوقت يمشي ولا في طلق ودخلت عليكم بالتجمع ابي منكم دعوة بظهر الغيب وجد اشكر كل وحده دعتلي بقلبها او كتبت لي وبعد ما عدت 24 ساعه ودوني غرفة الولاده انا كنت طالبه ابرة الظهر عشان الطلق الصناعي حار ولمن وصل دكتور التخديد او ما دخل ابرة التست حق مكان الابره طلع عليه نزيف من مكان الجرح على طول سحب التست وقال انتي عليك خطر كبير من ابرة الظهر ومستحيل احطها قلت طيب في بديل قال في كمام وفي ابر عظل طبعا انا سمعتها بس لكن ما حطو علي شي منها طلع صناعي والله يابنات بدون ولا مخدر وانا ابكي من الام والتخطيط يطلع لهم مافي طلق واخر شي ولدت وانا احس اني اتقطع من الالم وصوتي راح من الصياح والحمدلله طلعت بنتي لكن صار معاي نزيف والمشيمه ما طلعت بسرعه لان الماي نزل وكنت شبه ناشفه طولت وانا ع اعصابي والدكتوره ع اعصابها لان كانو خايفين من المشيمه ما تنزل ويضطرون للتنظيفات او نزيف المهم الحمدلله نزلت المشيمه وعطوني ابر للنزيف وربي سهل علي وعلى بنتي بفضل من الله تعالي ودعاء اهلي وحبايبي وانتو اللي بعد دعيتولي في ظهر الغيب
ادري قرقت واجد بس كانت لحظات صعبه وكنت ابيكم تعيشونها معاي


وبس

مساء الخيرات .... الله يفرج عليكم وسهلها من عنده ....
ام حمدان طمنينا عنك وش صار بخصوص المويه ان شاء لله خير ...
معجزات وينك وين الاكشن تبعك مدري ليه ? متحمسه له .....
سوما هلا وغلا فيك 😍😍 راعيته مكان انتي متي مافضيتي طلي علينا
ياسمينا من 4 سم يعطونك اياه انا مثلك ودي فيها اذا ولدت طبيعي استخيري والخيره فيما اختارها الله ...
بكرا موعدي الله يفرجها من عنده يارب

آللهم آمين وياكم ي رب