#*فواكه مشكله*# :

صبااااح الخيراااات كيفكم اخواتي الله يهون عليكم ويقومكم بالسلامه ويفرحكم بسلامة اطفالكم يارب ومبروووك لكل اللي ولدو والحمدلله على سلامتكم 💖💖 اليوم لي شهر ويوم والحمدلله صرت احسن من قبل صحيح مشيتي باقي بطيئه وبطني من اسفل السره حساسه ما ابغى امسكها بس الحمدلله اقارن بين نفسي في اول ايام العمليه والحين في تحسن وفرق كبير وطهرت ابني امس واااه ياقلبي عليه بكى بكاء متواصل تقريبا عشر دقايق وانا وابوه نسمع صوته من برى بس مانقدر نسوي شي من قبل فأبني الاكبر انا وابوه وديناه بس ما سمعنا صوته ﻷن خلونا نجلس فالانتظار بعيد شوي فالمره هذي نحن قربنا وسمعنا الصوت يلا ان شاء الله نشوف تباشير المعوشرات والتاسوعيات 💕💕

صبااااح الخيراااات كيفكم اخواتي الله يهون عليكم ويقومكم بالسلامه ويفرحكم بسلامة اطفالكم...

منـــوٍوٍوٍ :

إليانا2 .. حياك الله يالغلا .. تاريخ ولادتك 27 / 7 هـ 4 / 5 م ودخلتي التاسع لك يومين .. الله يهون عليك .. ولادتك ببداية مايو يعني التجمع اللي بعدنا .. بس ممكن تولدي اي يوم بهالشهر ..

إليانا2 .. حياك الله يالغلا .. تاريخ ولادتك 27 / 7 هـ 4 / 5 م ودخلتي التاسع لك يومين .. الله...

نبض الكبرياء :

2/4 يوم السبت س7.30 الصباح جاتني الدكتوره الرحم فاتح 1.5 سوتلي اول طلق وعندي مهلة مده 8 ساعات مر الوقت معي طلق خفيف كل خمس دقايق أو عشر وأحيانا ربع ساعه ومشيت ومشيت ومشيت وآخر ساعه من الطلق الأول زاد الطلق وحسيت أن الفرج قريب مرن الثمان ساعات وجاء وقت التخطيط .. النبض تمام والطلق جدا خفيف لا يعتبر وأقول للدكتورة لا الطلق قوي بس يحتمل قالت ما يبين بالجهاز ونحن نروح ع الجهاز فسوتلي الطلق الثاني .. س3 الظهر .. وعندي 8 ساعات جديده اترقب فيهن الولاده نص ساعه من ألطلق الثاني والالم صار لا يحتمل خلاص ما قادره أتحمل جات الدكتوره و فحصتني الطلق قوي لكن الرحم ما فاتح إلا 2 سم انا هنا خلاص انصدمت قلتلها نوميني خدريني ما أبا أحس بشي هالطلق أقوى عن ولادتي الأولى ولا أذكر أني مريت بقوة هالطلق قالت طيب بعطيج ابره تنومج وما راح تحسي بالطلق وان شاء الله تقومي والرحم فاتح 10 انا تحمست قلتها أباها هالابره العجيبه دخيلج بسرعه ضربتني الابره مرن خمس دقايق وأنا ما نمت والطلق يزيد يا دكتوره شو المشكله عطيني ابره غيرها عشان انام وشوي اسمع شي انفتح ف رحمي وخبرت الممرضه وقالت الماء نزل والطلق خلاص وصل حده معي بديت اهذي وأكلم زوجي وعمتي معاي ف الغرفه كلام ما مفهوم من قوة الطلق ربع ساعة مرت من عطتني الابره .. قالت بفحصج .. الرحم فاتح 5 ما صدجت اللي سمعته وبكيت من الفرحه وأحمد ربي واشكره قررت الدكتوره ينقلوني صالة الولاده س7.30 وصلت صالة الولاده والطلق يقوى أكثر وأكثر وصلت مرحله الدفع .. والقابله تقول لا تدفعي واقولها ما اقدر خلاص الدفع يزيد تقول بعده ما فتح الرحم اصبري قلتلها خلاص بيطلع وجات تشيك كم فاتح وشافت رأس الجنين وقالت خذي نفس ولما اقول دفعي دفعي ودفعت مرتين وطلع ولدي للدنيا س8.10 بالليل والمشيمه من قوة الطلق تفتت داخل .. والقابله دخلت ايدها عشان التنظيف وحسيت الولاده صارت 10 ولادات مع كل مره تدخل ايدها عشان تطلع بقايا المشيمه لكن وايد خيطتني لأن الطفل شقني والحمدلله رب العالمين كلها فتره وإن شاء الله هالالم يروح وانسى كل التعب وافرح بحبيبي الصغير والله يهون عليكم ويجعل ولادتكم سهله يسيره

2/4 يوم السبت س7.30 الصباح جاتني الدكتوره الرحم فاتح 1.5 سوتلي اول طلق وعندي مهلة مده 8...