ام حمدان
برضو الكلوت ماقدرت ألبس الا حق الحمل ﻷنه يرتفع لفووووق
الثانيين ابدا ماينفعون مع العمليه

رجعت لكم بااكشني... يوم الخميس كان عندي موعد عادي متابعه الساعه 8 دخلت ع الدكتوره وعطتني موعد متابعه بعد اسبوعين وكل شي كان تمام طلعت يومن قربنا ع البيت فجاءه بدون مقدمات صكني الم بظهري زي النار احسه ظهري وفخوذي قلت وش ذَا نهائياً ماجا ببالي انه طلق ولاده صبرت والالم مستمر مافك أبد رجعني زوجي المستشفى دخلت طورائ تخطيط وكشف من تحت قالت مقفل الرحم وفي طلق بس احتمال طلق كذاب بعطيك مسكّن وطلعت اخذت مسكّن ورجعت البيت الالم خف شوي بس ماوقف أخذني زوجي وصلني لخالتي الساعه 12 الظهر قال خليك عندها اذا تعبتي مب لحالك طلع الحب راح المطار يحجز لأَمي وكنه شايف اني بوجهي ولاده 😂المهم خالتي جابت لي قهوه قشر وتمر وقالت تقهوي وكلي طلعت القهوه فيها خرابيط قرفه وزعفران وزنجبيل المهم تقهويت وأُكلت تمر وقلت بغفي والالم صار خفيف مره نمت صحيت قرب المغرب فيني غثيان اليم وتطريش وخالتي يومن شافتني أطرش انخرشت تقول الي تطرش خلاص يعني ولادتها مب بعيده وتكلم زوجي جا وامي معه😩 انا صرت ابكي صدقت اني بولد يومن شفت امي ورجع الطلق أخذوني المستشفى مره ثانيه كشفت علي قالت 2 سانتي بس ارجعي البيت مطوله وانا واصله حدي تعب رجعنا البيت الساعه 3 الفجر نمت صحيت الساعه 7 الا تنزل قطعه دم كبيره مع مويه وانخرش واصحى امي وزوجي وطيران ع المستشفى كشفت قالت 3 يلا فوق ولاده ومافيني الم ابد طلعت غرفه الولاه جهزوني ومغذي الصدمة بجهاز الطلق حامي مره ويوصل 90 وبدا إلالم الصدق وألقابله تقول انتي وش شربتي قرفه قلت لا قالت قولي والله 😂 عطوني بنج ابره عضل دوختني مره عجيبه كنت اشوف الطلق بالجهاز يوصل 105 وانا مب حاسه ودايخه وأشوف الدنيا تدور نمت ساعه صحيت الا فك البنج والرحم لسى 3 سانتي جت الدكتوره قالت بفتح لك المويه ودخلت عود ابيض طويل فتحتها وصارت شالات تنزل وبدا الم قوي مره كشفت طلع 6 ع كثر الالم الا اني ابتسمت واخيراً تحرك صار 6 شوي بديت احس بشي يدف من ورى اصرخ جت تكشف وتقول 9 سآنتي احس الراس دفي اذا جتك طلق وادفع مرتين وطلعت بنتي 😩 وبس احسه حلم للحين مب مستوعبه

اي بنات خيطوني داخليه بس لأَنِّ ماوسعوني شلون اهتم بالخياطه وهي داخل احس خايفه ادخل أيدي او اي شي ووش مطهرات استخدم وادويه لسى ماسويت شي بس مويه دافيه حتى ادويه نفاس توني اليوم طلبت من حرمه لان لسى ماخلصت تجهيز شايله من بالي انا بولد بدايه التاسع وبعوشر😂

الله يعينك ويسهلك حبيبتي

صبا الحمد لله الي قومكي بسلامه
يارب عقبالنا والله اني شايله هم وخايفه ودي اغمض عين وفتح القاني كد ولدت وخيطوني وبيطلعوني للغرفه