afnan-o11 :

الف مبرووك أم القمر -جماان- وأم غلا وحمدان -وعذاري وام تميم 😍😍💐💐 جعلهم ربي من مواليد السعاده 😍👌🏿 والله يكتب لكم آجرها غبت يوم عن تجمع والقى التباشير هلت ماشاء الله عقبالنا يالباقيات 👌🏿❤❤ الحمدلله الحمدلله زوجي بيجي بكره من الحد الجنوبي وبيقعد معاي 10 ايام يارب تكتب لي ولاده وهو جنبي باقي لي 8 آيام واخلص التاسع 👌🏿

الف مبرووك أم القمر -جماان- وأم غلا وحمدان -وعذاري وام تميم 😍😍💐💐 جعلهم ربي من مواليد السعاده 😍👌🏿...

أم القـمر :

السلام عليكم .. دخول بدوون كرشه ياااااربي لك الحمد ولك الشكر ولك الثناااء الحسن 😍😍💃🏻💃🏻💃🏻💃🏻قدني أرقص من الرشاقه 👰🏼 ابشكركم ولدت يوم الاربعاء في الفجر ليلة الحلتيته 😂😂 والله يابنات انها زي السحر قفلت من النت ومسكني الطلق بعد مانقعتها وحطيتها في الفوطه وشميت منها شوي .. ماجا الساعه أربعه الفجر الا وانا في غرفه الولاده 😐 والرحم مفتوح 6 سم والساعه خمسه ونص شرف ولدي حبيبي اللهم له الحمد ☺ .. وتوني رجعت لبيتي اليوم وقلت ابشركم لانو ماكان عندي نت هناك ..

السلام عليكم .. دخول بدوون كرشه ياااااربي لك الحمد ولك الشكر ولك الثناااء الحسن...

أم القـمر :

الف مبرووك جماان وأم غلا وحمدان وعذاري 😍😍💐💐 الله يصلح ماعطاكم ويقومكم بالسلامه ياارب .. وبالنسبه لأكشني ذكرته لكم بالمختصر المفيد 😁بس بعطيكم علمي كاامل .. هذيك الليلة كنا نتكلم انا وسالي والحنين الى الجنه ومدري من كمان عن الحلتيته ورحت نقعتها ورجعت اسولف معهم وشوي لي الحنين الى الجنه تعلملي انها انفكت موياتها ومدري ايش بصراحة ترددت وكنت بقوم اكبها بس قلت بجربهاالليله بسسس ان جا منها خير والا خلاص ماعد بسويها وقبل ماانام حطيت منها في الكوتكس ورحت ارقد عيالي وانا احس باالآم بس مااعطيتها بال وبعدها رحت على فراشي قد الساعه في ذاك الوقت 2 الفجر وساعة حطيت راسي جاتني طلقة بغت تطلع عيوني زوجي انفجع قال والله انك ناويه تخربينها وجلس يطلبني اروح للمستشفى ورفضت قلت لسى مااحس انه منتظم وشوي وتمسكني الطلقه الثانيه 😭💔 قال والله ان تقومين تلبسين وتصحين العيال وهيا للمستشفى حاولت فيه نجلس الى صلاه الفجر بس رفض قال بتولدين عندي اذا جلستي هالساعتين كأنه يحس 💔💔 المهم واطلع شنطتي قدهي جاهزة واصحي عيالي وانا فيني دموع رحمتهم تو نيمتهم من ساعه والحين اصحيهم بالقوة صحيوا ونجهز ونطلع قبل اطلع عطيت الشغاله خبر اني رايحة للولاده جلست تبكي راحمتني 😟 وطلعنا مسافة المستشفى نص ساعة وتمسك معي الطلقات كل عشر دقايق تقريباً زوجي جالس يحسبها 😂😂حسيت انه هو اللي بيروح للولاده من كثر ماهو حريص على حساب الوقت بينها ووصلت المستشفى الساعه أربعه تمام قبل صلاه الفجر بثلث ساعه تقريباً وودعت زوجي ونزلت وانا فيني رعب كأني رايحة للموت وادخل عليهم ودخلت علي دكتوره كبيرة ضخمة وعلى طول عيني في يدينها زاد الرعب يوم شفت حجمها الكبير 😭 قلت معقوله بتدخل يدها هذي ان شاالله تجي وحده غيرها بس للأسف لبست القفازات وبدت تفحص😐😫 وقالت ماشالله مفتوح 6 سم يالله جهزوها للولاده واااه ياإني حبيتها من قلب ذيك الدكتوره عقب الخوف الي قد جاني منها كأنها معطيتني الدنيا يوم قالت سته ويجهزوني وطلعت لغرفه الولاده رقم 6 الغرف فل حريم على وشك ولاده وقلبي بيطلع من الخوف والرهبه ياالله ياهذيك المواقف ماتنسى ونزلت لسريري جتني دكتوره سعوديه شحليلها تهبل جلست تسولف معي ونادت دكتوره اتوقع سوريه وفكت مويه الجنين 😖 خلاص من هنا بدى الجد والطلق المتواصل جلست يمكن نص ساعه ورجعت قاست لقيته مفنوح 8 سم وبعدها بديت ادف فتقول انتظري مو الحين لسى بس ماعد قدرت ابد وصارت تخوفني اني في خطر اذا دفيت والرحم مو مهيأ لسى مانفتح وبيتأثر الجنين احاول امسك الدفع بس ماااش ماقدرت قالت لحظه اقيس ومامداها تدخل يدها الا بدا شعر الجنين يبان قالت ياالله ابدي دفي وصرت ادف وانا مافيني طلق مدري وين راح يوم يوم قدني ابغاه هذي المصيبه 😫 فتقول انتي قبل شوي تدفعين والحين وقفتي قلت مافيني طلق اختفى ودفعت مرتين تقريباً وطلع بتعب يالله ياروحي طلعت لين طلع الساعه خمسه ونص والحمد الله خمس دقايق وطلعت المشيمه بس تعبتها معي فتقول لا تشدين علشان ماتتفتت المشيمه جوا ومن سمعت هالكلمه استرخيت علشان تطلع تذكرت وحده هنا مدري والله من تقول سوولها تنظيف علشان المشيمه تفتت فيها 😢 وطلعت كأنها ولاده ثانيه .. وخمس دقايق ثانيه وراحت جابت دكتوره سوريه وخيطتني 😭😭😭😭 احس بالخيوط وهي تخيطها وتشدها ياربي تكتب الاجر وطولت مره شكل الحبيب خرب المنطقه الله المستعان . والحمد الله جلست نص ساعه بعدها وطلعوني على غرفتي ونمت عقبها نص ساعه وجابوا لي البيبي لبى عنونه ماتعبني يرضع وينام .. والدم نسبته نازله عندي مرره الله يعين تقول لازم تهتمين اكثر بالاكل وانتظام الحبوب وان شاالله نهتم ونعوض اللي راح منا في فتره الحمل .. واليوم العصر طلعت ياربي لك الحمد من قبل ومن بعد اللي سهل لي ..وعقباااال يارب البنات الباقيات ويجون يبشرونا بسلامتهم واجنتهم يااارب .. والله مانسيتهم من دعواتي وقت الطلق الله يستجيب ..

الف مبرووك جماان وأم غلا وحمدان وعذاري 😍😍💐💐 الله يصلح ماعطاكم ويقومكم بالسلامه ياارب...

layalina08 :

ماشالله تبارك الرحمن اليوم يوم التباشير 😻 الحمد لله على سلامتك ام العذاري وتتربى بعزك البنوته 💜

ماشالله تبارك الرحمن اليوم يوم التباشير 😻 الحمد لله على سلامتك ام العذاري وتتربى بعزك البنوته...

Omtmim99 :

الحمدلله على تباشير أفراحي وعسري حين ينفرج... رزقني الله بفضله ومنه وكرمه بأميرتي ( غنى اسأل الله ان ينبتها نباتا حسنا ويجعلها قرة عين لي ولوالدها.....

الحمدلله على تباشير أفراحي وعسري حين ينفرج... رزقني الله بفضله ومنه وكرمه بأميرتي ( غنى اسأل...