الحنين الى الجنة :

جيتكم بقصة ولادتي ياحبايب قلبي طبعا كلكم عارفين اني كنت نفسية في الآونه الاخيرة وابغى اولد بأسرع وقت و صرفت لي الدكتورة الخروع وتهورت واخذته وفعلا اخذت منه ملعقة كبيرة في عصير برتقال في الظهر و نفس الشي في الليل المهم الخروع سوا عمايله ونظف بطني لكن الجرعة الثانية هي اللي سوت البهاذل ونزل عليه افراز لونه اصفر وسألتكم قلتوا هذي السدادة وفعلا طلعت السدادة وبعدها بساعة كنت نايمة عالسرير الا احس بدقه قويه من تحت بصوت زي الشي انفك وقمت الحمام الا المويا تصب صب وحاااره و صحيت زوجي مسكين دووبه نام وعالمستشفى ولقيت الدكتورة كشفت علي قالت 2 سانتي واستمريت على الطلق الطبيعي من الساعة 1 الليل الى الساعة 8 الصباح وكنت رافضة الصناعي ولما استمرت المويات تنزل حطولي طلق صناعي وبدأ العذاب الأليم وصرت زي المجنونة وبس اترقص من الألم لكن الله لا يضيع تعبنا ويكتب اجورنا ..، المهم جلست اترجاهم يعطوني ابرة الظهر قالوا طيب بس لازم تكونين ثابته معانا وتهدأين قلت طيب و هم شافوني بس اصيح واتحرك كثير بعدين قالوا طيب خلاص راح نجيبها وراحوا ماعد جوا لانهم مو قادرين يعطوني وانا كذا .. المهم صارت امي حبيبتي تهديني وتصبرني وكشفت علي الدكتورة قالت 9 سانتي وبدأ الدف معايه واحس وجهي بيتقطع من الضغط اللي احسه على تحت وجوا على راسي ممرضتين واخصائية هي اللي ولدتني وكبيرة في السن محترفة الله يوفقها ومعها استشاريه و خبيرة التخدير وانا حطولي البنج وصرت دايخة ومعاهم وماني معاهم واللي اذكره اني كنت ادفع وانا كاتمة نفسي على تحت وهذا اللي ساعدني اولد بعد الله تعالى وماكنت اصرخ وقتها وحاولت كثير وانا ادف والحمدلله خرج حبيبي انس وكأني زي الحلم لما شفته حطوه عليه فديت وجهه وبعدين نظفوني وخيطوني وخلوني ساعتين تحت الملاحظة والحمدلله الذي بنعمته تتم الصالحات .. والله يقومكم بالسلامة يا كروشات ويجعل الولادة بردا وسلاما عليكم مثل ما جعل النار بردا وسلاما على ابراهيم وصلى الله على نبينا محمد

جيتكم بقصة ولادتي ياحبايب قلبي طبعا كلكم عارفين اني كنت نفسية في الآونه الاخيرة وابغى اولد بأسرع...

الحنين الى الجنة :

وانتهت رحلة وهن على وهن ‎الحمدلله حمداً يدثرني عمقاً ‎حتى يرضى فأرضى .. ‎الحمدلله على تباشير أفراحي ‎وعسري حين ينفرجُ ‎رزقني ربي بفضله ومنه وكرمه ‎بأميري وصغيري ( أنــــس ) 💙🍼👶🏻‎

وانتهت رحلة وهن على وهن ‎الحمدلله حمداً يدثرني عمقاً ‎حتى يرضى فأرضى .. ‎الحمدلله على تباشير...