السلام عليكم ورحمة الله وبركاته
،
كيفكم يابنات ؟ الف مبروك للي ولدوا والحمدلله على سلامتكم جميعاً والله يسهل للي باقي ماولدوا🌸💝..
،
انقطعت عنكم فتره معليش اعذروني التعب من جهه وولدي من جهه والنفسيه اللي تحت الصفر من جهه ثااااانيه الحمدلله على كل حال صرت اشك ان عندي اكتئاب مابعد الولاده لاحول ولاقوة الا بالله
،
اخباري اليوم اكمل اسبوعين من يوم ولدت .. والحمدلله اوضاعي الصحيه تمام الخيوط موجوده لسى ماطاحت والجرح الحمدلله ماهو ملتهب واستخدم غسول بيتادين وقالولي بس اسبوعين ووقفيه واصلاً مكتوب بالتعلميات كذا واستخدم ميبو بعد كل مره اتشطف فيها .. عندي الالام في منطقة الحوض ماادري عضلات او اربطه او ايش توجعني كل مااقوم من جلستي .. الدم اعزكم الله لسى باقي ينزل بس مو صافي لا لزج ويوقف مرات نص يوم ويرجع ينزل .. استخدم اعشاب عاديه ومهمله شوي فيها وفي مسألة الجوع والشبع .. مالي نفس بالاكل مع قل النوم والراحه استخدم حلبه بس مو بشكل يومي .. واستخدم قشر وكمون وزنجبيل اسويها قهوه .. واشرب شمر ويانسون .. واحط ع حليبي فلفل ابيض واسود بس< ماخليتي شي😂.. كريشتي مااربطها كل يوم من اليوم ببدأ اربطها بشكل دايم لان صحياً الافضل بعد اسبوعين عشان الرحم ياخذ وضعه الصحيح ومااضغط عليه .. لاني ربطت اول يومين ونزل دم انفجعت واصلاً اوجعني بطني مره .. المهم عندي سؤال ياعمري انتم جاوبوني عليه بحكم خبرتكم لان فيه اشياء مأزمتني كثييير وبس ابكي منها عاد معذا النفسيه الخياس ابكي من كيف حالك بعد وجننت زوجي معي اي كلمه يقولها احورها وازعل وابكي حتى اني وصلت معي اقوله احسك ماتحب ولدك😂.. مريه ادري معليش بس احاول احكم عقلي الكم يوم الباقيه وان شاء الله تعدي هالفتره على خير وياصبر زوجي وامي علي صبراااااه هههههه
،
اخليكم مع اسئلتي مأجورين💝🌸.
،
اول سؤال : واهم سؤال : ولدي جنني يصيح صياح مو طبيعي تمسكه امي واجلس ادوره وراهم واصيح معه وامي تجلس تصيح مني😂.. صرنا ثلاثتنا نبكي هههههه ياربي مدري الوضع طبيعي او لا يحزززن مره وديته دكتور وقال طبيعي مغص وغير له الحليب بس بطنه مايمشي كثير الله يعزكم يمكن من امس الظهر مره وحده بس .. والبارح الليل كله يصيح طمنوني بنات عادي الوضع والا ولدي فيه شي ؟ اعطوني قطره ريحتها شينه واحطها بالرضعه 3 مرات ولاتخفف شكلها شي .. واعطيه يانسون مره باليوم واخليه يتجشأ واسويله مساج بس ماينفع ..
،
ثاني سؤال : الرطوبه اللي احس فيها بالمنطقه من مويه وفرازات مع الدم .. هل تتوقف مع توقف الدم ان شاء الله او تطول بعده ؟ ولو تطول الاهم انها توقف قبل نهاية الاربعين او لا ؟ اكرهه شعور الرطوبه والبلل مااحبه احس اني بزر بايل بملامبسه اعزكم الله احب المنطقه تكون جااافه .
،
ثالث سؤال ؛ متى تطيح الخيوط ؟ وشكل المنطقه متغير مو زي اول مو الخياطه لا الخياطه تمام الحمدلله اقصد نفس الفتحه مو زي اول هل ترجع زي اول او ع الاقل تصغر عن الحين بنهاية الاربعين والا تبقى كذا كبر راس ولدي < امزح😂 بس والله انها موب زي اول الله يذكر ايام اول بالخير😩..
،
رابع سؤال ؛ لو وقف بطن ولدكم😁وش تستخدمون له ؟ بس شي يكون مضمون انه يمشي البطن ؟
،
تكفون ساعدوني ام جديده وماعندي خلفيه ابداً عن الاطفال وامي من زمان عن الاطفال .!

ايوه صح فيه سؤال نسيت اضيفه انا ارضعه كل ساعتين ولما يصيح ويبكي كني اخاف عليه واخليه يتأخر ثلاث ساعات عادي والا ؟ لان اخاف يجوع وبنفس الوقت يقولون عدم انتظام الرضعات يأثر سلباً ع المغص مدري صح او لا

ايه عادي ويطلع منه افرازات ودم بعد عطوني كريم ميبو وفيوسيدين

😭😭😭😭😭كل ولاداتي طبيعي الا هذي المرة قيصري😭😭😭😭 ونفسيتي تعبانه منها ومن الجرح حتى اهتمام بالنفاس مافيه ابدا

الحمدلله على سلامتك ومبروك المولود جعله الله من الصالحين البارين وقرة عين لكما
💙💙💙💙💙