بتهوون ان شاء الله تكون ولادتك سهله،وميسره لاتخافي عشان ماتاثري ع نفسك

بنات تعالو لقروب،قدها في البيبي نجتمع هنااك

مساء الخير جميعا"

الله يسعدك ياخوخه امس كنت صاحيه بدري نظفت ورتبت بيتي وغسلت ملابس

والعصر رحت بيت اهلي وبعدها سيرنا انا وامي ع اهل زوجي

ورجعت ماعاد اشوف من التعب ونمت

واليوم من بعد الفجر زوجي راح ياخذ موعد انتظار عند الدكتوره
ورجع لي ع الساعه 8 اخذني ولاجت الدكتوره الا 11
دخلت عليها وكشفت ع كل شي قالت البيبي وزنها كبير وبطنك كبير بالنسبه لجسمك والمويه زايده شوي
وانتي باقي لك يومين وتخلصين التاسع والبيبي مرررره فوق
وقالت من خبرتي ما اتوقع تنزل الحوض و تجيبينها طبيعي

فعشان كذا رح اولدك عمليه

لفت الدنيا ودارت فيني مو خوف بس ماكنت متوقعه هالكلام ابدا

قلت لها طيب اعطيني فرصه كم يوم او اسبوع امشي لأني مامشيت
قالت ابدا ماله دخل بالولاده

قالت سوي تخطيط لنبض البيبي وبعدها نتفاهم
رحت للتخطيط
قابلتني نيرس حبوبه وقالت لي انتي توأم قلت لها لا واحد

سويت تخطيط ورحت للدكتوره ورفضته قالت عيدوه
وعدته وانا خلاص تعبت مره ظهري ونفسيتي وطول ما انا ع السرير عيوني تدمع غصبا" عني
و زوجي معاي ويقول لي انتي من اول ماعندك مانع للعمليه ايش صار لك
قلت له ما اعرف

رحت لها بعد التخطيط الثاني قالت عمليه
البيبي كويس وحركته كويسه وماعندك طلق
حددت لي يوم وقالت تعالي صايمه

سألتها عن التخدير قالت نصفي واذا عندك اي سؤال اسألي اخصائي التخدير
طلعنا من المستشفى الساعه 2
وانا ابكي

مو خوف ولا اعتراض بس ماكنت متوقعه تقول لي هالكلام واول مره بحياتي اسوي عمليه
ولامعايه احد اعرفه يدخل يهديني

والدكتوره صادقه بطني فوق مره خالاتي وام زوجي كلهم يقولوا لي شكلك مطوله بطنك مره فوق

المهم اني طول الوقت احمد الله وهو عارف ايش الاحسن لي واختاره والحمدلله اروح وانا عارفه انه عمليه ولا اتعذب بطلق او الآم وبعدها يحولوني عمليه
اصير ذقت الم الاثنين
واقول لنفسي حريم هم يختارون العمليه بأنفسهم وماعندهم اسباب تستدعي
انا ع الاقل عندي اسباب مو دلع

مارح اعلم الا امي ولابقول لها اي يوم عشان ما اقلقها
لاطلعت بالسلامه انا وبنتي من العمليات زوجي. يبشرهم


كان يوم طويل ومتعب بس الحمدلله ع كل حال

ايه
وتوووته
الله يهون ويسهل عليكم يااارب ولا تخافون توكلو ع الله

خديجه الله يعين كلنا النفسيه زفت مع الثقل والتعب الله ييسرها

توته ربي يكتب لك اللي فيه الخير والحمدلله العمليه مو شينه انتي هدي نفسك وربي يهون عليك