اكششن ولادتي 😚😚


بناات عليكم بـزيت الزيتون وحبة البركه
دهنو فيها ظهركم وبطنكم وهو دافي
والله حسيت مفعوله زي السحر ماشاء الله ،،

انا سويتها الليل دهنت به ودهنت كمان من تحت
وبعدها خذيت لي شور دافي اقرب للحار وركزته على ظهري وبطني ،،
وبعدها اخذت لي كاس شمر مع عسل دافي
ونمت وطول الليل يصحيني الم خفيف واتقلب وارجع انام
وكذا طول الليل لصبح صليت الفجر ودعيت ربي يسهل لي الولاده
جهزت عيالي لمدارسهم
وبعدها بدا اللام برضه على خفيف بس كان منتظم كل 10 دقايق
جلست للساعه 10 رحت مستوصف ابيها تكشف وتشوف كم فاتح الرحم
قالت ماعندنا عياده حوامل اليوم ،،
بس دامه منتظم يعني عندك ولاده روحي المستشفى على طول

رجعت بيتي وجلست انتظر عيالي والالم مازال طلق منتظم بس خفيف الحمدلله
محتمل كان ،،
ع الساعه 12 المدرسه قريبه راح زوجي استاذن لشهد من المدرسه
وجابها قلت عشان لا زاد الالم اروح وهي تنتظر اخوانها،،
ماطاوعني قلبي اروح واخليها
جلست في السياره عشان لا تشوفني اتالم لين جو اخوانها استودعتهم الله ورحت

وصلت المستشفى على 1 ونص تقريبا ودخلوني تخطيط
اختفى الالم كله ،، 😣😣😣
الممرضه تقولي ٱنـَYOUـِتَي مافيه الم كيف يجي
قلت الا كان فيه ومنتظم
وشوي تجي طلقه وحدده قويه وصلت ع الجهاز 100
وبعدها والطلق بارد مرره
كان ودهم يكرشووني وحاقدين عليه هههههههههههههههههههههه?َ هُ
قالت الدكتوره طيب نكشف ونشوف
وكشفت الا تقوول ماشااء الله دخوول الحيين فاتح 6 س
وانا لو تشوفوني فرحه وخووف ودمووع كلها مع بعض
قامت الممرضه تقول يلا مدام ايش يبغى ابره ظهر ولا مايبغى
جلست محتاره ايه او لا وهي تحاول تقنع فيني
وفي الاخير قلت راح الكثير مابقي الا القليل تحملي من غيرها

قلت لا مابغاها حسيتها حقدت علي خخخخ طيرت عليهم 2700 حق الابره
قلت المهم عطوني الكمام قالت ايوه فيه قلت خلاص
وتوديني غرفة الولاده واغير واتمدد وتحط لي التخطيط
قالت تبغي ابره مسكنه قلت بعدين لا زاد الالم قالت يمكن مايفيد بعدين مايجي مفعول بسرعه
قلت يلا هاتيه وتعطيني الابره في العضل
وانا كل مااجات طلقت مسكة الكمام واتنفسس لين تروح وافكه
الساعه 3 قاست الدكتوره قالت بين 7 و 8 وفتحت الكيس وراحت
جلست شوي اسولف مع زوجي وشوفي اتالم واشم الكمام لين ادوخ وافكه
وادعي بين كل طلقه وطلقه ماخليت شي الا دعيت به ههههه
ومانسيتكم وبعض البنات جات اساميهم على بالي ودعيت لهم بالاسم
ان ربي يسهل عليهم ولادتهم وييسرها لهم ،،

اذن العصر قال زوجي بروح اصلي قلت بحفظ الله
وهو خرج من هنا وجات الدفه من هنا قلت للمرضه خلاص بوولد
وتجي وترفع لين السرير شوي وقالت اطلعي على فوق شوي عشان ينزل بسرعه
يدوب رفعت نفسي وجات الدفه وادف وانا مازلت ماسكه الكماام واهي تصرخ تنادي الدكتوره وجات ،،
وكلها ثواني الا وشرفت الاموره ( دانه ) ع الدنيا الساعه 4 العصر تماماً
واسمع صراخها وافتح الكمام وادعي الله واحمده ودموووع فرح والم

شالوها ونظفوني وخيطوني ،،
ونظفو البنوته وجابوها لي ،،
اطالعها وابكي واقول الحمدلله 😚😚
والممرضه تقوول خلاص مدام ليش يبكي كلو تماام ،،
رجع زوجي قال الحين توقعت اجي والقاك باقي تتالمين
لاني ماطولت يدوب نزلت ع وقت الاقامه صليت وجيتك
بس الحمدلله على سلامتك وسلامة العروسة ،،


وهذا اكشني للولاده ،،
وعقبال باقي الحوامل يارب،،

• 
  

الله يسلمك ياعسسل ،،
وعقبالك يارب ،،

ايه الحمدلله على كل حال ،،

ان شاء الله وجزاك الله كل خير وسهل عليك كل الامور ... ويهون عليك يارب







امين ياقلبي ... وجزاك الله كل خير





امين يارب .... جزاك الله كل خير









الله يهون عليك يارب ويسهل عليك وان شاء الله تفاجاءك الولاده









امين ياقلبي ماقصرت جزاها الله كل خير





امين ياقلبي وتستاهلين سلامة اختك .. جزاك الله كل الخيرر...






ماشاء الله ... تبارك الرحمن ... امين عقبالنا يارب ... بجرب زيت الزيتون مع حبة البركه اطحنها ولا اخليها حب

دلوهه
الله يسلم قلبك ،،
لا مثل ماهي حب

جربيها والله يسهل عليك 🌹🌹

امين يارب اي بجربها