اكتب لكم اكشن الولاده قبل انسى 😅
يوم الجمعه كان كل عشر دقايق يمسكني تحجر واذا طول ربع ساعه ويمسكني شكيت الوضع مو طبيعي بعدها جيت انام الفجر حسيت بمغص مع تحجر خفت قلت شكلها قربت 🤭 وانا مره فيني نوم رحت انام وصحيت الساعه ٨ الصباح على المغص وانا كان وقتها عندي موعد مع الدكتوره الساعه ١٠ الصباح قلت لزوجي شكلي مابروح للموعد لانه خلاص عندي ولاده قال لا الافضل نروح ونطمن وتكشف عليك بالمره من تحت رحت عندها وانا اول وحده دخلوني عندها كشفت علي الصدمه قالت الرحم فقط فاتح ١ سم 🤦🏻♀️ قالت شكلك باقي مطوله قلت ياشيخه خافي ربك عندي طلق قالت بنعمل لك تخطيط ونشوف عملوا لي تخطيط والله كان الطلق يوصل الى ١٠٠ واغلبه فوق ٦٠ وديته للدكتوره تخيلوا وش قالت قالت هذا طلق خفيف مو ولاده بعد اسبوع راجعيني 😳 او اذا نزل عليك مويات تعالي حسيتها مو صاحية ابدااا
رجعت بيتي محطمه واحاكي نفسي معقوله كل هالالم ومو طلق ولاده 😕 حسيت نفسي تعبانه وقلت لامي الله يحفظها انا بنام وشوي قالت طيب اول ماانسدحت يابنات والله العظيم اول مره احس بهالشي حسيت بانفجار تحتي 🥴 بم الا واحس مويه تمشي واقوم اصرخ وابكي وانادي امي اقول افي شي انفجر برحمي قالت امي ماسمعت صوت انفجار 😂
قالت لاتخافي خلاص هذي موية الراس وصار وقتها الطلق قوي ورحت على المستشفى كان وقتها الساعه ١٢ ونص الظهر كشفوا علي قالوا فقط فاتح الرحم ١ أو ٢ سم فقط بس لازم ننومك عشان المويه ونوموني وتعبت من الطلق من الظهر اشتد الى الساعه ٨ ونص الليل وانا الرحم فقط ٢ سم 🤧 قلت للدكتوره خافي ربك عطيني مسكن بموت قالت المسكن لازم الرحم يكون ٤ سم مفتوح على الساعه ٩ سبحان الله فتح ٤ وعطتني مسكن بس مااستفدت منه شي انا جسمي مايتقبل المسكنات وبعدها يابنات الطلق زااااااد نار ماعاد صار يوقف وانادي على الدكتوره وتكشف قالت ٥ وشوي ٦ وشوي ٧ وطيران على كرسي الولاده وصار ٨ ووصل ٩ جاني الدفع دفعت دفعت مافي امل ينزل ربع ساعه وانا ادفع ومايطلع ولدي قالت الدكتوره ساعدينا ادفعي قلت انا ادفع بس هو مايطلع ومنا منا ودخلت يدها الدكتوره وطلعته طلع لونه اسود وازرق طلع مخنوق من الحبل السري 😭😭 الحمدلله ربي نجاه وبعد ماولدت ماارتحت بدأت تضغط الدكتوره وتدخل يديها تنزل المشيمه وتنظف الرحم وانا بس اصيح وعملوا لي خياطة تجميلية ساعه كامله وهي تخيط حطت كل انواع ابر البنج وبخاخ وكلها مافادت احس بدخلت الابره وطلعتها 🥴 قالت الدكتوره خلاص تحملي جسمك كله بنج بس مو راضي يستجيب والحمدلله بعد ماخلصت طلعوني غرفتي واليوم رجعت بيتي اللهم لك الحمد والدنيا تحت عندي ثقيله وجامده مع غرز الخياطة يمكن خمسين غرزه 🥺 الله يكتب اجرنا يارب
اكتب لكم اكشن الولاده قبل انسى 😅
يوم الجمعه كان كل عشر دقايق يمسكني تحجر واذا طول ربع ساعه...
حلو تذكرك