Non.a.m :

السلام عليكم .. بعد غيبة اسبوع جيت اكتب لكم الاكشن ولو انه متأخر !! بس التعب هد حيلي توني اشوف الدنيا واصحصح .. الحمدلله يوم الثلاثاء اللي راح الساعه ٧ المساء كنت مكمله التاسع ولي ٥ ايام بالعاشر ، وكان عندي موعد مع الدكتوره تحدد لي ايش يصير لوضعي.. كشفت علي وقالت خلاص صبرنا بغيناه طلق من ربي وماجا متى ودك تدخلين عشان نبدا بالخطوه الثانيه ونجرب قسطرة البالون !! قلت متى مابغيتي .. قالت اجل روحي البيت ضبطي امورك وارجعي لي الساعه ١٢ عشان يصير لك دخول ونستغل اليوم من اوله .. رجعت البيت اخذت اغراضي ورجعت لهم الساعه ١ بدو يحطون البالون 🥺 ماحد قال لي انه يوجع تعبني والله والأدهى والأمر لما صارت الساعه ١ ونص اقول للدكتوره احس فيه مويه لما شافت لقت البالون نازل ماضبط وقررت تعيده لان الاول خربان😫 ونعيد المعاناة مره ثانيه ونفس المشكله تنزل البالون قالت نعيدها هالمره بس بحقن المويه ٦٠ بدال ٨٠ قلت لها لو ماثبتت خلاص مابغى 🥺 والحمدلله الساعه ٣ البالون ثبت قالت الان امشي او نامي براحتك متى مافتح ٤ بتنزل البالون من نفسها بس وين انام وانا الطلق بدا معي على الساعه ٦ ونص او ٧ طاح البالون وكان فاتح الرحم وقتها من ٤ الى ٥ جت الدكتوره تقول بسوي تحريض قلت ولا تلمسيني اول ركبو ابرة الظهر وبعدها سوي اللي تبين الساعه ٨ ونص ركبو لي ابرة الظهر وجت الدكتوره فتحت المويه وحرضت ومن ٩ الى ٣ العصر كل شوي يقيسون وصل لما ٧ جت دكتورتي الساعه ٤ قالت بحط لك طلق صناعي بس جرعه بسيطه لان عندك قيصيريه سابقه ولما صارت الساعه ٦ جت تشوف وللاسف بعد ثلاث ساعات طلق صناعي ماتغير شي الرحم نفسه ٧ ومقلقها موضوع تقول وقت مااقيس فيه شي يمنع الطفل لاينزل صاير عنق الرحم زي الهرمي من فوق ضيق ومن تحت متهيء للولاده عطتني مهله للساعه ٨ لو ماتغير شي بيدخلوني قيصري خصوصًا ان نبض الطفل بدا يزيد معناته تعب من الطلوق حبيبي .. اتكلت على ربي وقلت الحمدلله هي كانت لي فرصه اني احاول طبيعي وجربت فيها كل شي لعل وعسى ربي يكتب الطبيعي لكن الله اعلمبعباده ٨ و١٠ دقايق دخلوني غرفة العمليات وكنت مرعوبه قالو بنج نص قلت ايه .. زادو لي الجرعه لاني من الاول مركبة ابرة الظهر سبحان الله احس بالحركه من تحت لكن بدون الم .. لمااااااا صار اللي ماحسيت حسابه .. بلحظه وبدون مقدمات صارو يضغطون بقوه على بطني من فوق ، عند الصدر والمنطقه هنا من متبنجه يضغطونها بطريقه تووووووووووووجع لدرجه كنت اصرخ من الالم كنت اقول بمووووووت احس ظلوعي قاعده تدخل بقلي من قوة الضغط وصرررخ واصيييح اقول والله احس والدكتوره تقول اسفه انا اسففففه البيبي نازل تحت مره لازم اسوي كذا عشان يطلع وتتأسف ( خواتي وزوجي كانو برا عن باب العمليات يقولون صوتي واصل عندهم ارتعبوووو ) بعد تعب مايعلم فيه الا الله بثواني معدوده كأنها ساعات شفت واستشعرت فيها الم غريب جدًا !!! طلع ولدي وسمعت صرخته 🥺💙💙💙 مااحكي لكم بعدها عن الرجفه وصياح التشرهه كل من شفته قلت انا تعبت بغيت اموت 🥺 الحمدلله يارب جربت كل انواع الولاده خلال ٢٢ ساعه لك الحمد ربي حتى ترضى ولك الحمد اذا رضيت ولك الحمد بعد الرضى .. ♥️

السلام عليكم .. بعد غيبة اسبوع جيت اكتب لكم الاكشن ولو انه متأخر !! بس التعب هد حيلي توني اشوف...

Non.a.m :

طبعًا نسيت اقول ان كل شي خيره من ربي وفيه حكمه لما كانت تقول لي فيه شي مقلقها يمنع البيبي ماينزل لما فتحت بطني لقت الحبل لاف على رقبته لفتين .. سبحان الله ربي اعلم بحالي ♥️♥️

طبعًا نسيت اقول ان كل شي خيره من ربي وفيه حكمه لما كانت تقول لي فيه شي مقلقها يمنع البيبي...

ماما أنا :

بنات من متى خاطري في أناناس وأأجله للتاسع والحين دخلنا التاسع زاد خاطري فيه هو الطازج يسبب لي تحسس وحكه في حلقي ولساني بس احبه الحين اخاف اطلب مقطع كامل قلت لزوجي ابغي يجيب ثمره وانا اقطعها عشان المرض مااتطمن منو مقطعها والحين خاطري في هالليل كأني اتوحم افكر اطلب معلب يمكن تهدا نفسي بس المعلب وايد محلى وسكري وتوني ركضت اشرب فيمتو جا خاطري فيه زين حصلت شوي والا كنت بصيح مدري شو السالفه هذا وحام والا باولد قريب

بنات من متى خاطري في أناناس وأأجله للتاسع والحين دخلنا التاسع زاد خاطري فيه هو الطازج يسبب لي...