روح القرآن##
•
يا عمري رفيف سلامتك يا قلبي وطمنينا اول بأول شو بيصير معك وربي يتمملك على خير يا رب
بسم الله نبدأ بقصه ولادتي مثل ما انتوا عارفين موعدي كان الصبح سرت مع امي للمستشفى وكانت الساعه ٩ الصبح دخلوني وقاسوا الضغط والسكر وخذوا مني تحليل دم عقبها ركبوا لي جهاز التخطيط يتاكدون من نبض البيبي واذا في طلق او لا طبعا كل شي اوكي ومافي طلق وقالوا لي بننتظر الدكتوره تفحصج وجتني الدكتوره على الساعه ١٢ كشفت بطني باللمس وعقب فحص داخلي قالت لي العنق مستعد ومفتوح ١.٥ سم وعطتني التحميله قالت وما اظن تحتاجين غيرها التحميله خذت ٣٠ دقيقه وبدا مفعولها تقلصات كل ٥ دقايق وركبوا جهاز التخطيط وكان يبين ان الطلق يوصل ١٣٠مرات عقب يت الممرضه ما اعرف شو داست وصار ما يعدي ٩٠ 😥 المهم تم الالم من الساعه ١ لين العصر وهو على ٥ دقايق والم محتمل طول هذي الفتره امي وزوجي معاي يونسوني وعقب وصل ابوي ورجع زوجي للبيت علشان العيال بالبيت مرضى وحت الدكتوره بتكشف شافتني ساكته قال عيل مابكشف شكلج مطوله 😑 والالم صار بعد المغرب كل ٣ دقايق وعقب صار كل دقيقه وزادت قوه الالم انا حاولت امشي واسوي قرفصاء وحركات تخفف الالم بس عقب صابني شد مع التقلصات بريولي اليمين وماقدر امشي يالله امشي للحمام وارجع ومع بدايه زياده قوه التقلصات حسيت بجسمي نفس الطقه ولما سرت الحمام لقيت دم وامسح افراز دم الظاهر السداده المهم لما صار الالم كل دقيقه بديت اطلع اصوات اون مثل اممممممم ااااااااه اووووووو 🤣 يعني نوع من الاصوات يقولون تساعد على السيطره على الالم بدل الصراخ واحاول اطبق طرق التنفس عقب شافتني الممرضه خلاص تعبانه نادت الدكتوره فحصتني لقتني ٥ سم مفتوح 😅 انا حسيت بصيح خلاص قلت بس ٥ عقب قلت لا اكيد نفس ولدي قبل بمجرد وصلت غرفه الولاده قالوا ١٠ المهم قالوا لي استعدي بننقلج لغرفه الولاده وانا واقفه انتظر الكرسي حسيت بمغص قوي وفجاه نزل الماي بين ريولي واشوف لونه شفاف مع دم شكله باقي السداده ومع كل تقلص الماي ينزل وامي خايف تقول ماتم شي ومن وصلنا غرفه الولاده صار الالم متواصل مافي راحه ابدا وخلاص كنت واصله حدي وقمت اعرق وحسيت بدوخه ما اشوف قدامي وانتفض بكبري كنت خلاص منتهيه ماعندي طاقه وكانت الساعه ٨:٣٠ وقتها وحسيت برغبه بالدفع واناديهم ويفحصون كانت ١٠ سم وقالوا ادفعي تصدقون وقتها نسيت كل شي نفس فقدان ذاكره مؤقت ماعرفت شو اسوي وادفع شوي شوي ماعندي طاقه يقولون لي اقوى اقول لهم ما اقدر ما اقدر مب قادره احس بدوخه ويقولون لي خذي نفس خذي نفس عقب نفس اللي تذكرت شو اسوي وقعدت اخذ نفس سريع وعقب ادفع بقوه وشوي طلعت بنتي بس لما طلعت صرخت صرخه 🙈 البنت شقت لي شقوق بكل مكان 😅 والحمد لله دفعه ثانيه وطلع جسمها وانا حسيت نفسي بعالم ثاني دايخه عقب جا دور المشيمه مب طايعه تطلع 🙈 بعد محاولا ومساج طلعت قالوا لي مشيمه صعبه 😅 وعقب خاطوني ٣ غرزات والحمد لله وهنا انتهى فلم الاكشن مالي الحمد له كانت ولاده سهله طول الفتره فقدت فيها السيطره بعد نزول الماي باخر نص ساعه من الولاده 😅 وولادتي استغرقت ٨ ساعات من بدا التحميله بدأت بالساعه ١٢ الظهر وانتهت الساعه ٩ بالليل ❤️ وجبنا احلى بنوته عسلبسم الله نبدأ بقصه ولادتي مثل ما انتوا عارفين موعدي كان الصبح سرت مع امي للمستشفى وكانت الساعه ٩...
يعمري الحمدلله ع سلامتكم
مررره تعبتي الله يكتب لك الاجر المضاعف ويرزقك بر بنتك و اخوانها
مررره تعبتي الله يكتب لك الاجر المضاعف ويرزقك بر بنتك و اخوانها
مبروك دخولكم التاسع 12/12/2018 Queen.7 >>👦🏻💙 Saramhamad2 >>👦🏻💙 بحة شماليه & >>👧🏻💖مبروك دخولكم التاسع 12/12/2018 Queen.7 >>👦🏻💙 Saramhamad2 >>👦🏻💙 بحة شماليه...
مبروك دخولكم التاسع وعقبال بشارتكم 🌹🌹🎉🎉
ام رفيف مختفيه ان شاء الله ولدت بالسلامه يارب سهل ولاده هايدي وتجي تبشرنا 🤲🏻 وعقبال نينا وكل وحده خلصت شهرها تقوم بالسلامه 💕ام رفيف مختفيه ان شاء الله ولدت بالسلامه يارب سهل ولاده هايدي وتجي تبشرنا 🤲🏻 وعقبال نينا وكل...
ياااااااا رب الله يسمع منك ويدخلو يبشرونا 🌹
الله يسهل عليكم ياارب كلكم سبحان الله الولادة ساعات وبعدها الفرج وتقولي فخاطرش ليش كنت خايفه انا فولاداتي السابقه ماكنت خايفه وهالمره احس فيني خوووف ياخي الله يكتب لي ولكن ساعة فرج قريبه يارب ياربالله يسهل عليكم ياارب كلكم سبحان الله الولادة ساعات وبعدها الفرج وتقولي فخاطرش ليش كنت...
ومن يتوكل على الله فهو حسبه
انا دائماً احاول اتفائل وما اخاف والحمد لله خلّيت كل تفكيري بإني رح اشوف ابني واضمه ويهون كل تعب عشان هاي اللحظه
اللهم آمييين 💕
انا دائماً احاول اتفائل وما اخاف والحمد لله خلّيت كل تفكيري بإني رح اشوف ابني واضمه ويهون كل تعب عشان هاي اللحظه
اللهم آمييين 💕
الصفحة الأخيرة