سحااااااااااابه :

ااه يا بنات احس لاماتكلمت بنخنق قبل فتره صارت مشاكل بين اخوي وحرمته وهي فهمته اني انا احرشها عليه ودق اخوي ذيك الايام ويعاتب يقول انا سويت لك وسويت لك وسويت لك وبالاخير اكتشف انك تحرشين زوجتي علي هاذا وانا اخوك قمت حلفت له ماصار شي من اللي قالته وهي اللي كانت تشتكي منك ويعلم الله كنت اقولها ادعي له بصلاتك وبس ماعمري سبيتك او تكلمت عليك المهم ماصدقني لين حلفت بولدي المهم ذا الكلام قبل 4 شهور وانا مثل ماتعرفون ماعندي اي وسيله من وسائل التواصل حتى شحن رصيد مااشحن الا بالأعياد او للضروره ذيك اليوم وانا جالسه عند اهلي جاتني رساله وهي من حرمة اخوي تسأل فيها عن الاخبار قمت وريتها خواتي قالو انتبهي تراسلينها اخوي مايبغانا نتواصل معها قلت اكيد مابراسلها ومسحت الرساله المهم دق اخوي امس وهو شايش ومعصب قال ليش للحين بينكم تواصل انا ماقلت الادميه ذي لحد يتواصل معها قمت قلت له والله ماتواصلت معها هي قبل شهرين ارسلت ومسحت الرساله ولارديت قال توكم متراسلين وطالع عندي انها مرسله لك رسايل كثيره وانتي راده عليها انا هينا انصدمت قلت صبر بشوف جوالي وفعليا لقيتها مرسله ثلاث رسايل وكلها فيها نقطه يعني فاضيه وطلع زوجي فاتحها وماعلمني قلت لاخوي الا لقيتها مرسله وزوجي فتحها ماكنت ادري عنها بعدين كيف تقول انا راده عليها وش رديت عليها وش قلت ?? اصلا جوالي ماذكر متى اخر مره شحنته واحلف له لاارسلت لها ولا شي وهي اصلا مرسله رسايل فاضيه فيها نقط بس قال المهم انا مابغى تواصل معها قلت لاتواصلت ولاراح اتواصل وسكرت الخط ورحت لزوجي قلت كيف تفتح الرسايل وتسكت ماتعلمني ان حرمة اخوي ارسلت اخوي سألني وحلفت له ماجاني ولارساله بعدين يوم شفته متاكد قلت بشوف الرسايل ولقيتها فعلا مرسله وطلعتني كذابه عند اخوي قال انا ماقلت لك لانها رسايل فاضيه قلت مالك دخل بجوالي ماتفتح اي رساله تجي لين تعلمني او ع الاقل يكون عندي خبر وقتها عرفت انه شك فيني لاني مسميتها بأسم ولدها يعني ام فلان وهو من النوع الشكاك يمديه فكر بأنه ولد ومرسلي نقاط عشان انتبه لشي الله المستعان بسسسسس زوجي ماصارحته بتفكيره وخليتها تعدي لان مالي خلق مشاكل وحرمة اخوي حسبي الله عليها مادري وش تبغى يوم ترسل نقاط يعني وش تحس فيه تبغى تسبب مشكله ولا وش تبغى اعوذ بالله بسسسسس احس اني مقهووووووووره من امس ياشين الظلم

ااه يا بنات احس لاماتكلمت بنخنق قبل فتره صارت مشاكل بين اخوي وحرمته وهي فهمته اني انا احرشها عليه...

ألـــمــــاس :

كلام رائع وجميل 👍🏻❤️حياك الله بينا نوراك فعلاً الفتره هذي نحتاج تفاؤل وامل يخفف عن التوتر وترقب الولاده الله يسهل علينا جميعاً

كلام رائع وجميل 👍🏻❤️حياك الله بينا نوراك فعلاً الفتره هذي نحتاج تفاؤل وامل يخفف عن التوتر وترقب...

tulip_uae :

بسم الله نبدأ بقصه ولادتي مثل ما انتوا عارفين موعدي كان الصبح سرت مع امي للمستشفى وكانت الساعه ٩ الصبح دخلوني وقاسوا الضغط والسكر وخذوا مني تحليل دم عقبها ركبوا لي جهاز التخطيط يتاكدون من نبض البيبي واذا في طلق او لا طبعا كل شي اوكي ومافي طلق وقالوا لي بننتظر الدكتوره تفحصج وجتني الدكتوره على الساعه ١٢ كشفت بطني باللمس وعقب فحص داخلي قالت لي العنق مستعد ومفتوح ١.٥ سم وعطتني التحميله قالت وما اظن تحتاجين غيرها التحميله خذت ٣٠ دقيقه وبدا مفعولها تقلصات كل ٥ دقايق وركبوا جهاز التخطيط وكان يبين ان الطلق يوصل ١٣٠مرات عقب يت الممرضه ما اعرف شو داست وصار ما يعدي ٩٠ 😥 المهم تم الالم من الساعه ١ لين العصر وهو على ٥ دقايق والم محتمل طول هذي الفتره امي وزوجي معاي يونسوني وعقب وصل ابوي ورجع زوجي للبيت علشان العيال بالبيت مرضى وحت الدكتوره بتكشف شافتني ساكته قال عيل مابكشف شكلج مطوله 😑 والالم صار بعد المغرب كل ٣ دقايق وعقب صار كل دقيقه وزادت قوه الالم انا حاولت امشي واسوي قرفصاء وحركات تخفف الالم بس عقب صابني شد مع التقلصات بريولي اليمين وماقدر امشي يالله امشي للحمام وارجع ومع بدايه زياده قوه التقلصات حسيت بجسمي نفس الطقه ولما سرت الحمام لقيت دم وامسح افراز دم الظاهر السداده المهم لما صار الالم كل دقيقه بديت اطلع اصوات اون مثل اممممممم ااااااااه اووووووو 🤣 يعني نوع من الاصوات يقولون تساعد على السيطره على الالم بدل الصراخ واحاول اطبق طرق التنفس عقب شافتني الممرضه خلاص تعبانه نادت الدكتوره فحصتني لقتني ٥ سم مفتوح 😅 انا حسيت بصيح خلاص قلت بس ٥ عقب قلت لا اكيد نفس ولدي قبل بمجرد وصلت غرفه الولاده قالوا ١٠ المهم قالوا لي استعدي بننقلج لغرفه الولاده وانا واقفه انتظر الكرسي حسيت بمغص قوي وفجاه نزل الماي بين ريولي واشوف لونه شفاف مع دم شكله باقي السداده ومع كل تقلص الماي ينزل وامي خايف تقول ماتم شي ومن وصلنا غرفه الولاده صار الالم متواصل مافي راحه ابدا وخلاص كنت واصله حدي وقمت اعرق وحسيت بدوخه ما اشوف قدامي وانتفض بكبري كنت خلاص منتهيه ماعندي طاقه وكانت الساعه ٨:٣٠ وقتها وحسيت برغبه بالدفع واناديهم ويفحصون كانت ١٠ سم وقالوا ادفعي تصدقون وقتها نسيت كل شي نفس فقدان ذاكره مؤقت ماعرفت شو اسوي وادفع شوي شوي ماعندي طاقه يقولون لي اقوى اقول لهم ما اقدر ما اقدر مب قادره احس بدوخه ويقولون لي خذي نفس خذي نفس عقب نفس اللي تذكرت شو اسوي وقعدت اخذ نفس سريع وعقب ادفع بقوه وشوي طلعت بنتي بس لما طلعت صرخت صرخه 🙈 البنت شقت لي شقوق بكل مكان 😅 والحمد لله دفعه ثانيه وطلع جسمها وانا حسيت نفسي بعالم ثاني دايخه عقب جا دور المشيمه مب طايعه تطلع 🙈 بعد محاولا ومساج طلعت قالوا لي مشيمه صعبه 😅 وعقب خاطوني ٣ غرزات والحمد لله وهنا انتهى فلم الاكشن مالي الحمد له كانت ولاده سهله طول الفتره فقدت فيها السيطره بعد نزول الماي باخر نص ساعه من الولاده 😅 وولادتي استغرقت ٨ ساعات من بدا التحميله بدأت بالساعه ١٢ الظهر وانتهت الساعه ٩ بالليل ❤️ وجبنا احلى بنوته عسل

بسم الله نبدأ بقصه ولادتي مثل ما انتوا عارفين موعدي كان الصبح سرت مع امي للمستشفى وكانت الساعه ٩...

نوراك :

هونيها وتهون زوجك معذور بصراحه لاتشيلين بخاطرك عليه ونوعية زوجة اخوك تحتاج مواجهه قدام اخوك عشان توقف عند حدها كان من اول ماتصل اخوك قلتيله بجيكم او تعالولي ونشوف حل للموضوع .. عشان تحسب حساب انك بتواجهينها في كل مره تقول كلام غلط عنك عند اخوك وبكذا بتخاف وبتتقين شرها لكن حالياً مالك عليها الا بلوووك واذا تكرر الموضوع من اخوك سوي اللي قلتلك .. والله يصلح حالكم

هونيها وتهون زوجك معذور بصراحه لاتشيلين بخاطرك عليه ونوعية زوجة اخوك تحتاج مواجهه قدام اخوك...