Twinkel :

أكشن ولادتي : اول شي تعرفون ان معي طلوق من كم يوم اشغلتكم معي .. من الاثنين بالليل وانا معي اوجاع من تحت بالمهبل تخيلوا كنت نايمة صحيت من الألم واستمر الألم كل الثلاثاء يعني مب طلق يروح ويجي لا بس وجع من تحت اول مرة يصير لي صراحة 🥺 رحت لدكتورتي اللي اراجع عنده ماتولد بمستوصف بس قلت أشيك وتفحص طلع بس 1 سم والعنق قاسي وبعيد توي 🤦🏻‍♀️ المهم الثلاثاء اللي فات تذكرون جانا غبارشديد .. لما صحيت صبح الاربعاء طبعاً مانمت زين من الاوجاع غفوات .. بس من ظهر الاربعاء بدت الطلوق المنتظمة وبدت تنزل معي السدادة الله يكرمكم .. وانا من الظهر لين العشاء وانا أنظف بالبيت وألهي نفسي قمت على البيت قومة 😂 هي اساساً نظيفة بس عقب الغبار اللي جانا عدم كل شي 🥺 المهم رحت لأهلي بعد العشاء وتعشيت عندهم ورجعت ، ومازالت الطلوق كل عشر دقايق ربع ساعة .. الصبح طلع زوجي للدوام وقلت لا صارت 11 ابروح أشيك عند الدكتورة .. لما رحت له كشفت قالت لسى 1 ونص سم 😭💔 يعني بيوم ونص بس زاد نص سم .. والعنق بعيد و توك .. مرة تحطمت رجعت للبيت وكل ماالطلوق تزيد مستمرة ماوقفت ابد .. كل 10 دق أو 15 دق .. وكل ذاك اليوم جلست أجهز شنطة أطفالي للنفاس و جهزت سناكات صحية لي توي أفطن هههههه بس كنت ألهي نفسي وطول اليوم الغسالةتشتغل طبع فيني ماأحب أولد وفيه ملابس تحتاج غسل أو البيت مو نظيف 😅💔 المهم الخميس بالليل طلعت للطواري وكشفت الدكتورة قالت 1 سم بس 😭💔 ورجعوني قالوا تعالي بعد اربع ساعات او اذا نزلت المويةرجعت للبيت على 1 ونص بالليل نمت الحمد لله الساعة 2 غفوات أصحى أون من الطلق وأرجع أنام 😂 قمت ست الفجر وطلعت للصالةوشغلت الكمادة تريحني شوي الطلوق بدت تقوى وتزيد 🥺💔 من شدة الارهاق أغفي بين الطلقة والثانية كل خمس او عشر دقايق .. وكنت أحسب التقلصات بتطبيق حاسبة التقلصات أنصحكم فيه بنات لان وقت الطلق صعبة تحسبين بالدقة .. التطبيق اذا جت طلقة أضغط الزرواجدع الجوال 😂 واذا خلصت أضغط الزر ويحسب لي مدة الطلقة وكم بينه وبين الطلقة الثانية ... المهم على الساعة 8 ونص طلعت للطواري قالوا أنتِ اللي جيتي بالليل 🤭😂 وتكشف الدكتورة المناوبة لسى 1 ونص سم الى 2 😭 قالت تعالي بعد اربع ساعات او اذانزلت الموية😩 وأطلع من المستشفى كان صباح الجمعة ونزلت أبمشي بالممشى فجأة حسيت شي ينزل مني نزلت الموية شوي ومشيت نص ساعة ورجعت للبيت لما نزلت من السيارة كبت الموية وبللت عباتي رحت حطيته بالغسالة ههههه و جاء زوجي سوى قهوة وجاب التمر اخذت فنجالين عجزت اتقهوى طلع يصلي الجمعة .. وبدى الطلق يزيد وتزيد حدته 🥺💔 ويتقارب خمس دقايق او عشر دقايق .. طلعت للطواري دخلت عليهم الساعة 3 العصر قلت يارب الأخيرة وفعلاً صارت الأخيرة 😂 دخلت وفحصت صار مفتوح ثلاثة إلى 4 سم 😢 الحمد لله نقلوني للتنويم و دخلت غرفتي الساعة 4 العصر طبعاً رفضوا يعطوني صناعي جالسين ينتظرون الطلق يتقارب وأنا مطوووولة الحمد لله على كل حال .. جت اربع ونص مازال مافتح غير 4 سم مشيت لي نص ساعة بالغرفة ورجعت ركبت لي جهاز الطلق لما جت سبع ونص خلاصت تعبت قلت اكشفي طلع 5 سم 😭 الحمد لله قرب الفرج حطت الممرضة لي بالمغذي احسبه طلق صناعي قالت ملين لعنق الرحم وفعلاً مازادالطلق نفسه هو هو مجربة الصناعي موت حااار بس صدق يخلصك بسرعة .. المهم المساعدة كشفت و قالت ابسأل دكتورتك اذا نفك المويةعشان يحمى الطلق جت الساعة 8 ونص وفكت الموية وزاد الطلق شوي وجد الجد 😭 صار الطلق مرررة مايحتمل الحمد لله .. جت 9 ونص صرخت على زوجي قلت خلاص قلهم يجون يكشفون 😭🤣 طلع 8 سم 🥺❤️ الحمد لله جت الممرضة قربت التجهيزات و فكوا السريروحسيت البيبي يدف 🥺 و نادوا الدكتورة الساعة عشر الا عشر دقايق كشفت قالت خلاص ولادة قالت الدكتورة اذا جتك طلقة اكتمي نفسكو دفي دفيت مرة وماقدرت وقفت الطلقة دفيت الثانية ماقدرت أكمل 😢 جت خدرت المنطقة وقصت المكان دفيت آخر دفة بعمق 😭😭 دفةطويلة طلعت روحي معه 😭 صرخت صرخة قوية قوية اتوقع سمعوها اللي بالشارع 🤭😅 وشرف حبيبي آسر اللي طلع روحي ماطلع 🥺😅 الساعة عشر وحطوه على بطني شويات واخذوه للدكتور ورا الستارة وطلعت المشيمة بسهولة يارب لك الحمد وجلست تخيطني واحس بالخياطة مع انه مبنجة المكان 😩 والحمد لله على فرج ربي وتيسيره .. صدق شفت الموت بس لما يحطونه بحضنك تنسين الاوجاع ويختفي تعب التسع شهور😭💛 معليش طولت عليكم بس حبيت أعيشكم التفاصيل ... صدق شدة و تزول مهما تعسرت الولادة فرج ربي قريب والطبيعي أفضل بمليون مرةمن العملية تتعبين ساعات او ايام بس ترتاحين بعدين مب تعب العملية تعب شهور وسنين 😢 صح ماجربتها وان شاء الله ماأجربها من شر بس ماتقارن بالطبيعي ابد اقصد اللي مو مضطرة للعملية والا اللي وضعها يتطلب عملية الحمد لله نعمة من ربي اللي جعل له مخرج .. الحمد لله على فرج ربي وتساهيله

أكشن ولادتي : اول شي تعرفون ان معي طلوق من كم يوم اشغلتكم معي .. من الاثنين بالليل وانا معي اوجاع...

شباصه ^ :

اكشني من دخلت التاسع وانا اشرب اناناس وامشي ٢٠ د تقريبا والدرج راقيه نازله لان غرفتي بالدور الثاني وقبلها بيومين معي افرازات سايله شكيت انها مويه بس تنزل وتوقف يوم اقولكم معي مغص دورة اسفل البطن وكنت اكذب نفسي لاني دايم اتعدى موعدي والمغص اطول مده بينه والثانيه ١٥ د وبعدها ١٠ وخمس ويرجع ١٠ وهكذا من الفجر الى الظهر وانا مكذبه نفسي الصباح سويت لي حليب مع عسل وقرفه وقرنفل وشربتها وينطلق بطني اسهال كرمتوا ، الظهر صار الالم اطول مده ٥ د واروح للمستشفى قالت ٤ سم يلا تنويم 😟 قلت مااقدر اطلع يعني <<< ناويه انحاش وحطت التخطيط لطلق والنبض الطلق منتظم بس بارد قلت ابي مسكن 😇 قالت مافيه قلت كمام ابره ظهر عضل اي شي 😫😫😭😭😭😭 وابدى اصارخ وشلون مافيه قالت المسكنات بتهدي الطلق وحنا نبي الرحم ينفتح انسدح ع اليسار بيحمى الطلق ويخف الوجع واقعد وااااااااو ابجلس اجل قالت لا كيف تولدي خوووذي نفس يابنات شمي ورده وطفي شمعه تدربوا عليها ❤️😏👌🏻👌🏻 تخخف مررره بعد الله قالت لاتصارخي وخوذي نفس وصرت اسويها اذا جتني الطلقه ووسعتني بيدها 😥😰😰😰 قالت يلا نفس طوووووويل وادف وادف 🙉😭💗💗💗💗💗 والحمدلله وبعدها جت المشيمه 😭😭😭😭 والحمدلله ع التساهيل الدعاء ثم الصدقه ثم الطريقهزالصحيحه لتنفس وانصحكم بالحليب مع العسل والقرفه والقرنفل وسلامتكم عقبالكم ياااااارب بالتيييسر يارب

اكشني من دخلت التاسع وانا اشرب اناناس وامشي ٢٠ د تقريبا والدرج راقيه نازله لان غرفتي بالدور...

شباصه ^ :

انا شايله هم هالخياطه مااعرف امشي ولااقعد ولاارضع 😭😭😭 ومعي طلوق الحين ( الحس ) يمسك بطني الى رجليني مع الظهر حتى الحمام يلا اجلس ع الكرسي مع اني اكل مضاد ومسكن بس للان مااعطوني غسول ولا كريم 💔🤭 وخايفه انسى وتنفك كاني بكر ماش ناسيه وشلون اتصرف

انا شايله هم هالخياطه مااعرف امشي ولااقعد ولاارضع 😭😭😭 ومعي طلوق الحين ( الحس ) يمسك بطني الى...