بقولكم اكشن ولادتي
يوم السبت كان يجيني تحجر كل شوي ويفك توقعته عادي كالعاده يومها ماتعشيت ماكنت مشتهيه اكل جيت بنام عجزت كل شوي يجيني الم وتحجر شكيت انها ولاده قلت علي الاقل ابي انام اخذ طاقه شوي غفيت شوي ويرن منبه لمدرسة بنتي صحيتها ولبستها وجلست انطط بالكورة عندي ورجعت انسدحت بنام وبرضو نفس الشي الم يروح ويجي قلت يابنت قومي امشي شوي واكلي تمر يمكن يزيد وكان الالم يجي كل نص ساعه وبعدها صار كل ربع ساعه لما صار كل ١٠ دقايق بعدها صار الالم متباعد ومو منتظم صحت امي وشافتني سخنت لي زيت زيتون ودهنت لي ظهري وبطني ورجعت انسدحت جاتني طلقه وشد مرره علي تحت حسيت ان بينفقع المويا وصدق سمعت الي طق وتجلس تصب المويا وكان ابوي جنبي توهقت شلون بقوم بالموت قمت ورحت اغير ملابسي واتصلت علي زوجي قلت يالله المستشفى وقتها كان الساعه وحده ويوم وصل زوجي وجيت البس عبايتي رجع ينزل ثانيه المويا عدمت ملابسي وصلت المستشفى ماقدرت امشي جاب لي زوجي العربيه دخلت واللي عند الامن تسالني فيك حراره سافرتي البحرين ولا ايران ولا الصين خايفين من الكورونا🥴مدري شايفه حالتي حالة وحده مسافره المهم دخلت الطوارى وكشفت قالت مفتوح ٦سم انبسطت حسيت باانجاز وانها هانت قلت ان شاء الله مايجي العصر الي وانا والد صعدوني غرفه الولاده وكان الطلق بارد يروح ويجي ورجعت كشفت قالت ٥🥴 العصر بدا يزيد شوي الطلق لما المغرب حسيت خلاص وكان المكان فاضي العصر بدو يجون حريم يولدون ويطلعون وانا نفس مكاني ومخليني بحالي اناديهم اقولهم بولد احس بدفع يقولون طيب ولايجون حتى يكشفون اخر شي جات وحده كشفت قالت باقي بعدها خلاص جن جنوني الم موطبيعي ودفع جات اللي ماسكه حالتي كشفت وراحت تنادي الدكتوره وبرضو كشفت وجالسين يتكلمون وجات دكتوره ثانيه برضو تكشف ويتكلمون حسيت في شي سالتهم قالو مافي شي قريب بتولدين ان شاء الله وجات وحده منهم سحبت دم مني ولبستني قبعه العمليات وجلست تسالني اذا علي خواتم ولااساور حسيت ان الوضع بيصير عمليه جات الاستشاريه تبي تكشف وانا بتقطع من الالم قلت لها تكفين لاتكشفين الحين صبري تروح الطلقه بعدها كشفت والباقي اللي كشفو علي واقفين ينتظرون وش تقول وكل وحده تقول احس بشي وحده منهم تقول احس بثنقر الي قالت لي الاستشاريه ترا البنت مو طالعه من راسها جالسه تطلع من وجهها شفتو عباطه البنت قالت لازم عمليه وتلتفت علي اللي معها تقول حسيت بفمها تلحس اصابعي فوق العباطه تلحس اصابع الدكتوره😅 قلت طيب خلاص خدروني مااقدر اتحمل الالم والبنت تدفع تخيلو جالسه ادفع احس خلاص بولد اقولهم بيطلع الراس قالو لا ماراح يطلع لان جاي غلط وننتظر الدكتور يتصل وناخذك لغرفه العمليات يالله وقتها خلاص بمووت من الطلق والدفع واخذوني غرفه العمليات سالني دكتور التخدير سعودي🤪 وتوه صغير يافشلتني يحاول يهديني وانا اصرخ وحالتي حاله قالي تقدرين تثنين ظهرك قلت بحاول وسال الدكتوره مدري وش قالت له اتوقع قالت ماينفع وطلبو مني اشيل نفسي لسرير العمليات ويالله شلت نفسي وجاب لي كمان التخدير قالي خذي نفس عجزت اشفط فيه مانمت وتجيني ذيك الطلقه واصرخ والكمام بفمي والدكتور يرفع رغبتي ويضغط شوي جاتني ريحه خايسه من الكمام😂 شفطتها ونمت ماحسيت الي وهو يصحيني الدكتور نفسه ويسالني انتي بخير تحسين باالم قلت ايه وانا مثل السكرانه ماني قادره اركز طلب مني احرك يدي ورجلي وكنت ارجف قالي بردانه قلت لابس جسمي يرجف وحطو علي بطانيه ثانيه ورجعت نمت واصحى وبروضو احس اني بعالم ثاني سالتهم كم الساعه قالت ٨وشوي قالو بس تجهز غرفتك بناخذك لاني طالبه غرفه خاصه وطولو علي ماصعدوني الغرفه ابي جوالي اغراضي قالو لارحتي غرفتك رحت طلبت منهم الاغراض قالو شوي يمكن يتاخرون طيب كم الساعه مافي ساعه بالغرفه اسالي الممرضه تقولي مدري🥴 جلست كذا ضايعه نمت شوي حسيت بثنتين دخلو علي حسبتهم دكتورات لانهم واقفين يطالعون فيني وانا بدون مخده ماني قادره ارفع راسي اذا رفعته احس بدوخه يوم سمعت صوتهم طلعت امي واختي جايين قلت شلون دخلوكم لان اكيد مووقت زياره قالت امي قلت لها مرافق وكل مفجوعين شلون عمليه مومصدقين من قال لهم زوجي قالو انشغل بالنا نتصل عليك ماتردين قلت ماعندي جوال ولاشي راحت اختي تسالهم قالو تحت تبين روحي خذيهم لان يمكن يتاخرون علي مايصعدونهم وراحت جابتهم لي جوالي مليان اتصالات وغير رسايل وتبريكات وجلست معي امي مرافق وبس والله طلع سبب العمليه مكان خروجها غلط مفروض من الراس والحمد الله علي كل حال اهم شي طلعت بالسلامه انا وهي
بقولكم اكشن ولادتي
يوم السبت كان يجيني تحجر كل شوي ويفك توقعته عادي كالعاده يومها ماتعشيت ماكنت...
ودي تضل ببطني و تتعافى ببطني يا رب 🤲🏻🤲🏻