يوشـــااا :

بسم الله وهذا الأكششن 🔥 تذكرون يوم الاحد كان موعدي لفك الربط الساعه ١١ ونص رحت وانا خايفه ومتوتره مرره مادري وش بيواجهني بولد ولا برجع بسلام المهم سويت اشاعه قبل وتطمنوا على كل شي المويه والمشيمه والوزن قالت كيلوين و٦٠٠ جرام وبعدها دخلت على الدكتوره قالت يالله بسم الله بفكه لك وتروحين تنويم ساعتين تخطيط اذا مافيه طلق تطلعين واذا فيه خلاص تنويم 😓 المهم نمت على السرير واحاول استرخي قد ما اقدر عشان ما اتألم اذا جت تفكه بس مع الاسف كنت خااااايفه وشاده نفسي مره 😭 تقول تنفسي وارتاحي بس احاول ثم ارجع اشد دخلت فم البطه وفكت المنطقه وهذي اللي عذبتني اكثر شي لاني ششششاده مره بس تحملت ولا طلعت اي صوت وبعدها حسيت بنغزه صغيييره والا توريني الخيط بيدها الحمممدلله 😭 يالله ارتحت بعدها وكأنه هم على صدري وانزاااح وقالت الحين بكشف بشوف كم فاتح وكشفت طلع مفتوح ٢ سانتي ونص وقالت لسى عنق الرحم سمييك مره يبي له وقت يلين واحتمال يكون من تأثير الربط لسى شاد عليه ونززف مني دم كثيررر بغيت ادوخ يوم شفته 😖 وطلعوني للتنويم الساعه ١٢ الظهر وحطوا التخطيط طلع فيه طلق بس متباعد ومو منتظم يعني باارد ما احس فيه جتني دكتوره سودانيه غير دكتورتي شافت التخطيط بعد الساعتين قالت خلاص هذا طلق ولاده مافيه خروج !! قلت ما احس بشي والله قالت لالا خلاص مافيه وخلتني وانا مابغى ولا فيه طلق ومن بعدها خلاص راح نهائياًً ! جت الساعه ٦ المغرب وما احس بشي جتني دكتورتي قالت ليش ماطلعتي قلت مادري مسكتني هذيك قالت انتي ولاده شافت التخطيط قالت طلقك بارد مايحتاج تجلسين يمكن بتطولين ودام بيتك قريب اذا حسيتي بشي تعالي شلت قشي وطلعت ورحت بعدها تمشيت شوي وقضيت كم شغله ورجعت للبيت وانا احس نفسي خفيفه اللهم الدم كان ينزل كأنه دم دوره وعلى الساعه ١٢ بالليل كذا حسيت بشي يشبه الدفع !!🙄 حاولت اتجاهله بس زاد وتكرر بدون الم قلت يابنت الرحم مفتوح اخاف اولد بالبيت خلني اروح اتطمن اقل شي لو مافيه شي برجع للبيت المهم رحت ودخلت الطوارئ وشرحت لهم حالتي وحطوا لي تخطيط وتجي الدكتوره الا هي نفسها السودانيه قالت انتي ميين طلعك قايله لك انتي ولاده ليش تطلعين وووو خلاص تنويم 😩 ياربي وش جابني بين يدينها هذي قلت انا بيتي قريب بس بتطمن على هالدفع وما احس بطلق ابداا قالت نحط التخطيط بعدها اجي واكشف ونشوف بعدين حطت التخطيط والصدمه ان فيه طلق ومنتظم بس ما احس فيه 😶 جت الدكتوره وشافته قالت بكشف وطلع فاتح ٣ سانتي بس العنق مازال سميك بس خلاص مافي طلعه ابد يلا فوق ع غرفة الولاده كنت مشككه وخايفه يلعبون فيني خاصه اني ما احس بشي بس سلمت امري لله ودخلت تنويم وع الساعه ١ بالليل دخلوني غرفة الولادة ويحطون التخطيط ويختفي الطلق اللي قبل شوي كله 💔 والساعه ٢ونص جت دكتوره باكستانيه اللي بالقسم قالت بكشف اشوف فيه تطور او لا كشفت وعبست بوجهها وانا روحي بتطلع من الالم قالت لسسسسسسى انتي عنق لسى سمييك ومافي مفتوح بس ٢ ونص قريب ٣ قلت سوي تحريض عطيني طلق صناعي خلاص خلصوني تلفت اعصابي قالت لا العنق سميك ممكن تصير مشكله انتظري وراحت وخلتني 😭 تحطمممت مرره قلت خلاص سكروا اللمبات بنام تعباااانه مره مانمت قبلها من التوتر حاولت اغفي شوي نمت الساعه ٣ وصحيت مع اذان الفجر طبعا النوم نومة عذاب بس احاول اريح شوي صليت الفجر ودعيت ودعيت وانا خايفه مادري وضعي غريب واخاف تتعسر او اطول اكثر من كذا بعدها قلت يابنت خل اقوم امشي يمكن يتغير شي وابدا امشي الساعه ٦ الصبح اللللى الساعه ٨ ماوقفت ابد واحاول امشي بخطوات متباعده وارفع رجولي كأني اطلع درج واسوي قرفصاء تعبت مرره وشد علي ساقي من كثر المشي بس قلت بتحمل لعل وعسى يفيد بعدها حطوا التخطيط ورجع الطلق انتظم وصرت احس بالطلق بس محتمل مع انه بالتخطيط يوصل لل١٠٠ وجا الظهر والطلق منتظم وجت الدكتوره تكشف وانا على اعصابي ادعي ان فيه تطور وقاست قالت ٤ سانتي بس لسى العنق سميك😢 بعدها قمت وصليت واستخرت ربي للمره الاخيره بابرة الظهر وبعدها ناديتهم وقلت تراني ابغاها قالوا خلاص بس مانقدر نعطيك اياها الا اذا صار مفتوح من خمسه الى سته سانتي والطلق منتظم ومستمر والعنق صار متهيئ قلت طيب ودفعت قيمتها قالوا خلاص اذا جا الوقت المناسب يجيك دكتور التخدير ويعطيك اياها .. اتصلت على اختي قلت سوي لي ترمس قرفه وارسلوا لي رطب وجابهم لي زوجي واجلس اشرب واكل من الرطب واكمل مشي واذا جتني الطلقه احاول اتقرفص مع انه مؤلم ويعذب بس تحملت ابي اخلللص حسيت اني وصلت حدي من التعب والطلق مستمر قلت نادوا الدكتوره خلوها تكشف الا وتجي دكتورتي نفسها يوم شفتها جلست اصييييح قالت هانت يلا بساعدك وتجي تكشف قالت خمسه بس العنق مازال قاسي من تأثير الربط تحملي شوي بسوي له تحريض عشان يلين وجلست تحرضه وانا متحمله مع ان عيوني تسووود من الوجع قالت ان شاء الله ماتطولين وبكون عندك ماراح اروح مع انه وقت البريك حقها 😢♥️ قالت يلا الحين وقت ابرة الظهر بيجون ويعطونك التعليمات كاملها اسمعيها زين بعدها تاخذينها وجاني دكتور التخدير مع مرافقاته يشرح لي الاعراض وانا دموعي اربع اربع اقول موافقه بس هاتها بموت من الألم 😭 جت المرافقه جلستني على طرف السرير وحطت المخده بحضني وخلتني انحني عليها وثبتتني بوضعيه مخيسه منكتمه وغافصه بطني والطلق يعصرني بس لازم اتحمل هي توخذ كذا وعطاني ابرة مسكن اول شي ثم بعدها جاب شي كأنه مسمار يحفرني حفررر يخوف مو مؤلم قد ما انه مرعب ومزعج جلس تقريباً عشر دقايق وهو يثبت فيها وبعدها نوموني على ظهري قالوا عشر دقايق وتحسين بمفعولها جلست شوي بعدها بديت احس بجسمي يتنمل ورجولي تخدرت بس مو مره احس فيها واقدر احركها وارفعها والالم اختفى نهاااائي الحمدلله بعدها بديت انعس قلت ابي انام صرت اغفى شوي واصحى شوي اسألهم فيه طلق يقولون ايه ايه موجود مدام نامي انتي ارتاحي بس ماقدرت بالي صاحي مع اني شبه متخدره مرت ساعتين ع اذان المغرب صرت احس بألم خفيف وحسيت رجولي خفّت واحس فيه يزوووود حاولت اتحمل ماقدرت واقول للممرضه صرت احس بالالم واتصلت على دكتور التخدير وجا زاد لي الجرعه شوي بس قال ماراح تتخدرين نهائي والالم بيخف بنسبة ٨٠ بالميه لازم ماتفقدين الوعي قلت طيب بتحمل بعدها راح الالم وجت الدكتوره تكشف قالت ٧ سانتي والعنق اللي متعبنا خلاص صار لين ومتهيئ للولاده ساعه ساعتين بالكثير ونخلص الحمدلله انا طول الوقت دموعي بس تنزل وادعي وادعي راحت دكتورتي لعيادتها وبعدها صرت احس بالالم غصب عني واحاول اخففه بالتنفس الصحيح احس له دور كبيررر الحمدلله احاول ما اصارخ قد ما اقدر مع انه صعب بس اتنفس بقووه بعدها خلاص صرت احس بالدفع واصارخ تعالي سيستر نادي الدكتوره بسرعه جت الدكتوره المناوبه وكشفت قالت ماششاء الله فل فل عششره سانتي يلا بفتح الكيس حق المويه لانه ما انفتح للحين فكته وانا اقاوم الدفع قالوا يلا بتجي دكتورتك الحين وجهزوني وفكوا السرير بثواني وانا احاول اتنفس وانا بالعه الالم ودموعي تصب وجت دكتورتي وقالت يلا ادفعي وادفع قالت الراس صغير تبغين احاول بدون قص قلت ايه عطيني مجال ودفعت مره ثانيه قالت بس بس وقفي البيبي بيشق نفسه مابي يفتح كثير بوسع لك شووي بس وانا منهاره اقول سوووووي اللي تبين خلاص متتتت وقصت شوي بس قالت دفي ودفعت المره الثالثه والحممممدلله طلعت بنووتتي بالسلامة 😩😩💖 طلعت وهو يقوول الله اكبر مع اذان العشاء بالضضبط الحمدلله والشكر حطتها بحضني على طول وانا اشوفها واصيح كأني بحلممم موب مصدقه شافوا وزنها طلع كيلوين و٤٠٠ جرام واخذوها جنبي يروشونها وانا خيطتني تقول خياطه صغييره وانا اصيح واردد الحمدلله الحمدلله الحمدلله 😭😭😭♥️ وهذا اكشني بالتفصيل الممل اعذروني ع الاطاله بس ابيكم تعيشون معي كل التفاصيل 😢 والحمدلله كان لكم نصيب كبير من الدعاء ماغبتوا عن بالي وافكر فيكم طول الوقت حتى بشدة كربتي 😢 احبكمممم ♥️

بسم الله وهذا الأكششن 🔥 تذكرون يوم الاحد كان موعدي لفك الربط الساعه ١١ ونص رحت وانا خايفه ومتوتره...

يوشـــااا :

اي والله حووووووسه الوضع الله وكيلكم 😭 قاعده اكتب قصتي وهم كل شوي يقاطعون الكاتب الله يهديهم 😂

اي والله حووووووسه الوضع الله وكيلكم 😭 قاعده اكتب قصتي وهم كل شوي يقاطعون الكاتب الله يهديهم 😂

*تيما* :

يعني تخيلو من حملت اهلي وعماتي مادخلو بيتي كنا ماشين بدوريه وشالوني منها قالو انتي معنا بس ماعليك يوم ليه الغريب مايحس ويقدر ويستحي😑

يعني تخيلو من حملت اهلي وعماتي مادخلو بيتي كنا ماشين بدوريه وشالوني منها قالو انتي معنا بس ماعليك...