Honey1995 :

مرحبا بنات توني راجعه من موعدي عملوا لي تخطيط وقالوا فيه طلق خفيف وعادوه لي مرتين وكله يقولون فيه طلق انا معي الم بس خفيييف ومحتمل عادي تتوقعون ولاده والا يفك بعد شوي ؟؟ سالتكم بشوف يمكن وحده صار لها مثلي🤒

مرحبا بنات توني راجعه من موعدي عملوا لي تخطيط وقالوا فيه طلق خفيف وعادوه لي مرتين وكله يقولون...

أم وسن 222 :

اكشني 😃 حكيت لكم قبل كان يوم الاحد احس بمغص اسفل بطني كانه الم دوره بس محتمل وبسيط يشد ويروح طنشت بالبدايه ولا توقعت ابدا لاني بولادتي قبل يجيني طلق بالظهر وكذا المهم على فجر يوم الاثنين الاوجاع صارت متقاربه والالم اقوى شوي مسكت البرنامج واحسب بين التقلصات ومافي اي بوادر ولادة ولا قدرت انام ابدا توترت وخفت حتىببكري ماجاءني خوف كذا لي 6 سنوات عن الولاده وادعي لا يارب مو ولاده 😰وهو الم صار كل 10 دقايق كانت الساعه 7 ونص واستغفر ربي واستعن بالله واقوم اخذ دش دافي واجهز اغراضي واصحى زوجي وقتها البرنامج يطلع كل دقيقتين ويكتب لي استعدي 🐣 وقدنيطالعه خلاص واوصل على تسعه او تسعه ونص الطوارى ماكان زحمه وانا انتظر دخلت الحمام الا دم وقطع ولما جاء دوري وقلت لهم تعبانه مره والم قوي ونزل دموعلى طول سوى لي كشفيه وقالت فاتح 6 سانتي يالله كشك الولاده واخذوني وجهزوني وحطوا مغذيه ووغير يسلونك عن بعض المعلومات وكشفت وقالت 8 وقالت مانزلت موايات قلت لا طبعا الالم الطلق مايوصفتتعصري ماتدرين كل عظامك تتفكك بس اخذ نفس واقول لهم في الم في الم 😭😭 الله يكتب لنا الاجر وقامت هي بواجب المويات ونزلتها وبدا الالم يتضاعف مع دف خروج اكثر وبس يقولوا لي خذي نفس ودفي اقوى اقوى وحاولوا معي ويالله ويالله كل مره تقول خذي نفس عميقودفي اقوى والحمدالله خرج بسلامه وصاروا يضحكوا ومبروك ماما شوفي وانا بس اللف لف راسي من الالم والارهاق ويقولوا شوفي وحطتوا علىبطني امسكي ماقدرت ابدا💔 وفاجاءة كذا قمت ارجف وانفض من البرد قلبي بيطلع من مكانه قالوا تحسين بالم قلت لا بس بردانه وحطت بطانيهعليه وباقي وكل شوي وحده تجي تلمني وتضغط علي وتقول خلاص ماما شوفي بيبي كويس بس مدرى ويش جاءني واخذ نفس ابي ارتاحماقدر السرير يرقص معي وكانوا خايفين تبين ترجعين قلت لا مافي شي وخلوني تقريبا ساعه تخيلوا الين هديت شوي وجاءت الدكتوره قالت خياطهواخذت 45 دقيقه عاد الم الخياطه شي ثاني بنج موضعي كانه مو بنج 😭والحمدالله على الخلاصه هذه روح تطلع من روح لكن الله يكتب لنا الاجر ويبارك فيهم💔 خلوني ارتاح شوي وجابوا لي غدا كانت الساعه وحده ونص ولبستني واخذتني لغرفه التنويم والحمدالله بعدها على طول نمت كملت اربع وعشرين ساعه من قومتي اليوم الي قبل الظهر ونمت الين 8 بالليل بس كاني نايمه يومين سبحان الله ياراحه وعقبال يارب للتاسوعات بالتساهيل والخلاصه

اكشني 😃 حكيت لكم قبل كان يوم الاحد احس بمغص اسفل بطني كانه الم دوره بس محتمل وبسيط يشد ويروح...

أم وسن 222 :

سحايب هذا التعليق لك طبعاً المستشفى كويس واهتمام والممرضات متعاونات مره وحنونات الحمدالله ويساعدونك واذا طلبتي شي ابدا ماتردك رحومات مره والاكل تمام ويجيك حار فطور وغداء وعشاء بعد الولادة عملوا لي تحاليل واعطوني مواعيد والحمدالله اموري تمام والبيبي عملوا له الفحوصات واعطونا بعد مواعيد وان شاء الله اكون افدتك لو بشي بسيط ولو عندك سوال خذي راحتك

سحايب هذا التعليق لك طبعاً المستشفى كويس واهتمام والممرضات متعاونات مره وحنونات الحمدالله...

ماسه ولماسه :

ولله الحمد والشكر ولدت اليوم اذا ارتحت وطلعت التنويم بعلمكم بالاكشن

ولله الحمد والشكر ولدت اليوم اذا ارتحت وطلعت التنويم بعلمكم بالاكشن

S.n.s :

صباح الخير ❤️ اكشني ياحلوات 😎 يوم الاحد دخلت المستشفى عشان اخذ طلق البالون دخلت الساعه ٢ الظهر وركبو لي البالون الساعه ٢ ف الليل المهم يوم جات الدكتوره تركبه طلع الرحم عندي خلفي وصعب يثبت بعد محاولات ثبت الحمدالله اول ٣ ساعات ماحسيت باي انقباضات ولا طلق بعدها ابتدى الطلق شوي يحمى ويروح ويرجع كل ٢٠ دقيقه ومرات ١٠ دقايق البالون عادي تقدرين تمشين وتتحركين طبيعي قبل لادخل الولاده خذيت شور دافي وكنت امشي قبلها وشربت حليب بالزعفران بس ماكثرت المفروض يشلون البالون الساعه ٢ الظهر بس كان في زحمة بالولاده انتظرت لين الساعه ٨ ف الليل ودخلت 🤢 " البالون يكون ١٢ ولا ٢٤ ساعه على حسب حالتج " فكو القسطره البالون وكان الرحم فاتح ٣ ونص هنيه بدا الجد قالت لازم افتح الماي وانا رفضت قلتلها انتظري لين يوصل ٥ وبعده افتحي المايعصبت علي وقالت عندج ساعتين وبعدها بفتح الماي المهم ف هالساعتين تميت امشي وقرفصاء رجعت وفحصت ٣ ونص اصرت انها تفك الماي ووافقت حاولت تفك الماي ماقدرت لانه الراس بعيد وعنق الرحم بعيد وسميك وتعبت من ف***ا قلتلها خلاص بس يدهاثقيله جت دكتوره ثانيه تحاولو ولاقدرت تفك الماي 💔 اخر شي جابت بلاستك وفكته الحمدالله الساعه ١ و٤٠ دقيقه ف الليل انتظرت الطلق يحمى صار يجني مغص قوي بس مهوب مستمر و بعد ساعتين حطو لي طلق صناعي بالوريد جلست نص ساعه زاد المغص والطلق قوي يوصل ١٢٠ بالجهاز وينزل مهوب ثابت وكان كل ٧ دقايق تميت ٣ ساعات على هالحال الساعه ٥ونص جت دكتوره قالت ان شاااء الله ولاده كشفت علي طلع فاتح ٣😟 كل هالطلق ٣ ماصدقت توقعت وصلت ٧ ولا ٦ سوت لي تحريض كانت كل ماتكشف تسوي تحريض هنيه تعبت نفسيا شفت القابله عندي قلتلها جيبي لي التلفون جابته 😁 قلتلها ابا الباسورد الاخت متفقيه شافتني بنظره 🤨 وعطتني فتحت على شاهد نت وتميت اتابع شغف 😅 مليت وماجاني نوم وتبون الصدق كنت خايفه من اصوات الحريم وكنت ابا اغير من نفسيتيشفت حلقه وبعده بندته كنت ابا امشي بس منعوني عشان الماي نزل اللي كان مسموح لي تمارين على البالونه جا وقت تغير الشفت والساعه ٩ جت دكتوره ثانيه كشفت طلع ٣ مثل ماهو والطلق ف الجهاز قوي ونفس الشي الراس بعيد عطتني اخرمحاول لين الساعه ١ الظهر اذا الراس بعيد والرحم مافتح تحولني عمليه تميت ادعي وادعي واقرا الايات واكيد مانسيتكم دعيت لكم وكانت نفسيتي تعبانه وخايفه ف الولاده اسمع صريخ وصياح وادعي لكل وحده اسمعها تصارخ قلبي يعورني عليهم جلست انتفض هههههتلحفت ماشي فايده بندت المكيف وف هالوقت الطلق برد رجعت الساعه ١ وكشفت نفس الشي ماعطتني فرصه اتناقش الدكتوره كانت نفسيه 😖 جابت الاوراق وقالت وقعيوخلاص وقعت وسيده طيروني هههه لغرفه العمليات حسيتهم ماصدقو اوقع جلسو يحاولون معاي بالنصفي مانفع جوني دكتورين لتخدير وجسمي ماتقبل الابر مادري شو فيني ههه الموت ٣٠ دقيقه وهم يحاولون يركبون الابر وتطلع ويدخلون المخدر وماشي فايده اخر شي صرخت عليهم قلت ماتحمل قالو انتظري بنجيبابره شوي اكبر حاولي ١٠ دقايق وبعده قلتلهم دوخت وبطيح وماتحمل اثبت اكثر عن كذا مع الطلق انققز هههه وهو يقول اثبتي وبعدها قال نحن اسفين مضطرين للبنج الكامل وافقت غصبن عني 😭 الحمدالله بعدها جت الحلوه فديت قلبها ف الولاده خسرت دم وايد ماعرف ليش كان دمي ١٢ وصل ٧ ويمكن اقل بشوي وهذا اكشني ادري الكلام ملخبط 🙂 بس حاولت اختصر لكم

صباح الخير ❤️ اكشني ياحلوات 😎 يوم الاحد دخلت المستشفى عشان اخذ طلق البالون دخلت الساعه ٢ الظهر...