مساء الخير ..
اعتذر عن قلة دخولي بس والله ماانساكم من دعائي واول ماالقى فرصه ادخل اتطمن عليكم ..
مايعتبر صارلي اكشن لان كنت عارفه وقت العمليه ورحت وانا مهيئه نفسيا والحمد لله ماصارت احداث ..
طبعا صباح الثلاثاء رحت المستشفى معايا امي وزوجي دخلت الغرفه اللي بتنوم فيها بدئو يعطوني محاليل عن طريق الوريد كنت متوتره وخايفه بس كنت قدام امي قويه واحسسها انه عادي مافي شى يخوف الين جاني دكتور التخدير سئلني اذا حابه بنج كامل ولا نصفي وجلس يشرحلي عن كل نوع وايش الاعراض اللي تصير اذا فك البنج قلتله ابغى اشوف عيالي ماابغى اكون نايمه قالي النصفي تكوني صاحيه بس اذا خفتي يأثر على ضغطك وعلى طول نعطيك كمامه تخليك مو نايمه بس كأنك تحلمي قلتله لا ماابغاها قال خلاص قوي قلبك ولا تخافي الساعه ١١ جابو السرير اللي بروح فيه للعمليه واول ماشفت السرير حسيت بشئ غريب كل الخوف اللي فيني راح وكان كل تركيزي اني ابغى اكون صاحيه واشوفهم امي مسكينه صارت تبكي وتدعي شلت همها ..
اول مادخلت وبنجني الدكتور فجئه صارت الغرفه ملياااااانه يمكن ١٥ شخص بالعمليه ودكتور التخدير عند راسي كنت اقرأ قران وكان صوتي مسموع انسدحت وحسيت ان جالسه انكتم لدرجه مو قادره اطلع صوت حطلي الكمامه على طول الدكتور وقالي هذا خوف اهدي عشان تشوفي عيالك شلت الكمامه وسمعت صوت بنتي وهما يقولو بنت بنت صرت ابكي واقولهم وروني هيا ابغى اشوفها وهما يقولو شويه شويه اسمعها تبكي بس مو شايفه شئ شويه وطلع الولد وحسيت قلبي طلع معاهم الولد كان سريره عند راسي شفته وهما يشفطو من فمه وخفت صرت اقول لدكتور التخدير ولدي فيه شئ يقولي لا عيالك كويسين ماصدقت جابوهم ليا وشفتهم وسلمت عليهم ياربي يالاحساس الله لايحرم احد اجمل لحظه ممكن تعيشها الام صرت اقول للدكتور بشر امي ان عيالي بخير هي برى وشايله همي مسكين ذا الدكتور جننته طلعو عيالي بعدها خلاص هديت وصرت ادعي ومانسيتكم والله ❤️ شالوني غرفة الافاقه وكنت ميته برد السرير يتحرك من كثر ماارجف نص ساعه وطلعوني وشفت زوجي جلست ابكي ماادري ليه مع انه ماني حاسه شئ يعورني 😂😂😂 يقولي عيالك طيبين واقوله احلف لاتكذب عليا انا شفتهم يحطو الشفاط بفم ولدي <<< ماكنت اعرف انه شئ عادي 🙈طلعوني ولقيت امي حبيبتي واقفه تستناني طلعنا الغرفه وانا طيبه بس احس ببرد ليييييين فك البنج هنا يبدأ الاكشن ..
الم يارب تكتبلنا الاجر ويعطوني مسكنات بس ماقدرت انام وعطشانه ورافضين اشرب او اكل وانا بموت عطش وبس اصيح وزوجي مسكين مو عارف كيف يخفف عني يهمز رجولي وشويه يحاول يشغلني يوريني الفيديو اللي صوره لهم والحمد لله ساعات وعدت لين صار الليل وقالو لازم نشيل القسطره وتقومي للحمام اكرمكم الله على بالي بقدر قلت طيب شالو القسطره وهذي لحالها المها حكااااااااايه 😭😭😭😭 حاولو يقوموني اختي والممرضه وكنت زي المشلوله رجولي ماقدرت اوقف عليها جلست ابكي اعطوني منوم صحيت ثاني يوم حاولو يقوموني كنت اوقف بصعوبه بس مااتحرك وشويه شويه كل مره احسن من اللي قبلها الحمد لله ٣ يوم طلبت عيالي عندي وكنت احاول اقوم فيهم اختي تساعدني بس لما جبتهم صرت اضطر اقوم كثير واتحسنت بسرعه الحمد لله جلسنا ٤ ايام بالمستشفى وخرجنا بالليل اول يوم كان صعب صعب صعب خاصه ان ولدي كان ميت غيره منهم وماقدرت انام لثاني يوم لاني خايفه عليهم لين جو خواتي بالليل مسكو عيالي كلهم وانا دخلت نمت ٣ ساعات والحمد لله ودعت النوم ولكن بديت اتعود عليهم ..
قلتلكم اللي صار معايا بالتفصيل عشان اللي رايحه تسوي قيصري تعرف انه بتتعب يوم يومين وبعدين كل شئ بيتحسن واذا شفتي ضناك بتنسين كل التعب الله يكتبلنا الاجر
مساء الخير ..
اعتذر عن قلة دخولي بس والله ماانساكم من دعائي واول ماالقى فرصه ادخل اتطمن عليكم .....
ماابي تاريخ مميز قد ماابي يكون زوجي موجود وهو الي يوصلني 😣🙈
الله يسهل على الجميع يارب 🙏🏻