ألـــمــــاس :

اكشني ياحلوات بسم الله نبدأ جهزت عيالي وراحوا المدرسه وانا جلست ارتب شوي في البيت ومشيت في الحوش ربع ساعه ماقدرت زياده احس بضغط تحت ومن الليله اللي قبلها ادخل الحمام كل خمس دقايق وعالفاضي مايطلع الا قطرات وحسيت اني خلاص بولد من هذي الاعراض المهم بعد مامشيت فطرت وقلت بنام شوي رحت انام عالساعه ٩الصباح وصحيت الساعه١٠ونص على الم طلقه قويه مو زي اللي دايم من اسبوعين طلق محتمل وعرفت اني خلاص بولد من ألمهاوقمت على طول وتسبحت بمويه حاره وجهزت نفسي وجتني مرتين بعدها بينها ساعه وبعد الظهر على ٢ صارت كل نص ساعه جا زوجي من الدوام ٣وهي كل نص ساعه وقلت له ترى خلاص شكلي بولد يجيني طلق منتظم مؤلم وطويل ويستمر دقيقه المهم زوجي انفجع 😨وقال تبغين اسوي لك شي قلت لا بس ارتاح هو بالعاده ينام العصر شوي قلت واصحيك اذا صار متقارب وعلى ٣ونص صار كل ربع ساعه وقلت خلاص مشينا صار كل ربع ساعه وماحسيت العيال بشي عشان مايخافون مع اني اتألم اذا جتني الطلقه لأني قريت مره حاولي مايشوفونك عيالك وقت الطلق والمك لأنهم يعتبرونك مصدر قوه لهم وبيخافون اذا شافوك بهذا الوضع المهم رحنا المستشفى وكشفت الدكتوره الا تقول ٢سم تحطمت احسبها بتقول ٤سم اقل شي من قوه الالم بس قلت يمكن لانه باقي كل ربع ساعه وسوت تحريض وقالت بنسوي لك تخطيط وبعدها اطلعي البيت امشي ساعتين وارجعي اذا تقارب الطلق وبعدها ركبوا لي التخطيط وبدأ الطلق يتقارب كل عشر دقايق بعدين على ٥كل خمس دقايق وبعدها على ٦وراء بعض يالله مايمديني اخذ نفس واحاول اجلس وترجعني ممرضه سعوديه من شده الالم قلت ابغى ابره ظهر قالت اذا صار ٤قلت اظن صار قالت ماانصحك المهم المهم واقوم واقول خلاص مابجلس بوقف ع طرف السرير ماعاد قدرت وزعلت الممرضه تقول ماينفع كذا ورجعتني قلت خلاص كفايه تخطيط لي ساعه واكثر قالت لازم سونار قلت ليش قالت نشوف وضع الجنين قلت وين السونار طيب تخيلي ونقلتني لغرفه بعيد عن التخطيط وانا ميته من الالم مااقدر امشي ودخلوني بالغصب على طبيبه السونار مع ان عندها زحمه مواعيد قالت حاله طارئه ودخلت تخيلوا تسوي لي سونار وانا بموت من الالم وقلت خلاص ماعاد اقدر وطلبتها الدكتوره تكفين خلصي ورجعوني غرفه التخطيط وخلوني ربع ساعه لوحدي وقتها خلاص احس شي بيطلع وماقدرت انام عالسرير ضليت واقفه على طرف السرير سبحان الله وانا واقفه تجيني طلقه قويه تطول وطلقتين وسط رحمه من ربي المهم وانادي زوجي بالجوال محد حولي جا قلت ناد لي الدكتوره بموت من الالم وناداها وجت بسرعه هي تفكر اني بطول يوم جيت العصر قالت خير قلت تعبانه تكفين يادكتوره خلاص ماعاد اقدر وكشفت قالت ماشاء الله ٨ يالله ولاده تبغين ابره ظهر وتضحك خلاص راحت عليك انا سويت لك تحريض عشان كذا ماشاء الله اشتغل الطلق معاك وكمان خلوني امشي واطلع الدور الثاني بأصنصير تخيلوا العذاب حسبي الله عليهم واوصل غرفه الولاده وانام عالسرير ويغيرون ملابسي توهم يفكرون يغيرون لي مع انه خاص بس هم فكروا اني مطوله وبروح وارجع عشان كذا مااهتموا ولا طلعوني قسم الولاده خلوني في الطوارئ على اساس اطلع بعد التخطيط وارجع لهم وانا بعد التحريض اشتغل الطلق الحامي المهم جلست نص ساعه وصرت احس بعدها بدفع قوي قالت الدكتوره تبغين خياطه قلت لاتوسعين الا للضروره وقلت للدكتوره خلاص احس بدفع كشفت قالت خلاص عشره سم وفكت المويه بعدها حسيت البنت بدأت تدف بقوه وادف مرتين ثلاث ووسعت لي حزنت لما وسعت والدفعه الرابعه طلعت حبيبتي وحطوها على صدري شوي نتفه وزنها ٢٦٠٠ ياقلبي الحمدلله يارب وسحبت المشيمه بعدها كانت لازقه في الرحم فوق مره تألمت قالت لانها لازقه فوق وبعدها خيطتني الله يسامحها الم الخياطه احس ماتبنجت صح الحمدلله هذا اكشني وعقبال البقيه الحلوين صح يابنات ان الطلق مؤلم ومتعب لكن تذكري انه ساعتين ثلاث بالكثير الالم الشديد وربي يفرجها عليك ولايكلف الله نفساً الا وسعها وبتنسين كل الالم لما تشوفين البيبي

اكشني ياحلوات بسم الله نبدأ جهزت عيالي وراحوا المدرسه وانا جلست ارتب شوي في البيت ومشيت في الحوش...

وسن 1o :

بسم الله ماشاءالله الف الف مبروك للي ولدو الحمدالله على سلامتكم والله يرزقكم برهم وينبتهم النبات الحسن والعقبى للباقين وانا منهم😢 لي كم يوم قفلت جوالي على نمط الطيران 😤بسبب الرسائل الي تجي جابت لي النفسية يومياً رسالتين ثلاث بشري ولدتي وكم باقي لك وكم لك الان 🤦🏻‍♀️وكله كوم الي تقولي طولتي اهم شي انتبهي الطفل لايتبرز ببطنك 😳😫انا ناقصه وسواس المشكلة لسى قبل كم يوم راده عليك وعليها واذا طنشت الواتس القى sms او اتصال ماشفناك دخلتي قلنا انك ولدتي 😫اطعن نفسي انا وارتاح الله يصبرنا ونقوم بالسلامة يارب

بسم الله ماشاءالله الف الف مبروك للي ولدو الحمدالله على سلامتكم والله يرزقكم برهم وينبتهم النبات...

بنت أبوها ❤️ :

وحبيباتي الله يطمنا بإذن الله ع بنيتي ووليد رفيف انا اللحين كتبوا لي خروج وعقبال بنتي وهي بصحه وعافيه يارب بزورها بعد ساعتين وبشفط لها حليب وأطمئنكم عليها بحول الله وقوته ودعواتكم ربي ما يحرمني 💋

وحبيباتي الله يطمنا بإذن الله ع بنيتي ووليد رفيف انا اللحين كتبوا لي خروج وعقبال بنتي وهي بصحه...

بيلســان :

ياعمري يالماس اجر ان شاء الله الله يخليها لك وتشوفينها عروس بسالك كم قالوا لك وزنها بالسونار قبل تجيبينها<<معقدني الوزن 😅 والمستشفى وش اسمه

ياعمري يالماس اجر ان شاء الله الله يخليها لك وتشوفينها عروس بسالك كم قالوا لك وزنها بالسونار...

Sweet dream 55f :

مرحبا ان شاء الله الجميع بخير فقدت التجمع بعد الولاده مافيه وقت الله يعين خصوصا للي عنده اطفال غير النونو صعب الوضع شوي😢 الف مبرروك للي جابو والله يحفظ عيالهم وعقبال الباقي 😘🌹

مرحبا ان شاء الله الجميع بخير فقدت التجمع بعد الولاده مافيه وقت الله يعين خصوصا للي عنده اطفال...