🌥🌥مع ساعات الفجر🌥🌥
‏ربي لا تجعل للحزن مگاناً في قلوبنا
‏وإن ضاقت بنا الأحوال يومًا فأوسعها برحمتگ🤲🏻💜

تسلمين بنت ابوها الله يرزقك ويسعدك بقولها اليوم تعطيني ملين
انا باقي بالمستشفى يمكن اطلع بكره اليوم بيطهرون البيبي
وبكره خروج ان شالله

الله يسلمك ياروحي من كل شر وبإذن الله تتعافين وانتبهي لنفسك الله يحفظك يارب ويحفظ وليدك 🌺

هلا هلا
صباح الخير
معكم ع الهواء
صامده ادودل كرشتي ماحولي ولاده 😰😰
ماغير ثقل وتعب ووهن دعواتكم ربي ييسرها

السلام عليكم
صباح الخير على الجميع
ياعمري انتن الله يبارك فيكن ويسلمكن جميعا
مافي وقت ادخل التجمع البيبي بس يبكي والزوار طالع داخل مافي مجال ابد
المهم بكتب لكن اكشني تنومت ٤ ايام وباكتب لكن التفاصيل
اخر مره قلت لكن معاي الم متواصل وسوايل وافرازات
ورحت يوم الاربعاء صباحا لدكتورتي قلت بتطمن
ولما رحت لها سوت سونار قالت الماء زايد وكشفت تحت قالت مفتوح واحد سم والافرازات بدايه ولاده
واحتمال قيصري وحولتني لمستشفى الولاده
ولما رحت لهم سوو تخطيط قالو معاك طلق ونوموني ومن هنا بدت المعاناه بين التخطيط وسحب الدم
والكشف والتحريض كل يوم كشف وتحريض احس عفت حياتي بكبرها الحمدلله على كل حال
قعدت ٤ ايام على هالحاله عذاب نفسي وجسدي
لانوى ولااكل ولا راحه تقريبا انهرت نفسيا وكنت ابكي
وافكر بعيالي بالبيت لوحدهم ومادري وش الوضع عندهم
وبعاد عني بما انهم بالقريه وانا بالمدينه
المهم كل يوم يجيني الاستشاري يجي بيخرجني ولما يشوف التخطيط يتراجع يقول معاك طلق وباي لحظه تجيك الولاده
وعلى هالخاله ٤ ايام
لما جا يوم السبت معاي طلق مستمر من الظهر ومت من الالم وكل شوي يكشفون يقولون الرحم موقف على ٢ الين الساعه ١٠ الا الماء نزل بكثره امتلت الغرفه كلها
وجاء الدكتور وكشف قال ٣ ونص يالله كشك الولاده
على اني مت خوف بس فرحت كثير قرب الفرج واطلع لعيالي تازمت ٤ ايام وانا فيه
لما وصلت الكشك الا الام يزيد مره وكشفت قالت ٥
وقعدت تقريبا ساعتين وكشفت قالت ٩ قلت بدفع احس اني بدفع قالت يالله ادفعي
وهنا بدت المعاناه عنق الرحم قاسي عندي وادفع والبيبي مو راضي يتحرك وتصارخ القابله ويجون الدكاتره كلهم والممرضات ويصارخون ادفعي ادفعي وانا ادفع بس البيبي مو راضي يتحرك تدخل يديها تقول المس الراس يالله ادفعي وادفع واشوف الدكتور يصارخ متأزم وخايف وتعسرت ولادتي وتجيني الطلقه وادفع ويقول امسكي رجولك وشديهن لورى واشد وادفع الا وطلع الراس وهي تروح الطلقه
وهم كلهم هنا يصارخون اختنق البيبي اختنق ادفعي وانا انهرت تعبانه واسمعهم يقولون اختنق ومافيني حيل ادفع وقعدوا يسحبونه بيدهم والدكتور خايف ويصارخ وهي تجيني الطلقه وانا ادفع وهو يطلع باقي الجسم ولله الحمد وهي ترفعه وتوريني اياه
انا هنا خلاص ماعاد فيني حيل دايخه حتى مااقدر اتكلم خذوا ولدي وانا جتني الرجفه قلت غطوني وغطوني وارتحت شوي الا يجيبونه يقولون رضعيه
وقعدت بالكشك من ١٠ بالليل الى ١ ونص وولدت ولله الحمد ولما جت ٨ الصبح وحولوني تنويم
وقعدت لليل وطلعت على مسوليتي بما اني طولت عندهم ٤ ايام كنت تعبانه ابي بييتي برتاح
بس حتى ببيتي جوني زوار والله مااقدرت حتى انسدح
عذاب نفسي وجسدي الحمدلله على كل حال
والحمدلله دام البيبي صحته زينه راح انسى العذاب الي جاني
انا معاي هبوط ظغط من كم يوم لكن امورنا مستقره على انها رابع ولاده لكن كانت اصعب ولاده
ولله الحمد من قبل وبعد


الله يرزقكن ولاده سهله ميسره