ام التوت كيف حالك طمنيني عنك انا رحت وقالت فتح رحمك ١ونص ونزل معي افراز مع دم دعواتكم تكفون ربي يسهلها علي وعليكم انتظر فرج ربي علي ودعوات مستجابه باذن الواحد الاحدام التوت كيف حالك طمنيني عنك انا رحت وقالت فتح رحمك ١ونص ونزل معي افراز مع دم دعواتكم تكفون ربي...
أهليييين بنات أخيرًا قدرت أدخل الموقع طلعني ونسيت الباسوورد ههههههه أبشركم الحمدلله ولدت طبيعي يوم الاثنين ١٤ سبتمبر وجاتني أحلى بنوته 🥺💕 أنا بكريه وكان باقي ثمان ايام واخلص التاسع على حسبة الدكتوره هي حسبتها غير حسبتي وصراحة ماكنت متوقعة أولد هالوقت لدرجة ان شنطتي كنت توني مجهزتها قبل يمكن ثلاث ايام من ولادتي ، لأن الكل قالي أن البكريه تعوشر وكذا بس الحمدلله الحمدلله اني خلصت كل اموري قبل صدق يعني مو شرط أن البكريه تقفل شهرها كامل فانتبهوا واستعدوا من قبل 👌🏻 أنا صراحة ماكنت أمشي كثير يعني حدي كل يومين او ثلاث أيام امشي نص ساعه بالممشى وأموت حر وأرجع البيت ، وقبل ولادتي بيوم رحت مجمع ومشيت فيه ساعتين تقريبا يعني مشي وتسوق ولما رجعت البيت حسيت بافرازات شوي ثقيله لونها ابيض بس ماكانت كثير يعني قليل وكان قبلها بكم يوم برضو نزلت نفس هالافرازات أنا شوي خفت بس قلت لا يعني أنها قليل ماتوقع السداده بس طلعت هي السداده الاكشن حقي حلو الحمدلله ، سبحان الله ربي يسر لي الحمدلله يارب 😭😭 كنت اصحى من النوم كل شوي احس نفسي حسرانه وبعدها الساعة ١٢ الظهر حسيت بالم بظهري شوي صار ظهري وبطني والم قوي انا قلت يمكن طلق كاذب بس كان منتظم كل ١٠ دقايق وقمت رحت اتروش بمويه دافيه عشان اعرف هل هو طلق ولا وتروشت ولازال الالم موجود وصار كل ٥ دقايق احيانا واحيانا كل ١٠ دقايق وصحيت زوجي من النوم وجلست اجهز باقي اغراضي حق الشنط ، قلت بنتظر شوي اتأكد مابي اتبهذل مع المستشفى 😩 وشربت حليب زعفران واكلت ٣ تمرات والم قاعد يزيد يزيد وانتظم كل ٥ دقايق قلت لزوجي خلاص ماقدر ودني المستشفى وصلت المستشفى الساعة ٢ وتخيلوا كان زحمة مررررة أنا منطقتي ماعندنا مستشفى ولاده خاص الا هذا عشان كذا دايم زحمة قالولي انتظري مافي غرفة ولادة فاضية وجلست امشي شوي واجلس الم الطلق قاعد يزيد 😭😭 بعدين تهاوشت معهم قلت طيب افحصوني ع الاقل ابي اعرف الالم اللي فيني ولاده ولا ايش مابي انتظر ع الفاضي واخر شي يكون مفتوح بس ١ ولا ٢ ، المهم بعد انتظار ساعه دخلوني غرفة الولاده الساعة ٣ وجات الدكتوره قالت مفتوح ٤ تنويم بعدها جاني غثيان وكل شوي استفرغ كثييير ومعاناه مع الم الطلق مو قادره انسدح على السرير وكل شوي تجي الممرضه تهاوشني تقول التخطيط مو كويس لان انتي ماتنسدحين لازم تنسدحين على جنبك اليسار وانا مو قادره من الم قاعده احوس في مكاني 😩😩 وامشي بالغرفه واتقرفص بعدها خلاص وصلت لمرحلة مو قادره واتصل على زوجي قلت خلااص قولهم يعطوني ابرة الظهر ماني قادره استحمل 😭😭 بعدها جات الدكتوره وقالتلي مفتوح ٦ ماينفع نعطيك الابره اصلا وقلت طيب ابي مسكن ولا رضت تقول تخطيط البيبي مو كويس لانك قاعده تمشين وتتحركين ! لازم تنسدحين على جنبك اليسار ويتحسن التخطيط وبعطيك وجلست اطلق لين جاء الفرج الساعه ٦ وقتها حسيت نفسي حسرااااانه وفي شي تحت ضاغط علي مرررة قعدت اصارخ ابي اروح الحمام خلاااص تعالوا فكوا مني حق التخطيط وجات الدكتوره قالت مفتوح ١٠ ولاده ! اخيييرا الحمدلله طبعا عانيت كثييير وقت الدفع يمكن عشاني ماكنت ماكله كويس ومافيني قوه فماعرفت ادفع صح وطولنا كثييير حمدت ربي وقتها اني ماخذت ابرة الظهر ! انا بدون الابره ماقدرت ادفع وتعبت كثييير وضعف الاكسجين وعطوني اكسجين والبيبي ضعف الاكسجين عندها وتبرزت في بطني فكيف لو اني ماخذتها ! سبحان الله الواحد مايعرف وش الخيرة فيه والحمدلله على التمام 💕💕 نصيحة بنات وخصوصا البكريات زيي لاتخافووووون ولاتسمعون كلام أحد كل وحدة تجربتها غير عن الثانية أهم انكم تدعون وتتوكلون على الله وربي أن شاء الله بيسرها لكم ❤️❤️❤️أهليييين بنات أخيرًا قدرت أدخل الموقع طلعني ونسيت الباسوورد ههههههه أبشركم الحمدلله ولدت طبيعي...
ليس مهما :
انوش شايله هم بنتك طمنينا عنها انا كمان م قدرت ادف وطولت والدكتورة صرخت واتجمعوا كثيير وحاولوا يساعدوني وطلع وعين ولدي كلها دم وتحت عينه وفي برأسه نفس ضغطه الإصبع الدكتور قال بتروح أن شاء الله هذا المولدة سحبته استودعه الله عافيته كنت طول حملي استودع الله عافيته والحمد لله جت على كذاانوش شايله هم بنتك طمنينا عنها انا كمان م قدرت ادف وطولت والدكتورة صرخت واتجمعوا كثيير وحاولوا...
انوش وسما حمدلله ع سلامتكم انوش لما طلعت بنتك من بطنك صاحت ولا لا؟؟! اذا هي بكت انشالله مافيها الا العافيه و لاتخافين استودعيه الله دايم يصير نقص اكسجين والحمدلله مع الملاحظه يتحسن الوضع ولد بنت خالتي مختنق من الحبل السري كان لاف على رقبته وطلع لونه ازررررق لكن طمنتها الدكتوره بما انه بكى اول ماطلع ف انشالله وضعه بالسليم وماشالله تبارك الله اللحين هو بالجامعه دايم بكاء الطفل اول مايطلع دليل انو بصحه كويسه باذن الله .انوش وسما حمدلله ع سلامتكم انوش لما طلعت بنتك من بطنك صاحت ولا لا؟؟! اذا هي بكت انشالله مافيها...
سبحان الله ،،
انا ابني رضعته اول ستة شهور بدون صناعي الحمدلله
وكان يشبع ،صح فيها تعب لكن بتفرحي انك عم ترضعيه،