Um.saad_qatar :

مساء الخير شلونكم ؟ كنت بسهر معاكم البارحه بما انه بنتي مانامت بس مستلمتني صياح وماتبي ترضع وقعدت تصيح معها مادري شفيها 🥺 سمايا الف الف مبروك والحمدلله على السلامه قمر الحنين حبيبتي الحمدلله على سلامتج والله يعوضج عوض الصابرين 💔 أنوش لاتحاتين موضوع الأكسجين بناتي التوام وحده منهم كان عندها انقطاع في التنفس مب نقص أكسجين يعني طلعت شبه ميته 😭💔طلعوها حتى ماشفتها ودوها الحضانه بس كم يوم عالجهاز وبعدها تحسنت واللحين بسم الله على قلبها عروس ياحافظ الله يخليها لي هي وخواتها ويبارك لي فيهم موضوع الأكسجين بسيط باذن الله وانا بنتي سالت الدكاتره لانها كان عندها عمليه في راسها وكنت خايفه من موضوع التنفس قالوا ماياثر باذن الله لانه اللي صار لها بسبب ظروف الولاده وسوينا العمليه وخلصنا من سنه وزياده يعني بعض الاحيان يكون السبب من الولاده نفسها وانا بعد كنت بكريه وماعرف شي كانت أحلامي في بنتي كوابيس 🥴 وطبعاً مستحيل ترضعينها حالياً لين يشيلون الجهاز عنها وباذن الله يومين وبتطلع انتي اللحين ريحي واستودعيها الله

مساء الخير شلونكم ؟ كنت بسهر معاكم البارحه بما انه بنتي مانامت بس مستلمتني صياح وماتبي ترضع...

* الحــمــدللـه * :

مساء الخيرات بنات الف مبروك سمايا العروسة و الحمدلله على سلامتكم شكرا بنات اللي علقو على مشكلة الحليب... انا اضطريت ادخل الصناعي لان اول اسبوع ماااكو حليب ابدا بس قطرات شفافة تنزل ... طبعا من غير اللبأ نزل اول يوم و رضعته... بس بعدين ماكو و هو جوعان و يبكي فكان لازم يرضع و اضطريت على الصناعي... بعد اسبوع يلا بدا يطلع الحليب بس قليل و دائما احاول ارضعه من صدري بالبداية بس خطية ما يشبع او بالاحرى ما يطلعله بغزارة اللي تخليه يحس انه يرضع كفاية... فتقريبا بعد 20 دقيقة و هو يسحب يتعب ة و يبدي يعصب و يبكي و يسحب بالحلمة قوي فساعتها اعطيه الصناعي و يرضعه بشراهة لانه جوعان و مو مكتفي ... و هو يحب صدري و يهدأ من يلزمه و ما نفر منه بالعكس يمسكه بشراهة بالبداية لكن بعدين يمل من قلة تدفق الحليب و هو جوعان... و استخدم حتى الشفاطة على اساس التحفيز... و اشرب شاي بالحلبة و الشمر و اليانسون و اكل تمر و جوز اهواي... الحمدلله

مساء الخيرات بنات الف مبروك سمايا العروسة و الحمدلله على سلامتكم شكرا بنات اللي علقو على مشكلة...

* الحــمــدللـه * :

صفاء فعلا القيصرية مالها علاقة بادرار الحليب هو ممكن يتاخر النزول شكم يوم عن الطبيعي بسبب انه بالقيصري ما نفرز هرمون الطلق اللي يحفز معاه هرمون الحليب البرولاكتين... فتتأخر الشغلة شوية بس بالاخير ينزل ان شاءالله الا اذا اكو حالات خاصة مثلي ههههه

صفاء فعلا القيصرية مالها علاقة بادرار الحليب هو ممكن يتاخر النزول شكم يوم عن الطبيعي بسبب انه...

* سمايا * :

أهليييين بنات أخيرًا قدرت أدخل الموقع طلعني ونسيت الباسوورد ههههههه أبشركم الحمدلله ولدت طبيعي يوم الاثنين ١٤ سبتمبر وجاتني أحلى بنوته 🥺💕 أنا بكريه وكان باقي ثمان ايام واخلص التاسع على حسبة الدكتوره هي حسبتها غير حسبتي وصراحة ماكنت متوقعة أولد هالوقت لدرجة ان شنطتي كنت توني مجهزتها قبل يمكن ثلاث ايام من ولادتي ، لأن الكل قالي أن البكريه تعوشر وكذا بس الحمدلله الحمدلله اني خلصت كل اموري قبل صدق يعني مو شرط أن البكريه تقفل شهرها كامل فانتبهوا واستعدوا من قبل 👌🏻 أنا صراحة ماكنت أمشي كثير يعني حدي كل يومين او ثلاث أيام امشي نص ساعه بالممشى وأموت حر وأرجع البيت ، وقبل ولادتي بيوم رحت مجمع ومشيت فيه ساعتين تقريبا يعني مشي وتسوق ولما رجعت البيت حسيت بافرازات شوي ثقيله لونها ابيض بس ماكانت كثير يعني قليل وكان قبلها بكم يوم برضو نزلت نفس هالافرازات أنا شوي خفت بس قلت لا يعني أنها قليل ماتوقع السداده بس طلعت هي السداده الاكشن حقي حلو الحمدلله ، سبحان الله ربي يسر لي الحمدلله يارب 😭😭 كنت اصحى من النوم كل شوي احس نفسي حسرانه وبعدها الساعة ١٢ الظهر حسيت بالم بظهري شوي صار ظهري وبطني والم قوي انا قلت يمكن طلق كاذب بس كان منتظم كل ١٠ دقايق وقمت رحت اتروش بمويه دافيه عشان اعرف هل هو طلق ولا وتروشت ولازال الالم موجود وصار كل ٥ دقايق احيانا واحيانا كل ١٠ دقايق وصحيت زوجي من النوم وجلست اجهز باقي اغراضي حق الشنط ، قلت بنتظر شوي اتأكد مابي اتبهذل مع المستشفى 😩 وشربت حليب زعفران واكلت ٣ تمرات والم قاعد يزيد يزيد وانتظم كل ٥ دقايق قلت لزوجي خلاص ماقدر ودني المستشفى وصلت المستشفى الساعة ٢ وتخيلوا كان زحمة مررررة أنا منطقتي ماعندنا مستشفى ولاده خاص الا هذا عشان كذا دايم زحمة قالولي انتظري مافي غرفة ولادة فاضية وجلست امشي شوي واجلس الم الطلق قاعد يزيد 😭😭 بعدين تهاوشت معهم قلت طيب افحصوني ع الاقل ابي اعرف الالم اللي فيني ولاده ولا ايش مابي انتظر ع الفاضي واخر شي يكون مفتوح بس ١ ولا ٢ ، المهم بعد انتظار ساعه دخلوني غرفة الولاده الساعة ٣ وجات الدكتوره قالت مفتوح ٤ تنويم بعدها جاني غثيان وكل شوي استفرغ كثييير ومعاناه مع الم الطلق مو قادره انسدح على السرير وكل شوي تجي الممرضه تهاوشني تقول التخطيط مو كويس لان انتي ماتنسدحين لازم تنسدحين على جنبك اليسار وانا مو قادره من الم قاعده احوس في مكاني 😩😩 وامشي بالغرفه واتقرفص بعدها خلاص وصلت لمرحلة مو قادره واتصل على زوجي قلت خلااص قولهم يعطوني ابرة الظهر ماني قادره استحمل 😭😭 بعدها جات الدكتوره وقالتلي مفتوح ٦ ماينفع نعطيك الابره اصلا وقلت طيب ابي مسكن ولا رضت تقول تخطيط البيبي مو كويس لانك قاعده تمشين وتتحركين ! لازم تنسدحين على جنبك اليسار ويتحسن التخطيط وبعطيك وجلست اطلق لين جاء الفرج الساعه ٦ وقتها حسيت نفسي حسرااااانه وفي شي تحت ضاغط علي مرررة قعدت اصارخ ابي اروح الحمام خلاااص تعالوا فكوا مني حق التخطيط وجات الدكتوره قالت مفتوح ١٠ ولاده ! اخيييرا الحمدلله طبعا عانيت كثييير وقت الدفع يمكن عشاني ماكنت ماكله كويس ومافيني قوه فماعرفت ادفع صح وطولنا كثييير حمدت ربي وقتها اني ماخذت ابرة الظهر ! انا بدون الابره ماقدرت ادفع وتعبت كثييير وضعف الاكسجين وعطوني اكسجين والبيبي ضعف الاكسجين عندها وتبرزت في بطني فكيف لو اني ماخذتها ! سبحان الله الواحد مايعرف وش الخيرة فيه والحمدلله على التمام 💕💕 نصيحة بنات وخصوصا البكريات زيي لاتخافووووون ولاتسمعون كلام أحد كل وحدة تجربتها غير عن الثانية أهم انكم تدعون وتتوكلون على الله وربي أن شاء الله بيسرها لكم ❤️❤️❤️

أهليييين بنات أخيرًا قدرت أدخل الموقع طلعني ونسيت الباسوورد ههههههه أبشركم الحمدلله ولدت طبيعي...

**زمرديه** :

الله يسعدك جلنار ويحفظك من كل شر الله يقومك بالسلامه انتي والبنوته 💜

الله يسعدك جلنار ويحفظك من كل شر الله يقومك بالسلامه انتي والبنوته 💜