أُمنية 14 :

اليوم انا مثل الذبلانه رحت النفود وكان حااار وجلست امشي فيه وارقى على فوق 🏃🏻‍♀️ رجعت متكسره تروشت ولا فيه اي بوادر ولاده 🦦

اليوم انا مثل الذبلانه رحت النفود وكان حااار وجلست امشي فيه وارقى على فوق 🏃🏻‍♀️ رجعت متكسره...

أُمنية 14 :

بنات انا هالايام احس بحكه خفيفه في جسمي طبيعي وضعي ؟ قلت للدكتوره وطلبت تحليل انزيمات الكبد على ما اظن قالت اذا زادت الحكه سويه

بنات انا هالايام احس بحكه خفيفه في جسمي طبيعي وضعي ؟ قلت للدكتوره وطلبت تحليل انزيمات الكبد على...

أنوري. :

الحمدلله على جميل مااعطى وعظيم ماوهب انتهت رحلة وهن على وهن ، وأصبحت أمًا وجنةً لروح صغيرة رزقنا الله بفرحة حياتنا الاولى وقرة أعيننا غزل اللهم انبتها نباتًا حسنًا واجعلها قرة عين لنا وبارك لنا فيها 🥺♥️♥️♥️ الحمدلله بالبداية اليوم الصبح ٧ونص حلمت اني رايحه لدكتوره تفحصني على اساس زكام لكن خلعت سني وعصبت عليها وصحيت من النوم رحت الحمام ولقيت دم وجلس ينزل مني دم اكلت تمرات شربت حليب بالقرفه وافطرت ورحت امشي الين انتظم معي الطلق مره خمس دقايق ومره ١٠ دقايق الين جات ١٢ ونص الظهر ماعاد اقدر اتحمل رحت المستشفى سوو لي تخطيط وفحص طلع مفتوح ٤ونص على ٢ المساء بعدها طلعت لكشك الولادة وبدا الطلق يزيد علي اخخخ بس والله تعبت لكن الحمدلله عدت على خير وولدت ساعه ٨ الا ولله الحمد الله يجازي الامهات ويضاعف اجورهم صدق بعد الولادة تحسين انك انولدتي مع البيبي يارب لك الحمد لكن طلع تفسير الحلم ولادة سبحان الله 🥺

الحمدلله على جميل مااعطى وعظيم ماوهب انتهت رحلة وهن على وهن ، وأصبحت أمًا وجنةً لروح...

ساااارون :

يسعد صباحكم ويارب يهون عليكم ويرزقكم ولاده ميسره بحول منه وقوه انا الحمد لله يوم الثلاثاء لما ارسلت عليكم وقلت معاي ماغص وتحجر والم خفيف بالظهر بس يروح ويرجع وقلت مثل البنات طلق كاذب وكنت انقلب مو قادره انام مو الم يوجع لا بس يقلق ومانمت عدل صليت الفجر وغفيت بعد الصلاه وعلى الساعه 7 الصباح حسيت بالماغص يصحيني ومافي افراز او مويا ورجعت اخاول انام ماقدرت قلت بقوم اشرب يانسون يمكن ارق او يخفف شوي الماغص وعلى الساعه 10 الصباح بدا يزيد المغص ونزل افراز بني الله يكرمكم وماغص زياده الالم وبدا يستمر كل 15 دقيقه كل 10 دقايق مو منتظم وجلست اجهز شنطتي ماجهزتها واشوف بيتي وش فيه تعزيل خفيف يساعدني لو ماخصلت خادمه اذا جتني ولاده هذا الاربعا وشربت اليانسون ومالي نفس اكل شي وانشغلت احوس واوقف اذا خسيت بالطلق اسوي قرفصا ونقعت زعفران واشرب منه مع اني الزعفران الي عندي مو اصلي بس شربته واستمر كذا وسويت لعيالي اندومي مو قادره اطبخ من الماغص وماابي يحسون بشي واكمل يتغدون ونبدا منصه مع بنتي باولى وانا مذا اذا جاني المغص تنفست وتسال بنتي ماما وش فيك واقول اسناني وكنت بصبر عشان عارفه طلقي يتاخر الرحم مايفتح وخلصنا منصه ماقدرت اكمل معها اخر *** واذن المغرب وقلت يارب فرجك للحظه يابنات نزلت دموعي اقول ماابي اولد فيني خوف اول مره يجيني هالاحساس من الولاده ماابي احس بشي سبحان الله الله يرحم ضعفنا دخلت تروشت مويا دافيه ولبست وتوكلت على الله كان لي موعد بمستوصف خاص من اول قلت بروح تكشف علي اذا تمام وفاتح بروح المستشفى اذا توي برجع انوم عيالي وارجع الفجر والحمد لله اروح لها وتكشف قالت 5 صانتي يااااارب يرزقكم فرحتي ذيك اللحظه قلت يارب لك الحمد كل ولاداتي قبل اموت من المغص واكثر من 12 ساعه واذا جيتهم قالو 2 سانتي اول مره احس بالاخساس هذا 5 الخمد لله راخ نص الهم مع ان فيني خوف بس الدكتوره الله يجزاها خير قالت لي كلام كثير وهي تكتب لي تحول تقول عشان تدخلين الكشك بسرعه كلامها كان مريح شجعني وطلعت وصلت المسكستشفى ودخلت الكشك الساعه 8 وتكشف قالت 5 او 4 ممكن انتظري واشغل سوره مريم واذا جت الطلقه اقرفص وادعي وتجي قالت بعطيك ملين لعنق الرحم عشان يفتح بسرعه وقرفصي عشان ينزل الحوض الراس بعيد قلت طيب وتعطيني بالوريد ممكن 4 ملي قلت امانه مو طلق وحلفت بالله انه ملين مو طلق وبدا الالم مايحتمل الله يرحم ضعفنا وفجاءه قرفصت وانكبت المويا ياسبحان الله اول مره احس بالمويا الي يقولون تكب بشكل وبعدين قالت يالله على السرير بفحصك اذا حت الطلقه عشان ياوسع بسرعه وتراقب بالحهاز قالت يالله صح اوجعتني بس حسيت انها بعد الله ساعدتني قالت ماشا الله نزل الراس بالحوض خلاص قربتي وجلست ابكي الالم مايوقف اتفس اتنفس مايخف حسيت بعجز وصرخت خلاااااص قالت عطوها الكمام انا كنت رافضته ومن الام اهذته بدون شعور استنشق وهي تقول لا تدفعين لا تدفعين انا ماادفع بس لاشعوريا احس بشي يضغط علي ودخت وينادون باسمي والممرضه ترفع راسي تركب كمام الاكسجين لاني دخت نقص عندي الامسجين كاني بحلم دايخه والسقف يدور والممرضات على راسي نفس المسلسل الي يصورونه ويضربوني والدكتوره تقول اصحي ياساره اصحي لا تدفعين واخاول استنشق الاكسجين واحس بديت اصحى شوي تقول يالله شايفه الراس اذا جت الطلقه ادفعي لقيت دكتوره ثانيه داخله شكلي لما بديت ادوخ نادوها ويشحعوني ادفعي انا مافيني حيل مااكلت بس على اليانسون والزعفران واقول يااااارب وادفع قالت ممتاز مره ثانيه واخس قيها لما طلعت الحمد لله ذيك اللحظه تعااااادل كل الحياه كل الحياه سبحاااان مخرجهم من الظلمات الى النور وشفتهم يضربونها وسمعت صوتها وارتحت قالت لا تشيلين الاوكسجين باقي المشيمه والحمد لله طلعت وارتخت انتهى الالم انتهى الوجع راح الثقل والوحم والحرقان وكل الالم والبطن نزل سبحان الله تخيطت 😭😭قالت سويت لك لانها بتمزق لو ماساعتك قلت الخمد لله اهم شي اناهى الطلق وجابوها قالو وش جبتي قلت بنت وشفتها باقي ماغسلوها بس تمسيح واخذوها يعطونها الدكتور يكشف عليها والحمد لله انتهت على خير وسلامه قصه قصيره🤪 عسى الي فرج لي بغير حول مني ولا قوه يفرج لكن اجمعين بخير وسلامه ويهون عليكم ويعوض من فقدت جنينها عاجل غير اجل اي الممرضه تفول لا خوفتينا عليك قلت تعبت ماقدرت قالت لا تزعلين السنه الحايه اشوفك بالكشك ان شاء الله😖

يسعد صباحكم ويارب يهون عليكم ويرزقكم ولاده ميسره بحول منه وقوه انا الحمد لله يوم الثلاثاء لما...