hnoooo :

يابنات كنت ناويه من ادخل التاسع استخدم محرضات تبدا تفتح الرحم وبين طرفة عين مزلت موية الجنين وفتح الرحم لين خمسه سانتي يعني لو كان الطفل متوجهه راسه تحت كان ولدت طبيعي وللان ماحد يعرف السبب بالرغم اني ماكنت اتحرك نهائي موفره جهدي للشهر التاسع واليومين الاخيرات قبل ولادتي صايبني خمول وبس منسدحه حتى قبلها بليله قال زوجي نتعشى برا قلت مالي نفس اطلع خلنا بكرا نطلع للبحر مره وحده.. الي صارت طلعتي للمستشفى مره وحده وولدت سبحان الله 😅

يابنات كنت ناويه من ادخل التاسع استخدم محرضات تبدا تفتح الرحم وبين طرفة عين مزلت موية الجنين...

وردة المطر :

خواااتي حااابه افضفض لكم 😭😭 والله تعبااانه جسدياً ونفسياً الحين انا بالاسبوع ٣٨. احس ودي اولد بسرعه 😭 مافيه طريقة تعجب بالولاده غير المشي هذاني امشي وزوجي متعب نفسياً هالانسان واحسه متقلب المزاج مرره انا عند اهلي الحين وكان يقول ماراح اخذك الا لين تولدين وتخلصين وخلك ترتاحين هالفتره لأن من حملت ماغير كررررف ومع الحجر ورمضان احس بتعبببب باموووت منه المهم امس متهاوشين وطلع حكي حسيت اني ماهميته ولاهمه تعبي وكل مره يقول لي هذا موب اول حمل ماله داعي تولدين عند اهلك ومدري ايش واذا صار عاشر حمل بعد مافيه تعب يعني احس مير حملي الاول ماتعبت فيه كثر الثالث وذاه والعمر له دور والجسم سبحان الله موب مثل تحمل اول حمل طيب لو ولدت في بيتي بتجيب لي عامله ولا اقعد اكرف وانا نفاس واهلي بديره وانا بديره من غير اني تعبانة نفسيا اساساً من هالبيت والضيق احسه نفسي نفسي لا واخته حامل اول حمل وتعالو شوفو اذا جاء يتكلم عنها الله يكون بعونها وهي ماتتحمل الله يهون عليها وووووو وطيب انا ليش مايرحمني لييييش ليش تعبت والله تعبت من غير التفكير في الولاده بجي الزوج ويزيد عليك شوي اهدي نفسي واقول لا يهمك واذا مارحمت نفسي ماراح احد يرحمني وانا ادرى بنفسي وتعبي وانا اعرف لو رجعت لبيتي ماراح اقدر اتحمل اشوف الحوسه وباجلس اكرف طول الوقت الله يزينها ياااارب معليش خواتي والله حبيت افضفض شوي حسيت مخنوقه قلت مالي الا بنات حواء احلى خواات والله 💋💋💋💋 الكلام يمكن يكون ملخبط بس معليه فضفصه ليس إلا 💋

خواااتي حااابه افضفض لكم 😭😭 والله تعبااانه جسدياً ونفسياً الحين انا بالاسبوع ٣٨. احس ودي اولد...

الشيهانة ٥٠ :

الله يهونها علينا اجمعين ياقلبي كل وحده عندها همها الحمدلله على كل حال انا في بيتي ولا جبت عامله ولا شي واولادي بالمنصه من الصباح لليل اطارد وراهم واشرح واحل غير الطبخ والنفخ احس كل شي على راسي حتى لو ساعدوني مافيه شي يبقى على وضعه احس مشتته باقي لي اسبوع واخلص التاسع ثقلانه مره وطلوق كاذبه واهلي بعيد ماهم حولي لكن ربي يفرجها ويسهل الامور نتوكل عليه والحمدلله الزوج خليه براحته والله العتاب مايحل ماغير يزيد همك هم يجلس يفتح لك مواضيع لها اول مالها اخر انتبهي لنفسك وبس وكل شي ملحوق

الله يهونها علينا اجمعين ياقلبي كل وحده عندها همها الحمدلله على كل حال انا في بيتي ولا جبت...

De5tiny :

توي جيت من موعدي، الحمدلله كل شي طبيعي بس مستغربه صار نمو النونو مرررررره بطيء، يعني اول الشهور كانت تسبق على الاسابيع يعني لو الوزن المثالي ٦٠٠ جم كانت ٨٠٠جم ولما صرت فالثامن بطلعه الروح تزيد ال١٠٠جم .. حاليا انا اسبوع ٤٠ ووزنها ٢٧٠٠ وواضح ما قدامي ولادة لسه يعطوني مواعيد ماقالوا ترا بتولدين ولا ترا بتعوشرين عشان الوزن قالوا عادي لو تقعدين الى ٥ اكتوبر 😬 وانا موعد ولادتي طبعا ٢٢ يعني الاسبوع الجاي مفروض، ومادري الصدق اقلق ولا عادي، احس اقل من ٣ كيلو مره صغييير مين جابت نونو اصغر من ٣ وكان عادي؟؟؟ اخاف اولد ع موعدي الاسبوع الجاي وتجي نتفه :(

توي جيت من موعدي، الحمدلله كل شي طبيعي بس مستغربه صار نمو النونو مرررررره بطيء، يعني اول الشهور...