Mrs.is :

مساء الخير الف مبروك زمرديه ولارين الحمد لله على السلامة 💞💞💞

مساء الخير الف مبروك زمرديه ولارين الحمد لله على السلامة 💞💞💞

**زمرديه** :

السلام عليكم كيف حالكم ابشركم بفضل ربي ولدت ماشالله لاقوة الابالله اسال الله ان يبارك لنا فيها وينبتها نباتا حسنا ويقر عيوننا فيها طبعا بداني الطلق قبل يومين وكان عباره عن تحجر بدا الصباح وماتوقعته طلق لان مامعاه دم ولا مويه ،،رحت طواري وكشفو حصلو2ونص رفضو اطلع بسبب اني بمرحله ولاده خلاص و الضغط كان مرره مرتفع ووضعي خطر علي وع البيبي وانومت يوم والم وتعب وصراخ الحريم كنت اقفل اذاني وادعي لي ولهم 😭😰وصلت 3 بعد يوم وجاني احباط توقعت وصلت 9 ع اللي مريت فيه ،، عطوني ابرة ظهر بعد مانزل الضغط شوي وع الليل فتحو المويه لما وصل 4 لاكن البنت مررره مرتفعه ومانزلت للحوض ،، بعد فتح المويه انخفضت فجاه نبضات البنت وبدت تضعف وتجمعو علي طاقم عيونهم ع الجهاز 😳😳وعلي ووحده واقفه ع راسي تقول تنفسي تنفسي ووحده ماسكه بطني وتهززز بطني وتحركه باقوى ماعندها يمين و يسار يمين يسار يبونها تتنشط ويرجع نبضها وتنزل للحوض جلست تقريبا ساعه ع هالوضع وطلبت يزودون جرعه الابره لان انتهى مفعولها ورفضو عشان نبض البنت ضعيف و وانا ضغطي مرتفع فووووق وصرت اصرخ عليهم خلاص عمليه ماابي اجازف بحياة بنتي ورفضو 😰نزلت شوي البنت للحوض وصارو يقولون ادفعي تنزل اكثر لاتتعب البنت وصرت ادفع واحاول ويجلسوني شوي عشان يضغطون وتنزل شوي ،،،وكنت اتذكر كلام البنات هنا عن طريقة الدفع والتنفس واذكر الله واحوقل 😭💔وخلاص انتهيت ومافيني حيل لان كنت مجهده من قبل اجي للولاده و الحمدلله فرجها ربي ع خير وطلعت البنت وكانت نتفه مع ان وزنها قبل اسبوع بالسونار3،275 كيلو وبالواقع وزنها 2،520 كيلو مرره صغييييييررره ومع ذلك وسعتني هالنتفه وشقتني غلط وقت الخروج ووحده من الغرز 2سم 🤦🏻‍♀️ ،،تعسرت ولادتي وتعبت كثييرر وفيه احداث حذفتها لانها مو شرط تمر ع الكل اثناء الولاده وماودي اخوفكم ،، انا نفسي اول مره تكون ولادتي كذا عسره💔 والسبب بعد كتبة ربي غالبا من ارتفاع الضغط والاجهاد وانا عندي ارتفاع بانزيمات القلب ف كان لها دور بالتعب اللي مريت فيه ،،، لكن احب انبهكم وانصحكم نصيحه بنات اي عرض تمرون فيه بالشهر التاسع وتحسون غريب لاتهملونه ،،، التحجر لاتهملونه خاصه اذا زاد عليكم مو شرط افرازات او سداده او مويه او شي ينزل منكم ،،، انا مانزل مني اي شي بهالولاده بس حسيت بتحجر وكان جدا خفيف لكن لما حسيت وصلت مرحله اني احاول انام وماقدرت من الالم كان شوي قوي وكل ماله يزود ببطي وبالبدايه ماكان منتظم مررره ..بس بدا يتقارب مع الوقت وينتظم اكثر ،،ونصيحه مهمه بنات انا كنت مجهده نفسي بالتاسع اشغال بيت توقعتها بتسهل الولاده وصار العكس وربي انها هدت حيل ع الفاضي ،،، التاسع خلوه راحه لكم خلصو كل شي بدري ،، التاسع اجمعي طاقه وسوي رياضه قرفصا مشي درج بدون اجهااااد فقط الاشغال لاتجهدون نفسكم فيها واتكلم من تجربتي ،،الله يهون عليكم جميعا ويسهل اموركم ،، ومانسيتكم من الدعوات ولا بنت الفجر دعيت لكم ولمرضاكم وللي فقدو اجنتهم الله يعوضهم عاجلا غير اجل وان ربي يرزقكم خير الدنيا والاخره لاتنسون حملو تطبيق موقت التقلص لان كنت متردده اروح للمستشفى ولما سجلت مرات التحجر وجهني للمستشفى ،، ممكن يفيد البكريات اكثر لانها ماتعرف الطلق او ممكن تتجاهله بالبدايه ،،. بالنسبه لي كانو يقولون كويس جيتي بدري عشان الضغط نراقبه ونحاول نخفضه لك ،، والحمدلله على ماكتب ربي اسال الله ان يهون عليكم ونفرح فيكم جميعا بصحتكم وعافية اجنتكم

السلام عليكم كيف حالكم ابشركم بفضل ربي ولدت ماشالله لاقوة الابالله اسال الله ان يبارك لنا فيها...