سما' :

مساء الخير معليش طولت عليكم بالاكشن بس صدق مره كنت تعبانه اللي مريت فيه مو طبيعي الحمدلله ياارب على كل حال ابدا ماتوقعت تكون ولادتي كذا كنت دايم ادعي ربي يسهل ولادتي بس الحمدلله على كل شيء اللي صار قبل ولادتي بيومين جاني ألم متواصل بالظهر وكتبت لكم سالتكم إذا هيا ولادة قلتلو لا لانو متواصل الساعه ١١ الليل خرجت امشي ومشيت ساعه الا ربع كنت احس نفسي خفيفه ومو حاسه بتعب عكس دائما ربع ساعه واتعب وارجع البيت المهم رجعت البيت تروشت بموية دافيه وانسدحت وصرت احس بالم بظهري يروح ويجي كل ١٠ دقايق واقول معقوله طلق صبرت ساعتين بعدها شفت الألم مايروح كل ١٠ دقايق يجي ورجعت تروشت بمويه دافيه جلست ربع ساعه والموية تنزل على ظهري قلت لو مو طلق حقيقي يروح وخرجت ورجعت انسدحت ولا الألم لسى الساعه ٤ الفجر صار الألم كل ٧ دقايق صحيت زوجي ورحنا الطوارى كشفت عليا قالتلي الرحم مفتوح ١ ونص لسى مو ولادة قلتلها معاي ألم قوي مقدر اتحمل كيف مو ولادة المهم سوتلي تخطيط قالتلي الطلق عندك حامي بس غريبة الرحم مافتح روحي امشي وتعالي بعد ساعه ارجع أكشف عليك ورحت امشي قريب من المستشفى ساعتين ولا صار الألم أقوى وكل ٤ دقايق قلت لزوجي رجعني المستشفى اخاف أولد في السيارة ورجعت الطوارى وكشفت عليا قالتلي ٤ سانتي خلاص ولادة دخلوني الكشك الساعه ٧ ونص الصباح وأول ما دخلت سمعت حرمة تصرخ وجاني خوف كل ساعه يجو يكشفو الرحم زي ماهو قفل على ٤ سانتي من الخوف الساعه ٨ و٩ و١٠ و١١ تكشف ٤ سانتي بعدها قالتلي بفك المويه عشان يسرع الطلق ويفتح الرحم وفكت المويه والساعه ١١ وبعدها ١٢ وبعدها ١ كل ماتكشف برضو ٤ سانتي هذا و الطلق حامي كل دقيقة خلاص شفت الموت قالتلي بنجرب نحط لك طلق صناعي قلتلها طيب بس ابي أولد واخلص من هالالم وحطولي الساعه ١ طلق صناعي وجلست الساعه ١ و٢ و٣ و٤ تكشف وبرضو ٤ سانتي وانا خلاص بتجنن من قوة الألم ولا راضين يعطوني مسكن عشان لا يبرد الطلق يبون الرحم يفتح الساعه ٤ جاتني الدكتورة قالتلي شوفي جربنا فتحنا المويه واعطيناك طلق صناعي ولا في امل يفتح الرحم من الصباح واحنا نحاول خلاص الجنين نبضو بدأ يضعف والاكسجين عندك بدأ يقل بصبر عليك كمان ساعه عبال ما اخلص أوراق العملية راح ندخلك عملية مستعجلة قلتلها خلاص راضيه دخلوني وجلست ادعي من قلبي واقول يارب ارحمني وارحم اللي ببطني وساعدنا محد غيرك قادر انو يساعدنا وابكي بجد وقتها دعيت من قلبي انو خلاص ابي الفرج معاد اقدر اتحمل العذاب والألم وعلى الساعه ٥ حسيت انو ابي ادفع لا شعوريا وانادي الدكتورة انا بولد خلاص تعالي وهيا ماترد عليا لأن دوبو قبل ساعه كشفت لقيتو ٤ وجالسة تخلص الأوراق بدخلني عملية واناديها ماترد شوي جاتني الممرضة تقولي صبر دحين ندخلك عملية الا قلتلها انا بولد وافتح لها اللحاف وشافت الراس خلاص بيطلع وتنادي الدكتورة وانا ادف وتصارخ عليا لا تدفين تبي تلحق تلبس لبس الولادة والقلفز وكذا وانا اقولها مو بيدي شوي الا خرجت بنتي ويد الدكتورة يد لبست القلفز والسد الثانية لسى وعلى طول شالتها عشان لا تطيح وشقتني بنتي شق عشوائي بعدها معاد ادري اش صار بس اسمعهم يقولو لا تنامي اصحي ويضربوني بس مو قادرة ارد احس جسمي صار بارد وثقيل ارتفع عليا الضغط واعطوني إبرة عشان افوث وينزل الضغط وحولوني على العناية وجلست ٥ ساعات في العناية يراقبو الضغط وبعدها طلعوني تنويم وكل ساعه يجو يقيسو الضغط والحمدلله على كل شي بعدها شفت بنتي فرحت واعطوني هيا وشلتها وبس متلازمة من الخياطة احس انعدمت المنطقة عندي كلها 😭😭😭😭😭 ونفسيتي تتعب كل ما اتذكر اش صار نسيت اقولكم اني كنت قبلها صاحية من ٣ الظهر وكملت ٢٤ ساعه صاحية وزيادة ولا اكلت جسمي كان مهدود وطايح معاد فيني حيل للولادة تعبت تعب مو طبيعي بس الحمدلله ياارب عدت

مساء الخير معليش طولت عليكم بالاكشن بس صدق مره كنت تعبانه اللي مريت فيه مو طبيعي الحمدلله ياارب...

أُمنية 14 :

الله يسلمك يالله من تبي تلحق عليه وتولد فيه 😎😎😎

الله يسلمك يالله من تبي تلحق عليه وتولد فيه 😎😎😎

وردة المطر :

الحمدلله على تمام النعمه و أكتمال المنّه ولله الحمد من قبل و من بعد ‏الحمدلله رزقني الله بمولودتي (أشجان) اليوم الأحد ١٤٤٢/٢/١٠ ‏ربي يجعلها من الذرية الصالحه و يحفظها لي و لوالدها وأخوانها حبيت ابشركم يا أحلى خووااااات والحمدلله يارب ولاده سهله ميسره من الله سبحانه الله يسهل عليكم اجمعين واكشني مررره سهل الحمدلله الحمدلله

الحمدلله على تمام النعمه و أكتمال المنّه ولله الحمد من قبل و من بعد ‏الحمدلله رزقني الله...

Mrs.is :

نخاف تحسدونا😜

نخاف تحسدونا😜

Mrs.is :

مو قالت عندها ضيوف وبتنشغل معاهم الله يعينها وييسر لها الولاده

مو قالت عندها ضيوف وبتنشغل معاهم الله يعينها وييسر لها الولاده