Om abdualrahman :

رجعت لكم بالاكشن او الحلللمم للحين احسه حلم 🥶 للمعلوميه ماجربت الطلق الطبيعي بحملي السابق ولا اعرفه 😂 طبعا قلت لكم من يوم الخميس الفجر جاني تحجر ونزلت علي افرازات شفافه ودمويه والم بالظهر واستمر هالحال الخميس والجمعه .. الجمعه بالليل صابني زكام من بعد ولدي ونمت عند اهلي وبس دايخه وتعرفون عطاس واذا عطست احس بتقلص واشرب برتقال وعسل وادهن حلقي بفكس وانام الساعه ٢ ونص قمت الساعه ٤ ونص مع الم بطن وظهر ورحت الحمام صايره الافرازات كثيفه مع دم صليت الفجر وبدت الطلوووق الحاره 😩😩يابنات صرت احسب الطلقات بمؤقت الطلقات ومن خامس طلقه قال عليك التوجهه للمستشفى 😂😩 المهم طنشت المؤقت وحاولت انام ماقدرت طلقه ورا طلقه والطلقه الوحده مدته بين ٣٠ - ٤٠ ثانيه وبينهم عشر دقايق او ربع ساعه بالكثير الى ان جت الساعه سبع ونص فجأه سمعت صوت زي الطققه ونزل الماء 😰 عرفت ان السالفه جد واتصل بزوجي نايم طبعا اقوله تعال نزلت علي مويه بروح للمستشفى واروح اسخن حليب مع ملعقه عسل واحتري احتري زوجي يابنات الى ٨ ونص وبيتنا بنفس حارة اهلي وادق عليه مره ثانيه مير الاخ نايم الظاهر يحسب المكالمه بالحلم 😭 انهرت وانا مواصله طلوق خلاص واعطتني امي كسره حلتيت لفتها بشاش وبللتها سرت اشمها طول الطريق ووصلت المستشفى ٩ الا ربع دخلت غرفة التخطيط ع طول فحصتني تبارك الله فاتح ٦ الحمدلله وفكت المويه وبدت الطلوق بقوه وجت السستر حطت لي ابره قالت ملين الرحم !!! 🤔فجأه يابنات جتني دووخه قويه ع طول بعد الابره وجاني طلق كلها بدقيقه رعش جسمي رعششش يابنات كنه الموتت مدري ايش الابرره اللي حطتها وتشيلني السستر امشي للكوشك واصرخ اقول ابي الحمام في حاجه بتطلع دخلت الكوشك الدكتوره مستعده !! وجلست ع طول شقت وانا ادفع كم دفعه وطلعت بنوتتي 😭😨 شي زي الحلم مو مصدقه ٩ ونص تبارك الله انا والده بس رجولي ترجف بشكل مو طبيعي المشيمه تأخرت شوين ماطلعت وصارت تعصر بطني لين طلعت يابنات انا شاكه في الابره اللي اعطتني معقوله الملين يعمل كذا ؟ والدكتوره كيف مستعده كذا بسرعه !! بس رعشتني رعشة موتتت الحمدلله على الخلاص حلم والله 😭😭 عقبالكن بالسلامه يارب

رجعت لكم بالاكشن او الحلللمم للحين احسه حلم 🥶 للمعلوميه ماجربت الطلق الطبيعي بحملي السابق ولا...

&&جلنار&& :

الله يفرجها عليك 💃🏻💃🏻💃🏻👏🏻👏🏻👏🏻 عاده صغير يربونه

الله يفرجها عليك 💃🏻💃🏻💃🏻👏🏻👏🏻👏🏻 عاده صغير يربونه

الذبلانة 1 :

😂😂😂😂😂😂😂 💃💃💃💃 هلا هلا عاشوا عاشوا

😂😂😂😂😂😂😂 💃💃💃💃 هلا هلا عاشوا عاشوا

&&جلنار&& :

ها مين كمان تبغى تولد تدخل معانا في المداره😂😂😂

ها مين كمان تبغى تولد تدخل معانا في المداره😂😂😂