سامحوني غبت فترة مع التعب بس يعلم الله انكم ببالي ودعيت لكل من فقدت جنينها ان ربي يعوض صبرها بذريه صالحه وللجميع بالولادة السهله الميسرة
اكششني ولله الحمد من قبل ومن بعد
انا العادة بولادتي اخلص التاسع واخذ من اسبوع لعشر ايام بعده وهذا اللي صار معي بحملي هذا بعد الاسبوع الواحد واربعين دخلوني تنويم بالمستشفى عشان الطلق الصناعي وكان يوم الاحد كشفوا قبل الجرعة الاولى وكان الرحم مقفل تماماً وبدينا بسم الله التحميله الاولى الساعة 6 مساء والجرعة الثانيه الساعه12 وبعدها كشفت يادوب فتح نص سم وعنق الرحم سميك والطلق مستمر وقوي جداً تعبت والله يكتب لنا الاجر والساعه 6 صباحاً يوم الاثنين اخذت التحميلة الثالثه بعدها انهد حيلي ومعد اقدر اتحمل طلق والم وبعد الكشف تخيلوا الرحم بس يادوب فتح 2 سم انا هنا اتحطمت وانهرت كل هالموت اللي اشوفه ولسا 2سم هنا اتدخلت الدكتوره وقالت لازم اسوي لك تحريض بعدها شفت الموت ولازال الرحم كما هو وقف على 2 سم وانا مقدر اتحمل اكثر وبعدها رفضت اي كشف او تحميله زيادة صرت ابكي خلاص حولوني قيصري
جات الاستشاريه وقالت خلاص نعطي الجسم فرصه لحد الثلاثاء يمكن ينتظم الطلق وتدخلي ولادة وبقيت الثلاثاء كامل على طلق بس مافي اي توسع بعنق الرحم بالليل بدا يضعف الطلق وحسيت البيبي طلع فوق بضلوعي بعد ماكان نازل تحت لدرجة مااقدر امشي
صوموني الساعة 12 الليل وبديت ادعي واستخيروا الليل ان ربي يكتب لي الخير وييسر لي والصباح كانت العمليه بنج كامل والحمد لله كما ينبغي لجلال وجهه وعظيم سلطانه رزقني ربي بعد هالتعب بولدي حبيبي اسال الله ان ينبته نباتاً حسناً ويجعله قرة عين لنا ويعوضني فيه عن كل الم وتعب
طبعاً كل اللي صار وتعب الطلق الصناعي نسيته بس شفت وجهه بس بدت معاناة القيصري والحركة والغازات بعد العمليه اسال الله العظيم ان يكتب لكل ام الآجر والثواب ويصلح لها ذريتها
معاناتي كانت بالمستشفى العسكري انه كان ممنوع المرافق حتى بالقيصري يعني الممرضات يخدموك او يسحبوا عليك وانتي تخدمي نفسك يالله يابنات القومة من السرير ورفعة الظهر والحركة ودخلت الحمام والكحة اللي بعد البنج شي متعب الله ياجرنا
امس الحمد لله خرجت البيت وحسيت اني صرت احسن بكثير بوجود اهلي حولي والله يكتب لكم جميعاً الولادة السهلة الميسرة
ماانسى بالاخير انه مهما سوينا وفعلنا امر الله لا مرد له كنت ادعي طول حملي ان ولادتي تكون برداً وسلاماً علي وعلى جنبني والان تاكدت ان الخيرة فيما اختاره الله لنا وان ربنا اراد لي القيصري لانه الافضل لي ولجنيني ..... والحمد لله
سامحوني غبت فترة مع التعب بس يعلم الله انكم ببالي ودعيت لكل من فقدت جنينها ان ربي يعوض صبرها...
هيه ممكن دكتورتك تحرضلك عشان يفتح زياده ويزيد الطلق