نوراك :

يازينكم بنات الحمدلله ع سلامتكم جميعا ومبارك لكم ماجبتوا الله يجعلهم مواليد الصلاح والسعاده ويرزقكم برهم الحمدلله الذي اتم حملنا وانعم علينا واكرمنا بالولاده الميسره وسلامة اجنتنا والله يشفي من كان منهم مريض ، الحمدلله الحمدلله مرت هذه الاشهر بسرعه بكل ماكنت تحمله من وهن وتعب وهم مرت واصبحت ذكرى نشكر المولى عليها مرت وبقى الاثر مرت وعلمتنا ان الحياه صبر واحسان ضن بالله مرت وحملت معها اجمل ايام واحساس الحمدلله الحمدلله سعيده جدا باني ادركت معكن اخر شهر من حملي وكنت متابعه جيده لكنّ بالرغم من مشاركاتي القليله اعتز باخوتكن وحرصكن على بعضكن صدقاً هذه هي الاخوه الاسلاميه وقد لمستها فيكن اسأل الله ان يحفظكن ويحفظ الود والمحبه بينكن❤️

يازينكم بنات الحمدلله ع سلامتكم جميعا ومبارك لكم ماجبتوا الله يجعلهم مواليد الصلاح والسعاده...

نوراك :

طبعا نسيت اكتب لكم يوم ولادتي طبعا هذي اول مره اطوف بولاداتي كملت 42 اسبوع ومافي اي بوادر ولاده والرحم فقط واحد سم 😒 عملت تحريض ولافاد واخر شي شلت قشي ورحت لمستشفى الولاده وهذي اول مره اولد ف حكومي بس لان دكتورتي عارضت ولادتي عندها😥الا لو جاني طلق طبيعي المهم رحت لهم ظهر ودخلوني وهم مفجوعين ليش صابره كل هالمده وبدا سلسله التحاليل والاشعه وخرشوووني مره ساعتين وهم يجرجرون فيني واخرتها كتبولي تنويم وطلق صناعي😭 قلت خلاص عاد جيتكم سوو اللي تبون ( ياشين هذا الاحساس) طلعت غرفة التنويم اذان العصر وجتني السستر وسالتها متى بتعطوني الطلق هههه مستعجله 🤣 قالت بكره الصبح الساعه 6 😠 قلت ليش طيب منومين من الحين خلاص بطلع واجيكم بكره😬 قالت لااا كذا بتخسري السرير والفحوصات اللي عملتيها كلها وترجعي من جديد تعيدينها المهم حاولت معي ويالله اقتنعت كنت افكر بعيالي شلون ابات بعيد عندهم وهذي اول مره وان شاءالله من غير شر. ماتعيد المهم ع الساعه 8ونص جاتني دكتورت سعوديه تهبببل يابنات طيوبه وحنونه مره امتصت توتري وحزني وخففت عني وقالت المفروض بكره نبدا بس انا بعطيك الحين وربي يسهل عليك اعطتني تحميله وقالت نص بس لانك عندك ولادات سابقه وبنشوف بعد كم ساعه اذا استجاب الرحم خلاص واذا ماستجاب نشوف وش نعمل حطت التحميله وربي ماحسيت فيها ماشاالله عليه وبعد نص ساعه بدا المغص والالم معي مع اني اصلن من دخلت المستشفى تغيرت علومي وصار ينزل افرازات بنيه وشوي مغص على الساعه وحده بدا الالم ينتظم كل خمس دقايق بس ماكنت المغصه قويه وكان معي خاتم الاستغفار كل ماجات مغصه رفعته قدام عيوني وركزت ع العد والصلاه على النبي( بنات سر عجييييب الصلاه على النبي تخفف الالم وتحسين برحمة الله معك وتيسيره) ع الساعه 3 جاتني دكتوره ثانيه وفحصت قالت 3سم هنا انا انهرت كل هالالم والمده وبس ثلاثه😥 بكييييت بحرقه ودعيييت من قلب والحمدلله ربي حبيبي ماخيبني جات الساعه 3 ونص وجتني نفس الدكتوره السعوديه الاولى وفحصت وقالت خمس او سته ع الكشك بسرعه😭 سبحانك يارب خلال نص ساعه فتح ثلاث سنتي احسنوووو الضن بالله وادعووو في هالوقت لان دعوتكم مستجابه طلعت الكشك وبدا معانات جهاز الطلق والكشف وصار الطلق حامي شوي بس متباعد لدرجة اني اخذ غفوه واصحى😅 ع الساعه 7 ولدت الحمدلله وكانت اطووول فتره امر فيها ف ولاداتي كلها والحمدلله

طبعا نسيت اكتب لكم يوم ولادتي طبعا هذي اول مره اطوف بولاداتي كملت 42 اسبوع ومافي اي بوادر ولاده...